2 TOMU-TOMUNDO' 11:4 - KITAB NU TUMPU ALLA LELE MA'IMAI'

⁴ I taun ko popitu'nyomo, to sulu-suludadu anu toto tangka-tangkas na pangkatnyo ka' anu saja' monjagai tomundo' boune ka' anu saja' monjagai laigan nu tomundo' i lagamo i Imam Yoyada da mompahakabot tiba ia i Laigan nu Tumpu. I kiijo' ia nompoto'imo aha da basumpa' na mombau anu tinanga'annyomo. Ia nompoto'i hi Yoas anak, mo'ane i Tomundo' Ahazia hi aha,

2 TOMU-TOMUNDO' 11:4 ပူးပေါင်းရင်းမြစ်များ

KAJADIAN 50:25

Lantas i Yusuf nompokaumo iwi-iwi' na aha sa'anakan ka' to utu-utusnyo basumpa', ia notatae, “Balajanji'mo mae hi belengku, de Tumpu Allah molaya'mo belemiu mamba i lipu' aijo', belemiu suele momboa bangke'ku.”

2 SAMUEL 20:23

Aiyamo na mian anu singkap ko ko pangkatnyo matangkas anu ihangkat i Daud. Talenga' nu aha Israel iwi-iwi'; i Yoab. Anu mongkapalai gombuan nu suludadu anu monjagai i Daud; i Benaya anak i Yoyada.

2 SAMUEL 8:18

Kapala nu anu monjagai i tomundo': i Benaya anak i Yoyada; To ima-imam ilaigan nu tomundo': to ana-anak i Daud.

1 TOMU-TOMUNDO' 14:27

Ka' salaku binau pombolosi i Tomundo' Rehabeam noki baumo to kanta-kanta tambaga ka' pinoki jagannyomo hi to sulu-suludadu anu monjagai sabatan daka' laigan nu tomundo'.

1 TOMU-TOMUNDO' 18:10

I uno nu sanggo nu Tumpu anu tumuu', Tumpu Allah anu osombah nu belento Tuuma, aiya ku poto'i saba' i tomundo' nompalentahmo aku molio belento Tuuma iyaya mae. De i sa'angu' na lipu' pamalentahnyo motatae tukoonyo belento Tuuma madi' ko anu aiya mae, sabole-bole tionyo nu poita i Ahab da pamalentah nu lipu' aijo' basumpa' de memang totu-totu'u belento Tuuma madi' ko anu kinabot kiijo' mae.

2 TOMU-TOMUNDO' 11:17

I Imam Yoyada nonsaimo i Tomundo' Yoas ka' mian da'isan da mombau palajanjian hi Tumpu kalana aha mongka'oho'mo timbali mian anu palesayamo hi Tumpu. Ka' ia mule' nonsaimo i tomundo' mombau palajanjian hi mian da'isan.

2 TOMU-TOMUNDO' 11:19

lantas ia hingga-hinggat tiba suludadu anu toto tangka-tangkas na pangkatnyo tiba suludadu anu monjagai tomundo' ka' suele suludadu anu monjagai laigan nu tomundo' ka' iwi-iwi' na mian da'isan nomboamo i Tomundo' Yoas lengkat i Laigan nu Tumpu mamba i Laigan nu tomundo'. I Yoas ninsoopmo nontului Sabatan Daka' ponjaga'an nu Suludadu anu monjagai tomundo', lantas sinumuhangmo aita' i suhangan nu tomundo'.

2 TOMU-TOMUNDO' 11:3

Anom na taun na kinopinnyo na i Yoseba nongkalesang anak aijo' i Laigan nu Tumpu tempo'nyo i Atalya nompalentahmo salaku tomundo' boune.

2 TOMU-TOMUNDO' 11:9

To sulu-suludadu anu toto tangka-tangkas na pangkatnyo nontuluti mo palentah i Yoyada ka' nomboamo hi ia suludadu nu aha anu tionyo ahi' bakalaja tiba anu madi'mo nokalaja i sinaa nu Sabat aijo'.

2 TOMU-TOMUNDO' 12:7

Kalana aijo' i Yoas nolagamo i imam Yoyada ka' to ima-imam sangga'at ka' pinokilawanyo, “Kadaka' belemiu ma'isa nompokopiani Laigan nu Tumpu? Mulai sinaa aiya belemiu madi' mo ku pobee' mompouna' doi anu ohumpak nu belemiu hi mian. Iwi-iwi' tionyo ahi' obee'mo nu belemiu da opake mompokopiani Laigan nu Tumpu.”

1 TAWARIKH 9:13

To ima-imam anu salaku tu'anyo nu auwan iwi-iwi' aha 1.760 na mian. Aha pande hondo na mombau apa-apaa anu okalaja i Laigan nu Tumpu.

2 TAWARIKH 15:12

Aha binalajanji'mo hi Tumpu, koonyo nu aha, aha totu-totu'u mo na kinyonyoa tumuu' mombatuki pongka'oho' nu Tumpu. Tumpu Allah nu mompolee' nu aha.

2 TAWARIKH 29:10

Uuka aiya aku kahanda'mo mombau palajanjian tiba Tumpu, Tumpu Allah nu Israel, da Ia madi'mo montambuha'i kita.

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

NEHEMIA 5:12

To pola-polaya' nu aha haha aijo' nontaami, “Pokinde' haha itina' otulutimo mami. Osule'akonmo mami iwi-iwi' ka' madi'mo otuntut mami na aha mombayan.” Lantas ilagangkumo na to ima-imam ka' pinalentangkumo na to pola-polaya' haha aijo' da basumpa' i ahop nu to ima-imam haha aijo', da apaa na anu tinaloakonmo nu aha aijo', totu-totu'u tionyo ahi' nubau nu aha.

NEHEMIA 9:38

Kalana hahan anu jinadimo aijo', kami mian da'isan aha Israel nombaumo palajanjian totu-totu'u ka' mule' palajanjian aijo' tinulismo ka' sinapmo nu aha to pola-polaya' mami, to mia-mian nu aha Lewi ka' samian na imam mami.

SISIKON NU TO RASUL-RASUL 5:24

Salatan to sulu-suludadu anu monjagai Laigan nu Tumpu ka' to kapa-kapala nu imam nohongo potatae aijo', aha biningungmo mongkona to rasul-rasul haha aijo', ka' nabuhukmo pa' apaa na anu timbali.

SISIKON NU TO RASUL-RASUL 5:26

Jadi suludadu anu monjagai Laigan nu Tumpu aijo' tiba to sanga-sangalunyo namba po'ule' nongala to rasul-rasul haha aijo'. Panyo aha madi' nontambuha'i, sabab aha mabuhuk hi mian da'isan; dumo saidi' mae mian da'isan aijo' mompahambunu'akon aha nu batu.

YOSUA 24:25

Sahingga i sinaa aijo' kiijo' i Sikhem i Yosua nombaumo palajanjian tiba aha mian nu Israel; ka' ikiijo' na ia nompoto'imo hi aha atulan haha aijo' tiba palentah-palentah anu tionyo ahi' otuluti nu aha.

1 SAMUEL 18:3

Kalana aijo' i Yonatan binasumpa'mo da mobela'mo tiba i Daud sampe toka sidu-sidutu'.

1 SAMUEL 23:18

Lapas aijo' i Daud tiba i Yonatan nojanji'mo da mobela'mo totu-totu'u i ahop nu Tumpu. Lapas aijo' i Yonatan ninsusule'mo i laigannyo, panyo i Daud na tatataap ahi' jinojoongmo kiijo' i Hores.