2 TOMU-TOMUNDO' 11:12 - KITAB NU TUMPU ALLA LELE MA'IMAI'

¹² Lapas aitu i Yoyada nomboamo i Yoas nosabat, lantas pinosoku'annyomo makota i ubaknyo ka' binee'nyomo kitab Atulan nu Tumpu Allah. I Yoas i hangkatmo binau tomundo' ka' han aitu binebakonmo hi mian da'isan. Iwi-iwi' nohagaimo ka' nontalagalaimo “Umu-umunnakon na i tomundo'!”

2 TOMU-TOMUNDO' 11:12 ပူးပေါင်းရင်းမြစ်များ

2 SAMUEL 1:10

Sahingga ingohaniankumo na ia nokiijo' ka' pinateankumo, kalana ku sumbu' de ia motua' kalana madi'mo mahoson na tuminjo' memang ahi' ia silakamo. Lantas ingalangkumo na mahkota'nyo anu aijo' i ubaknyo ka' galang anu ilimanyo ka' aiya binoangkumo mae hi belento Tuanku.”

2 SAMUEL 12:30

Songko' nu tomundo' nu aha ingalamo i Daud anu aijo' songko-songko' hi tomundo' nu aha ka' pinosongko'nyomo i ubaknyo. Songko' nu Tomundo' aijo' kila-kila 35 kilogram na ko boatnyo ka' ko mai-mainannyo ma'ima' hondo. Ka' mule' manjoo' hondo na to bala-balang anu pinahuhuakon mae i kota' aijo'.

2 SAMUEL 16:16

Salatan i Husai sangalu i Daud anu mompahasumbu' hondo' aijo' siningkabotmo tiba i Absalom tinaligaga'anmo i Husai, “Salamat kopian na i Tomundo'! Salamat kopian na i Tomundo'!”

2 SAMUEL 2:4

Lapas aijo' to mia-mian nu Yehuda nambamo i Hebron ka' nohangkatmo i Daud binau tomundo' nu aha mian Yehuda. Salatan ihongomo i Daud na aha mian nu Yabesh anu kiijo' i Gileat nolamunmo i Saul,

2 SAMUEL 2:7

Posahaan na kinyonyoa nu belemiu ka' baumo na apa-apaa susumo suludadu anu baani hondo! I Saul tomundo' nu belemiu memang sinilakamo, panyo aha mian nu Yehuda nohangkatmo aku binau tomundo' nu aha.”

2 SAMUEL 5:3

I Daud nombaumo palajanjian tiba to pola-polaya' nu aha mian Israel haha aijo', lantas ihangkatmo nu aha na ia binaumo tomundo' nu Israel.

1 TOMU-TOMUNDO' 1:25

Sinaa uuka aiya ia nonsombahkonmo manjoo' hondo na domba, sapi' lakinyo ka' anak nu sapi' anu toto lompo-lompo' hondo. Iwi-iwi' na to momo'ane anak nu belento Tomundo' i laganyomo. Ka' suele to tale-talenga' nu suludadu i Tomundo' ka' i Imam Abyatar. Aha tempo' uuka hau-haunyo nombaumo bau-bauon tiba ia ka' lewa'mo binilahi, 'Higahiakon ame na i Tomundo' Adonia!'

1 TOMU-TOMUNDO' 1:34

Kiijo' mae i Zadok ka' I Natan tionyo ahi' ohangkatmo da ia baumo tomundo' nu mian Israel. Lapas aijo' opo'onyi'mo nu bele miu na tolompet ka' lewa' otaligalai, 'Higahiakon mae na i Tomundo' Salomo!'

1 TOMU-TOMUNDO' 1:39

Lapas aijo' i Zadok nongalamo tampat pongisian lanya' nu Zaitun anu binoanyo mae lengkat kiijo' mae i kemah nu Tumpu, lantas binalakatannyomo na i Salomo ka' sinapuakonnyomo na lanya' aijo'. Tolompet mule' pino'onyi'mo ka' iwi-iwi' na anu tinoka i kiijo' nontalagalaimo, “Higahiakon mae na i Tomundo' Salomo!”

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

2 TOMU-TOMUNDO' 11:11

Lantas batu-batu suludadu haha aijo' monjagai okeatmo na ba bajak ka' tampat nu aha montikubi Laigan nu Tumpu sasu ahopnyo da monjagai i tomundo'.

2 TOMU-TOMUNDO' 11:2

I Yoas anak i Ahazia boboli' opatei hingga-hinggat tiba anak to momo'ane nu tomundo' sangga'atan, panyo i Yoas pinosalamat nu dada'nyo i Yoseba. I Yoas ka' anu monjagai ia binoa nu aha ka' pinosuluk i sa'angu' na salipi' kahoyotan i Laigan nu Tumpu.

2 TOMU-TOMUNDO' 11:4

I taun ko popitu'nyomo, to sulu-suludadu anu toto tangka-tangkas na pangkatnyo ka' anu saja' monjagai tomundo' boune ka' anu saja' monjagai laigan nu tomundo' i lagamo i Imam Yoyada da mompahakabot tiba ia i Laigan nu Tumpu. I kiijo' ia nompoto'imo aha da basumpa' na mombau anu tinanga'annyomo. Ia nompoto'i hi Yoas anak, mo'ane i Tomundo' Ahazia hi aha,

2 TOMU-TOMUNDO' 9:13

To sanga-sangalu i Yehu nalia-lia' na nongukat juba nu aha ka' binoka nu aha i ojan hi ahop i Yehu. Lantas pinuhanmo nu aha na tolompet ka' lewa'mo nolobo'akon, “I Yehu na tomundo'!”

2 TOMU-TOMUNDO' 9:3

Ka' dudu'akon na lanya' aiya i ubaknyo ka' poto'i 'koonyo nu Tumpu, Ia nohangkatmo beleyum baumo tomundo' nu Israel.' De opoko baumo na aijo' pala'imo na tampat aijo' palia-lia'.”

2 TAWARIKH 23:11

Lapas aijo' binoamo i Yoyada na i Yoas nosabat, lantas pinosongko'anmo songko' nu tomundo, ka' binee'mo hi ia na kitab nu Atulan nu Tumpu Allah. Sumo aijo' na i Yoas i hangkat binau tomundo. Lapas aijo' i Imam Yoyada tiba to ana-anaknyo nondudu'akonmo lanya' hi Yoas salaku tanda i hangkatmo, “Binau tomundo!”

ESTER 2:17

I Ester nomposanangmo hondo kinyonyoa ka' nompolame'mo hondo i tomundo, ilingkuduannyomo na to lalangkoyang sangga'at. Mokonyo aijo' talalo hondo nuka'ima'i i tomundo na ia. Sahingga pinosongko'mo i tomundo na songko' nu kalaja'an hi Ester ka' pinotimbalinyomo na ia Bengkele' nu tomundo nombolosakon i Wasti.

MAZMUR 132:18

Kalaja'annyo saja'mo mohumpak ka'ima'an, panyo iwi-iwi' na mian anu monsapobali' aha opopoambangmo.”

MAZMUR 21:3

Binee'mo nu Belento apaa na anu kinahanda'anmo nu kinyonyoanyo ka' nombee'mo apaa na anu pinoitanyomo.

MAZMUR 21:4

Belento tinokamo hi ia nomboai balakat anu manjoo' hondo, ka' nomposongko'mo makota' mosoni' i ubaknyo.

MAZMUR 47:1

Mazmur nu aha sa'anakan i Korah. Anu mongkapalai panyanyi.

MAZMUR 78:5

Hi bansa Israel binee'annyomo atulan-Nyo, ka' hi lee' i Yakub binee'an-Nyomo palentah. Ia nompokaumo mompolee'to da mompogulu'akon hi to ana-anak nu aha,

MAZMUR 89:39

Panyo uuka aiya Belento nontambuha'imo i tomundo, Belento nompojohokmo ka' madi'mo nongkali-kalinga mian anu pinile'anmo nu Belento.

MAZMUR 98:8

Bakas da kaunyo iwi-iwi' mohapa'imo lima, ka' iwi-iwi' na puge'nyo montaligalaimo lame-lame' i ahop nu Tumpu.

NOSABATMO 25:16

Lantas i uno nu peti' aijo' na pompo'isian nu beleyum ohua' na batu anu ko tulisannyo palentah anu Ku bee'je hi beleyum.

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YESAYA 8:16

Belemiu aiya to muli-mulitku tionyo ahi montoongi ima-ima' ka' mule' monginau sinin na potuunon anu binee'mo nu Tumpu hi belengku.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

DANIEL 3:9

Aha nompoto'imo hi Tomundo' Nebukadnezar, “Higahiakon na belento Tuanku sampe toka sidu-sidutu'!

DANIEL 6:21

Salatan tinokamo ikiijo' nabuhukmo na ia ka' notataemo daka-daka', “I Daniel memang posaihon nu Tumpu anu tumuu'! Ihe na Tumpu nu beleyum anu nunu sombah ka' nu tuluti nu beleyum totu-totu'u ka' moko ala momposalamat beleyum da madi' sina'u nu singa haha aijo'?”

MATIUS 21:9

Mian da'isan anu ilumajang i moona ka' anu i mihi hi Yesus molo-moloboo', “Tumuu'mo na Anak i Daud! Obalakatiakon na Ia anu tinoka tiba sanggo nu Tumpu! Puji' na Tumpu Anu Matangkas na Kuasanyo!”

MATIUS 27:29

Aha noombau sa'angu' na makota kandang anu ko hii'nyo, ka' pinosoku' i ubak i Yesus. Lapas aitu aha nompotoong sangkau na tokon pinotoong-Nyo i lima, i sasu koanan-Nyo, lantas tinolodadupu na aha i ahop-Nyo ka' nompopo'ambang Ia. “Soosa' Tomundo Mian nu Yahudi!” na koonyo nu aha.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.

2 KORINTUS 1:21

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo.

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”

IBRANI 2:9

Panyo kita nontoamo i Yesus ko kuasa! Ia pinotimbalimo gagana' i aluknyo nu malaikat ola i tempo' anu sasaingoni', da kalana kanonongan nu kinyonyoa nu Tumpu Ia timbali silaka bau pontokong mian iwi-iwi'. Kita nontoamo uuka aiya Ia binee'anmo pangkat anu talasanggo ka' o'adati kalana Ia nongoa'imo kasansala'an sampe sinilaka.

ANU PINOTO'I HI YOHANES 19:12

Mata-Nyo moak sumo apu ka' aita' i ubak-Nyo pinosongko'-Nyo manjoo' na makota. I butong-Nyo tuli-tulis sa'angu' na sanggo; ka' ola posi Ia na monsumbu' sanggonyo aijo'.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 10:24

Lapas aijo' i Samuel notataemo hi aha mian da'isan, “Aiyamo na mian anu pinile'anmo nu Tumpu, madi' ko anu pokakana aiya hi kita iwi-iwi.” Iwi-iwi' na bansa haha aijo' nolobo'akonmo, “Higahiakon mae na i tomundo'!”

1 SAMUEL 16:13

Lia-lia' na i Samuel nongala lanya' nu zaitun aijo' ka' nohangkatmo ka' nombalakatimo i Daud, lanya' aijo' na pinipi'akon hi ia i ahop nu to utu-utusnyo tu'a. Tempo'nyo aijo' i Daud kinuasanmo nu Roh nu Tumpu. Sinaa aijo' Roh nu Tumpu saja'mo lewa' nongkuasai ia. Lapas aijo' i Samuel ninsusule'mo namba i Rama.