2 TOMU-TOMUNDO' 11:1 - KITAB NU TUMPU ALLA LELE MA'IMAI'

¹ Salatan sinumbu'mo i Atalya na i Tomundo' Ahazia, anaknyo sinilakamo, ia nompalentahmo da iwi-iwi' na aha sa'anakan i Ahazia opateimo.

2 TOMU-TOMUNDO' 11:1 ပူးပေါင်းရင်းမြစ်များ

KAJADIAN 9:5

To mia-mian ka' to bina-binatang anu mompatei manusia, Ku hukum mate.

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

1 TOMU-TOMUNDO' 1:12

De belento bengkele' i Tomundo' mongkahanda'i da i Salomo tiba belento bengkele' i Tomundo' salamat ku pokinde'i,

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

2 TOMU-TOMUNDO' 10:7

Salatan aha nohumpakmo sulat i Yehu, to tu'a-tu'anyo nu kota Samaria aijo' nompateimo makumpu i Ahab aha pitumpulu' lantas ubak nu aha haha aijo' pinolinsonmo i uno nu kalanjang ka' pinakatu i Yehu i Yizreel.

2 TOMU-TOMUNDO' 12:1

I taun ko popitu'nyomo na i Yehu nompalentah Israel, i Yoas tinimbalimo tomundo' nu Yehuda. Ia nompalentah Yerusalem 40 taun na kinopinnyo. Tinanyo sanggonyo i Zibya mian nu kota' Bersyeba.

2 TOMU-TOMUNDO' 25:25

Panyo kinona i bitu'on ko popitu'nyomo taun aijo' i Ismael anak i Netanya lee' mae i Elisama anu daagi' mae lee' nu tomundo', nambamo tiba aha 10 na mian nu Mizpa. Tinumbuhanmo nu aha ka' pinateanmo nu aha na i Gedalya tiba mian nu Yehuda ka' mian nu Babel anu kiijo' hi Gedalya.

2 TOMU-TOMUNDO' 8:26

Tempo'nyo aitu i Ahazia umunnyo uampulu'mo ka' ohua' na taun, ka' ia nompalentah Yerusalem sinataun na kinopinnyo. Sanggo nu tinanyo i Atalya anak i tomundo' Ahab, ka' makumpu i Omri tomundo' nu Israel.

2 TOMU-TOMUNDO' 9:27

I Ahazia nontoamo apaa na anu jinadimo, sahingga ia nopalaihakonmo karetanyo namba i kota' Bet-Hagan. I Yehu nololoi'mo ia ka'nolobo'akon hi suludadunyo, “Patei suele na ia!” Pinana'mo nu aha na ia ka' binelaonmo na ia i jalan anu mamba mokiijo' i Gur, koko kota' Yibleam. Panyo ia daagi' noko ala nopalai tinoka kiijo' mae i Megido, ka' i kiijo'je na ia sinilaka.

2 TAWARIKH 24:7

To mia-mian anu monsangaja'i i Atalya, boune anu ma'i-ma'idek na kinyonyoanyo aijo', nongideimo Laigan nu Tumpu, ka' manjoo' na to bala-balang anu opake monsombah Tumpu Allah pinakemo nu aha monsombah Baal.)

YEREMIA 41:1

Ibitu'on kinopopitu'nyomo taunmo ai-aijo' i Ismael anak i Netanya ka' makumpu i Elisama nambamo tiba aha sampulu' na mian nokiijo' i Mizpa da singkabot tiba i Gedalya. (I Ismael te lee' mae nu tomundo', sala' samian na suludadu anu ma' tangkas na pangkatnyo i uno nu kalaja'an). Hau-haunyo aha iwi-iwi' nongkaanmo,

MATIUS 2:13

Salatan to pande-pande anu monsumbu' mandala' aijo' i nambamo, Malaikat nu Tumpu nanintoamo hi Yusuf i uno nu ipion. Malaikat aijo' notatae, “I Herodes ko kahanda' molio Anak aijo' da o patei na Ia. Kalana aijo' bulamo, boa na Anak aijo' tiba tina-Nyo malai nokiijo' i Mesir. Jojoong i kiijo' mae sampe-Ku poto'ije mule' hi beleyum.”

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

TO MIA-MIAN KOPIAN 9:5

lantas nambamo na ia i kampung kinahampean nu tuumanyo kiijo' i Ofra. Ikiijo' mae i nompateimo to utu-utusnyo anu aha pitumpulu' i sa'angu' na batu. Panyo i Yotam anak tampalui'nyo i Gideon madi' pinatean hingga-hinggat kalana ia natisulukmo.