2 TOMU-TOMUNDO' 10:5 - KITAB NU TUMPU ALLA LELE MA'IMAI'

⁵ Kalana aitu kapala nu laigan nu tomundo' ka' anu mongkuasai kota' aijo' tiba to tu'a-tua'nyo nu mian da'isan ka' mian anu nompotuu' anak makumpu i Ahab nompakatumo lele aiya sumo uuka, hi Yehu, “Kami ta'alukmo hi belento Tuan, ka' apaa na anu opokauhakon hi kami nu belento Tuan tionyo ahi' obau mami. Kami madi' mohangkat bau tomundo' maumo pa' ihe. Bau ahi' mae apaa na anu ma'ima' anu nukahanda'i nu belento Tuan.”

2 TOMU-TOMUNDO' 10:5 ပူးပေါင်းရင်းမြစ်များ

1 TOMU-TOMUNDO' 20:32

Sahingga aha nompusokmo baju' kalung ka' kahohon i gogohong nu aha, lantas nambamo nangadap hi Ahab ka' notatae, “I Benhadad posaihon nu belento Tomundo'. Ia mongkakase da belento Tomundo' boli mompatei ia.” Tinaaan i Ahab, “Daagi' tutuu' na ia, utusku kiijo'?”

1 TOMU-TOMUNDO' 20:4

I Ahab nontaami, “Poto'i hi Tomundo' Benhadad, aku situjumo. Ia timbali mongala aku ka' iwi-iwi' apaa na anu daagi' hi belengku.”

2 TOMU-TOMUNDO' 10:6

Lantas i Yehu nompakatumo mule' sulat hi aha, isinyo, “De belemiu monsangaja'i mae aku, ka' montuluti iwi-iwi' na palentah-ngku, pateimo na makumpu i Ahab aijo', ka' dodop tempo'nyo sumo uuka boamo mae na ubak nu aha haha itina' i Yizreel.” Pitumpulu' na makumpu i Tomundo' Ahab aijo' pinojoong hi to tu'a-tu'anyo i kota nu Samaria, ka' kinalesangmo nu aha.

2 TOMU-TOMUNDO' 18:14

Sahingga hi Sanherib anu jojoong kiijo' mae i Lakhis, pinotunmo i Hizkia sumo uuka: “Aku sinala'mo. Kalana aitu ku kakase de timbali bolimo mae belento Tuan montumbuhi kami. Iwi-iwi' na anu opoita nu belento Tuan, tionyo ahi' ku bee'.” Binalosan i Sanherib tukoonyo hi Hizkia, tionyo ahi' mompakatu hi ia 10.000 kilogram na salaka ka' mosoni 1.000 kilogram.

YEREMIA 27:17

Boli mompotombihing aha! Tundu'mo ahi' hi tomundo' nu Babel, da belemiu salamat. Apaa na gunanyo na kota' aiya hansun?

NOMBILANGMO 11:12

Te aku na no hempuakon kabai nohampeakonmo aha aijo'? Kadaka' Belento nompokaumo aku da sumomo samian anu bau potamongi anak ise' ka' saja' montangkung, sahingga aku tionyo ahi' saja' montamongi aha sampetoka sidu-sidutu' mamba i lipu' anu jinanji'mo nu Belento hi mompolee' nu aha.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOSUA 9:11

To pola-polaya' ka' iwi-iwi' na anu jojoong i lipu' mami nompokaumo mae kami da montoukai mantu da mamba mo'uuka mae mahampia to Tutuuma. Ka' mompoto'i kami aiya da ta'alukmo hi to Tutuuma. Kalana aitu okakase mami kanonongan nu to Tutuuma da mombau palajanjian tiba kami.

YOSUA 9:8

Aha notatae, “Kami sanang na kinyonyoa mombau maumo pa' apaa na anu opalentahkon nu to Tutuuma.” “Belemiu aiya ihe? Ka' lengkat mae i lipu' apaa?” pinokilawa hi aha.