2 TOMU-TOMUNDO' 10:29 - KITAB NU TUMPU ALLA LELE MA'IMAI'

^29-31 Kalana aitu koonyo nu Tumpu hi Yehu sumo uuka, “Iwi-iwi' na anu pinalentahkon-Kumo hi beleyum mongkona lee' i Ahab binaumo nu beleyum. Kalana aijo' Aku balajanji' to maku-makumpu nu beleyum sampe toka-toka i lapisan anu ko opatnyomo na lee' nu beleyum aijo' na timbali bau tomundo' nu Israel.” Panyo i Yehu madi' talalo buke-buke na kinyonyoanyo montuluti atulan nu Tumpu, Tumpu Allah nu Israel. Ia nontulutimo apaa na anu binaumo i Yerobeam anu nonsaduakon mian nu Israel binaladosa'mo kalana nonsombahmo sapi' mosoni' anu pinotinjonyo i Betel tiba kiijo' i Dan.

2 TOMU-TOMUNDO' 10:29 ပူးပေါင်းရင်းမြစ်များ

KAJADIAN 20:9

Lapas aijo' i Abimelekh nolagamo i Abraham ka' nompokilawa, “Te apaa na anu binaumo nu belento hi kami? Apaa na kasala'anku hi beleyum, sahingga beleyum nomboamo mae balaa'aiya hi butongku ka' hi kalaja'anku? Madi' hondo pantas na beleyum mombau sumo aijo' hi belengku.

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

2 TOMU-TOMUNDO' 10:28

Sumo aijo' na i Yehu nongingkoti iwi-iwi' anu lewa' monsombah Baal i Israel.

2 TOMU-TOMUNDO' 13:11

Ia suele binaladosa'mo hi Tumpu kalana nontihomo kalakuan anu ma'idek i Tomundo' Yerobeam nonon saduakonmo mian nu Israel nombaumo dosa'.

2 TOMU-TOMUNDO' 13:2

Susumo i tomundo' Yerobeam nompalentah ma'isa pe'e kino ianyo, i Yoahas binaladosa'mo hi Tumpu ka' nonsabapimo mian nu Israel suele binaladosa'mo. Ia madi' toho' nompala'i palabuatan anu toto ma'i-ma'idek.

2 TOMU-TOMUNDO' 14:24

Ia binaladosa'mo hi Tumpu kalana nontihomo kalakuan ma'idek i tomundo' Yerobeam ko I nyo anu nonsaduakonmo sahingga mian nu Israel binaladosa'mo.

2 TOMU-TOMUNDO' 15:18

I uno nu kantumuu'annyo ia saja' nombau dosa' hi Tumpu, kalana nontihomo kalakuan anu ma'i-ma'idek i Tomundo' Yerobeam ko I nyo, anu nonsaduakon mian nu Israel sahingga binaladosa'mo.

2 TOMU-TOMUNDO' 15:24

Ia binaladosa'mo hi Tumpu kalana nontihomo kalakuan ma'i-ma'idek i Tomundo' Yerobeam ko I nyo, anu nonsaduakonmo mian nu Israel, sahingga binaladosa'mo.

2 TOMU-TOMUNDO' 15:28

Ia binaladosa'mo hi Tumpu kalana nontihomo kalakuan ma'i-ma'idek i Tomundo' Yerobeam ko I nyo, anu nonsaduakonmo Israel binaladosa'mo.

2 TOMU-TOMUNDO' 15:9

Susumo to tomu-tomundo' anu nompalentahmo, ma'isa pe'e kino ianyo, ia mule' suele binaladosa'mo hi Tumpu. Ia nontihomo kalakuan ma'i-ma'idek i Tomundo' Yerobeam ko I nyo, anu nonsaduakonmo Israel sahingga binaladosa'mo.

2 TOMU-TOMUNDO' 17:22

Aha nombatukimo kalakuan i Yerobeam ka' saja'mo mombau iwi-iwi' na dosa' anu binaunyomo.

2 TOMU-TOMUNDO' 3:3

Panyo susumo i tomundo' Yerobeam anak i Nebot anu nompalentahmo ma'isa pe'e kino ianyo, suele nonsaduakonmo mian nu Israel binaladosa'mo ka' madi' mongka'oho' belenti na mombau han aijo'.

NOSABATMO 32:21

Ia notatae hi Harun, “Apaa na anu binaumo nu aha hi beleyum sahingga beleyum nompojohokmo aha nombau dosa' anu daka' hondo?”

NOSABATMO 32:4

I Harun nongalamo anti-anting haha aij'o, lantas pinoki tutuknyomo ka' pinoki baunyomo sa'angu' na patung susumo sapi'. Bansa aijo' notatae, “O Israel, aiyamo na pilogoto anu nolaya'mo mae kita nosabat lengkat mae i Mesir!”

YEHEZKIEL 23:8

Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

HOSEA 10:5

Mian anu jojoong kiijo' i kota Samaria mabuhukmo; aha tiba to ima-imam anu mongulus sapi' mosoni' kiijo' i Betel molibosmo ka' lewa'mo humang kalana kaholomatan nu pilogot nu aha aijo' imadi'anmo.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

1 SAMUEL 2:24

Boli daagi mombau sumo aijo', belemiu anakku. Ma'idek hondo apaa na anu lewa' nu sisik nu mian anu pinalesayamo hi Tumpu mongkona belemiu!