2 TOMU-TOMUNDO' 10:27 - KITAB NU TUMPU ALLA LELE MA'IMAI'

²⁷ Patong aijo' i hansunan nu aha tiba laigannyo, lantas tampat aijo' binaumo nu aha pibodo'an nu aha sampe sinaa aiya.

2 TOMU-TOMUNDO' 10:27 ပူးပေါင်းရင်းမြစ်များ

1 TOMU-TOMUNDO' 16:32

Ia nombaumo laigan i Samaria bau ponsomban Baal, ka' i uno nu laigan ponsomban aijo' suele binaunyomo sa'angu' na mezbah bau pontalakanian pilogot.

2 TOMU-TOMUNDO' 10:28

Sumo aijo' na i Yehu nongingkoti iwi-iwi' anu lewa' monsombah Baal i Israel.

2 TOMU-TOMUNDO' 11:18

Lapas aitu mian da'isan nontumbuhimo ka' nongideimo kuil nu Baal. Mezbah tiba patong haha aijo' ingideanmo nu aha ka' i Matan, imam Baal pinateanmo nu aha i ahop nu Mezbah haha aijo'. I Yoyada nompalentahmo suludadu anu monjaga da monjagai Laigan nu Tumpu,

2 TOMU-TOMUNDO' 18:4

Tampat anu lewa' ponsomban pilogot pinaha ideannyomo, ka' pinahahobo'akonnyomo na patong-patong ka' tugu anu pinaha potinjo salaku pontandai Pilogot boune Asyera iwi-iwi' ingideannyomo. Ka' ia mule' nongideimo ulo tambaga anu binau i Musa anu osa-osanggohi i Nehus. Kalana sangkut tinoka i tempo' aitu mian nu Israel daagi' mompapui kamangian bau pongadati ulo tambaga ai-aijo'.

2 TOMU-TOMUNDO' 3:2

Ia nombaumo kalakuan anu ma'idek i mata nu Tumpu, panyo ia madi' ahi talalo mombau kalakuan anu susumo binaumo i Ahab tiba i Izebel, tu'anyonyo. Patong anu binau nu tuumanyo bau ponsomban Baal i hobo'akonnyomo.

EZRA 6:11

Ku palentah sumo aiya da ihe na madi' mohongo-hongo palentah aiya, saba' obubut na ohi' nu laigannyo sangkau, otajomi na puusnyo lantas osusukakonmo i butongnyo nu mian aijo' sampe lampasan. Laigannyo tionyo ahi' otataki ka' ohunyo baumo pongalinan duhehe.

NOSABATMO 34:13

Jadi, boli mombau sumo aijo' panyo hobo'akon na mezbah nu aha, idei na bau ponsomban nu aha pilogot anu nusangka nu aha ko balakatnyo ka' taa' na ohi' nu Asyera, pilogot nu aha.

DANIEL 2:5

Tinaaman i tomundo', “Aku nombaumo katanduan sumo uuka; Belemiu tionyo ahi' mompoto'i mae ipion aijo' hi belengku, sumo aitu mule' alati'nyo. De belemiu madi' moko ala, belemiu opado-padotmo ka' mule' laigan nu belemiu ohobo'akonmo.

DANIEL 3:29

Kalana aijo' ku palentah da batu-batu mian i sa'angu' na bansa, tulunan nu bansa kabai basa' iyayamae anu mongalu Tumpu anu nu sombah i Sadrakh, i Mesakh, tiba i Abednego, opado-padot ka' mule' laigannyo ohobo'akon ka' opojadimo tambulan nu anu nopapumo na laigannyo aijo'. Kalana madi' ko pilogot anu moko ala mombau apaa na anu binaumo nu Tumpu aijo'.”

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

PO'ULE' INGULIT 7:5

Kalana aijo', hobo'akon na mezbah nu bansa haha aijo' anu nupalesaya nu aha ko balakatnyo, tua'akon na anu bau pontandai Asyera, ka' opapui na to pato-patong bapilogotan anu nusombah nu aha.