2 TOMU-TOMUNDO' 10:12 - KITAB NU TUMPU ALLA LELE MA'IMAI'

¹² I Yehu nompala'imo Yizreel lantas nambamo nokiijo I Samaria. I totonga' nu jalan lengkat mae i Yizreel nokiijo' i Samaria, tampat aijo' anu osa-osanggohi, “Binakampngan nu to pola-polaya'”,

2 TOMU-TOMUNDO' 10:12 ပူးပေါင်းရင်းမြစ်များ

2 TOMU-TOMUNDO' 10:11

Lapas aitu i Yehu nompateimo iwi-iwi' na to utu-utusnyo mae i Ahab anu jojoong i Yizreel, ka' iwi-iwi' na anu ko pangkatnyo anu mokalaja hi ia, to sanga-sangalunyo anu mompaha kona ka' to ima-imamnyo; madi' kino samian pe'e anu pinotumuu'.

2 TOMU-TOMUNDO' 10:13

ia nompahakabot pa' aha sangkuka na utus mae i Ahazia tomundo' nu Yehuda, pinokilawanyo, “Belemiu aiya ihe?” “Kami aiya to utu-utus mae i Ahazia,” tinaaman nu aha. “Kami mamba mokiijo' i Yizreel molenga aha iwi-iwi' sampoto utusan mae i tomundo' ka' makumpu i Tomundo' boune Izebel.”

2 TOMU-TOMUNDO' 10:14

“Hakop na aha boli pe'e opatei!” na pinalentah i Yehu hi aha suludadunyo. Sahingga mian haha aijo' i hakopmo, lantas pinateanmo koko sa'angu' na bubung anu madi' ko ueenyo, iwi-iwi' aha patumpulu' ka' ohua' na mian. Mau samian madi' ko anu pinotumuu'.

2 TAWARIKH 22:8

Hau-haunyo i Yehu nompojalanmo hukuman nu Tumpu hi aha sa'anakan aijo', ia siningkabotmo tiba aha sanggombu mae na to mia-mian daka' i Yehuda ka' to ponu-ponuanakon i Ahazia anu nombatuki mae nontoa anu masakit. Sahingga aha pinaha pateanmo i Yehu iwi-iwi'.