2 TOMU-TOMUNDO' 1:4 - KITAB NU TUMPU ALLA LELE MA'IMAI'

⁴ Poto'iakon hi tomundo' saba' Tumpu notataemo sumo uuka, ‘Beleyum madi'mo ma'alin, beleyum silakamo!’ ” Salatan pinoto'imo i Elia na palentah nu Tumpu aijo',

2 TOMU-TOMUNDO' 1:4 ပူးပေါင်းရင်းမြစ်များ

KAJADIAN 2:17

Panyo kau' anu mombee'i ilimu' da monsumbu' han anu ma'ima' ka' han anu ma'idek boli. Bua'nyo madi' timbali beleyum mongkaan; de beleyum mongkaan, beleyum silakamo i sinaa aijo'.”

KAJADIAN 3:4

Ulo aijo' nontaami, “Aijo' madi' totu'u; komiu madi' silaka.

1 TOMU-TOMUNDO' 14:12

Lantas po ule' mule' i Nabi Ahia notatae hi bengkele' i Yerobeam, “Jadi uuka aiya pinsusule'mo! Salatan beleyum minsoopmo i kota' anak nu beleyum itina' silakamo.

1 TOMU-TOMUNDO' 18:2

Sahingga nambamo na i Elia. Tempo'nyo aitu balaa' kasusa'an i anu o kaan tinalalomo hondo sinusa' kiijo' i Samaria.

2 TOMU-TOMUNDO' 1:16

Lantas pinoto'imo i Elia hi tomundo', “Koonyo nu Tumpu, 'Beleyum nonsaimo mian momoita pokinde' hi Baal-Zebub pilogot nu kota Ekron, au'aitu kiijo' i Israel madi'mo ko Tumpu Allah-nyo anu timbali pompokilawan. Kalana aijo' beleyum madi'mo ma'alin, beleyum silakamo!’ ”

2 TOMU-TOMUNDO' 1:5

ninsusule'mo na to mia-mian anu sinai mae aijo' namba hi tomundo' lantas pinokilawamo i tomundo' “Kadaka' belemiu ninsusule' mo mae?”

2 TOMU-TOMUNDO' 1:6

Tinaaman nu aha, “Samian na mo'ane tinoka nonsingkaboti mae kami, ka' nonsai mae kami ninsusule' ka' mompotokakon hi belento Tomundo' kalana Tumpu notatae sumo uuka hi belento Tomundo'. 'Pa' Israel madi'mo ko Tumpu Allah, lantas beleyum nonsaimo mian nompoita pokinde' hi Baal Zebub pilogot nu kota Ekron? Beleyum madi'mo ma'alin, beleyum silakamo!’ ”

2 TOMU-TOMUNDO' 20:1

Tempo'mo aitu na i Tomundo' Hizkia kinonamo nu bisun anu daka' hondo sahingga me sangkiding silakamo. I Nabi Yesaya anak i Amos nambamo nontoa ia ka' pinoto'inyomo, “Pinotuun mae nu Tumpu da opokopiani na belento Tomundo' mongatun iwi-iwi'na ulusan kalana belento Tomundo' madi'mo ma'alin. Madi'mo pin na belento Tomundo' silakamo.”

2 TOMU-TOMUNDO' 8:10

Tinaaman i Elisa, “Koonyo nu Tumpu hi belengku, ia silakamo. Panyo poto'i hi ia, ia daagi' ma'alin.”

AMSAL 11:19

Ihe na anu saja' mombau anu ma'ima', ka'untungannyo saidi mae mohumpak kasanangan; panyo ihe na anu sabole-bole mombau anu ma'idek mongahopimo kasilaka'an.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

YEHEZKIEL 18:4

Nyawa nu mian Aku na tumpunyo, mau nyawa nu anu tu'anyomo kabai nyawa nu anaknyo. Mian anu baladosa' aijo' ahi' na silaka.

NOMBILANGMO 26:65

Pinoto'imo nu Tumpu tukoonyo aha iwi-iwi' tionyo ahi' silakamo i padang bola. Ka' memang aha sinilakamo iwi-iwi' me i Kaleb anak i Yefune tiba i Yosua anak i Nun, na anu daagi' tutuu'.

1 SAMUEL 28:19

Beleyum tiba aha mian nu Israel nu bee'mo nu Tumpu hi aha mian nu Filistin. Dodop beleyum tiba to ana-anak nu beleyum anu to momo'ane sihukmo tiba aku; ka' mule' iwi-iwi' na suludadu nu Israel nu bee'mo nu Tumpu hi mian nu Filistin.”