2 TOMU-TOMUNDO' 1:2 - KITAB NU TUMPU ALLA LELE MA'IMAI'

² Daagi' kino sansinaan i Tomundo' Ahazia anu nolengkat mae i Israel nanabu'mo aita' mae i salipi' nu laigan nu tomundo' anu kajo-kajojoongannyo kiijo' i Samaria, lantas ia binelaonmo talalo daka' hondo. Sahingga ia nonsaimo mian da'isan da mamba mompokilawa hi Baal-Zebub pilogot nu aha kota Ekron kiijo' i Filistin, pa' ia daagi' ma'alin kabai madi'mo.

2 TOMU-TOMUNDO' 1:2 ပူးပေါင်းရင်းမြစ်များ

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

1 TOMU-TOMUNDO' 14:3

Boai na ia sampulu' na batuan nu roti, kukis sangkiding tiba juu' nu uani' samboton. Pokilawa hi ia pa' apaa na jadi hi anakto i Abia. Nu poto'ije mae nu Nabi kiijo' hi beleyum.”

1 TOMU-TOMUNDO' 22:34

Madi' sinangka-sangka samian na suludadu nu Siria nompana'akon pana'nyo pa' moya na ahopnyo anu kahanda' nu pana'. Padahan hihis nu pana'nyo aijo' nongkonamo i Ahab, kinotopnyomo na baju' anu pinusoknyo mahampate, kinonanyo i pompaha kaitannyo, “Aku kinonaonmo!” na koonyo i Ahab hi anu mompojalan karetanyo. “Pobalikmo ka' boamo na aku, pala'imo na tampat pahampatean aiya!”

1 TOMU-TOMUNDO' 22:40

Salatan i Ahab sinilakamo, binolosakonmo nu anaknyo i Ahazia, na tinimbali tomundo'.

2 TOMU-TOMUNDO' 1:16

Lantas pinoto'imo i Elia hi tomundo', “Koonyo nu Tumpu, 'Beleyum nonsaimo mian momoita pokinde' hi Baal-Zebub pilogot nu kota Ekron, au'aitu kiijo' i Israel madi'mo ko Tumpu Allah-nyo anu timbali pompokilawan. Kalana aijo' beleyum madi'mo ma'alin, beleyum silakamo!’ ”

2 TOMU-TOMUNDO' 1:3

Panyo malaikat nu Tumpu nonsaimo i Elia, nabi anu nolengkat mae i Tisbe, namba siningkabot to mia-mian anu sinai mae i Tomundo' Ahazia nompokilawa “Pa' i Israel madi'mo ko Tumpu Allah, sahingga belemiu nambamo nomoita pokinde' hi Baal-Zebub pilogot nu kota Ekron aijo'?

2 TOMU-TOMUNDO' 1:6

Tinaaman nu aha, “Samian na mo'ane tinoka nonsingkaboti mae kami, ka' nonsai mae kami ninsusule' ka' mompotokakon hi belento Tomundo' kalana Tumpu notatae sumo uuka hi belento Tomundo'. 'Pa' Israel madi'mo ko Tumpu Allah, lantas beleyum nonsaimo mian nompoita pokinde' hi Baal Zebub pilogot nu kota Ekron? Beleyum madi'mo ma'alin, beleyum silakamo!’ ”

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

AYUB 31:3

Balaa' ka' kalugi'an tionyo ahi' Nupotokamo mae hi mian anu nombaumo kalakuan anu ma'idek!

YESAYA 19:3

Apaa na anu nu tanga'imo nu aha Mesir, Ku baumo da madi'mo jadi ka' mompohentemo kinyonyoa nu aha da aha madi'mo kosumangat. Aha momoitamo tulung hi pilogot nu aha, momoitamo pokinde' ka' pikilan hi to sando-sando tiba hi to tomi-tominuat pa' apaa na anu timbali obau.

YESAYA 2:6

O, Tumpu Belento nompala'imo mian anu palesayamo hi Belento, lee' mae i Yakub! Kalana iyaya mae ilipu' aiya mian lewa'mo mompake pangatahuan anu nolengkat ame isasu kabete'an ka' anu nolengkat mae hi aha mian nu Filistin. Aha to mia-mian montulutimo adat nua aha mian anu lengkat mae isalipu'an.

YESAYA 37:12

Tempo'nyo mompolee'ku mae nohansunimo kota' Gozan, Haran tiba Resef ka' mule' nompateimo aha mian nu Eden anu jojoong i Telasar, madi' kosamian pe'e na pilogot nu aha haha aijo' na noko ala nomposalamat aha.

YESAYA 37:19

Pilogot-pilogot nu aha suele pinapuanmo nu aha ka' ihansunanmo kalana pilogot haha aijo' madi' hondo-hondo balakuasa. Aha ola patong kau' na binau ka' batu anu binau nu mian.

MATIUS 10:25

Sukupmo de samian na mulit timbali sumo gulu'nyo, ka' samian na posaihon sumo tuannyo. De kapala nu auwan osanggohimo Beelzebul, sumo aitu mule' iwi-iwi' na isi nu salaigan. Aha tionyo obee'i sanggo anu lebe ma'idek mule'!”

MARKUS 3:22

To gulu-gulu' agama anu tinoka lengkat mae i Yerusalem notatae, “Ia sinoku'onmo nu Beelzebul! Kapala nu to roh-roh ma'idek aijo' na anu nombee'i kuasa hi Ia, da timbali molaa' roh ma'idek.”

LUKAS 11:15

panyo daagi' ko anu notatae, “Ia moko ala molaa' roh ma'idek kalana kuasa nu Beelzebul, hi roh ma'idek aijo'.”

SISIKON NU TO RASUL-RASUL 20:9

Samian na olitau sanggonyo i Eutikhus sinumuhang i tolongan. Kalana i Paulus sina basi-basisiknyomo, olitau aijo' natatundu'mo hondo sampe ia tinohoyot i tolongan aijo', lantas nanabu' nokaiyong i aluknyo, anu ko totolu'nyo na salipi' lengkat mae i bawo. Tempo'nyo aha nohangkat ia, ia sinilakamo.

YOSUA 15:11

Lengkat mae i Timna potempasan aijo' nambamo nokiijo' nompanjolongimo sasu utara Bungkutnyo nu Ekron, lantas noselemo nokiijo'mo nongahopimo Sikron, monsahak Bungkutnyo nu Baala i lau-laus mokiijo'mo i Yabneel, lantas puusnyo i ambai anu i Totonga'nyo,

TO MIA-MIAN KOPIAN 11:24

Ka' tempo' uuka aiya tantu ko kahanda'mo na beleyum po'ule' mongala? Tano' anu binee'mo i Kamos, aijo'mo pilogot nu belento hi belemiu na tataap ahi' belemiu na tumpunyo. Panyo apaa na anu binee'mo nu Tumpu, Tumpu Allah mami hi kami, sabole-bole ahi' o ala mami.

TO MIA-MIAN KOPIAN 5:28

I jalaja' nu tolongan na pinonsiligian nu bengkele' i Sisera, ka' notatae, “Kadaka' karetanyo madi'mo tinoka, kadaka' madi'mo i hongo na galupak nu ajahannyo?”

1 SAMUEL 5:10

Lantas Peti' Palajanjian aijo' binoamo i Ekron kota' sangga'at mule' nu aha mian Filistin. Salatan Peti' aijo' tinokamo i kiijo' anu jojoong i kiijo' lewa'mo, no loboo' aha notatae, “Peti' Palajanjian nu Tumpu Allah Israel aijo' binoamo mae no uuka da opateimo na kita iwi-iwi'.”