2 TOMU-TOMUNDO' 1:12 - KITAB NU TUMPU ALLA LELE MA'IMAI'

¹² Tinaaman i Elia, “De aku aiya memang posaihon nu Tumpu Allah,” apu lengkat mae i langit mompapuimo beleyum tempo'nyo aitu mule' apu lengkat mae hi Tumpu Allah nompapuimo suludadu anu matangkas na pangkatnyo aijo' ka' limampulu' na mian sangko suludadunyo aijo'.

2 TOMU-TOMUNDO' 1:12 ပူးပေါင်းရင်းမြစ်များ

1 TOMU-TOMUNDO' 18:38

Lantas tinudunakonmo mae nu Tumpu na apu lengkat mae i langit ka'nompapuimo sahingga notoyo'mo na koloban aijo' tiba kau'nyo tiba batunyo haha aijo' ka' tano'nyo ka' kinaannyomo suele na uee aijo' sampe no'oti na uee aijo' i sepe'nyo.

2 TOMU-TOMUNDO' 1:11

Lantas i tomundo' nonsaimo mule' samian na suludadu anu matangkas na pangkatnyo sangga'at tiba aha limampulu' suele na mian to sulu-suludadunyo. Aha nambamo ka' notatae hi Elia, “He posaihon nu Tumpu Allah, i tomundo' nompalentahmo beleyum da mintudunmo uuka aiya!”

2 TOMU-TOMUNDO' 1:13

Po'ule' mule' sinai i tomundo' na samian na suludadu anu matangkas na pangkatnyo tiba aha limampulu' na to sulu-suludadu sangga'at. Suludadu anu matangkas na pangkatnyo nindakomo i bungkutnyo ka' salatan tinokamo i ahop i Elia, ia tinolodadupumo ka' notatae, “Ampuniakon mae na kami, o pos posaihon nu Tumpu Allah! Kalibosiakon mae na aku ka' iwi-iwi' sangko suludadungku aiya. Boli opatei mae na kami.

AYUB 1:16

Daagi' hau-haunyo ia motatae, tinokamo mae mule' na posaihon anu ko ohua'nyo nompoto'i, “Iwi-iwi' na domba nu Belento Tuan tiba aha anu lewa' molaya' sinosakmo nu kilat sahingga sinilakamo iwi-iwi'. Olamo aku aiya na noko ala nopalai mae da mompoto'i hi belento Tuan.”

IMAMAT 10:2

Sahingga Tumpu nontau'akonmo mae apu anu nontoyo'imo aha sahingga i natemo i Kemah nu Tumpu.