2 TIMOTIUS 4:8 - KITAB NU TUMPU ALLA LELE MA'IMAI'

⁸ Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

2 TIMOTIUS 4:8 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

MAZMUR 7:11

Anu monjagai aku aijo'mo Tumpu anu momposalamat mian de hodi' na kinyonyoanyo.

AMSAL 4:9

Nu bee'ije na beleyum bunga-bunga anu obau ka' ma'ima' hondo da bau makota' nu beleyum.

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

MATIUS 24:36

“Madi' ko anu monsumbu' hipian na sinaanyo ka' jamnyo, to mala-malaikat i suluga' madi' monsumbu', Anak pe'e nu Tumpu madi' monsumbu', ola Tuuma i suluga' na anu monsumbu'.

MATIUS 7:22

I Sinaa Kakiamatan da'isan na mian motatae hi belengku, ‘Tumpu, Tumpu, te misa' sanggonto na o pake mami mompotoka potuunon nu Tumpu? Ka' te misa' sanggo nu Tumpu suele, kami mule' nola'mo to roh-roh anu ma'idek, ka' nombau manjoo' na anu okabangangi?’

LUKAS 10:12

O inau', i Sinaa Kakiamatan, mian nu Sodom lebe dengke o ampuni nu Tumpu, panyo mian nu kota aijo' madi' dengke na o ampuni!”

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

ROMA 8:23

Ka' misa' ola songko-songko na dunia na motusa'; kita suele motusa' i uno nu kinyonyoanto. Kita nohumpakmo Roh nu Tumpu Allah, panyo kita daagi' po'ule' montanda'i Tumpu mompobebas butongto iwi-iwi' ka' mompotimbali kita to ana-anak-Nyo.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”

1 KORINTUS 3:13

Kalaja nu batu-batu mian otoaje saidi' mae de i Kristus po'ule'mo toka. Kalana i sinaa aijo' apu mokalajamo da toto samian kantoanmo. Apu monguji'mo ka' mompotantumo angga'nyo nu kalaja aijo'.

1 KORINTUS 9:25

Ihehe na mian anu hau-haunyo opogulu', tionyo sabaan i han iwi-iwi'. Nubau na aijo' kalana ia mongkahanda'i da opo'olo'i bunga, olo' nu kamenangan, aijo'mo bunga anu sampa magayou. Panyo kita aiya monsabaanakon lupa-lupa, kalana kita mongkahanda'i da opo'olo'i bunga, olo' anu madi' magayou.

2 KORINTUS 5:2

I uno nu laigan anu tempo' uuka aiya, kita motusa' kalana kita mongindi hondo jojoong i uno nu laiganto i suluga' aijo'.

FILIPI 3:11

Ka' anu kutaha'imani, da aku po'ule'je opotumuu' de aku silakamo.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

1 TESALONIKA 5:4

Panyo komiu misa' mian anu tumuu' i uno nu pintung, sahingga sinaa aijo' mompotolokengkeng komiu sumo katokaan nu anu mombuling.

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

1 TIMOTIUS 6:19

Tiba jalan anu sumo aijo' aha mompolimu'mo halata' anu ma'ima' anu timbali otaha'imani, anu tokaje aiya mae i ahop. Ka' tiba jalan aijo', aha mohumpakje kantumuu'an anu sampe toka sidu-sidutu', atina'mo kantumuu'an anu totu'u.

2 TIMOTIUS 1:10

Ka' uuka Tumpu nompotoamo balakat-Nyo aijo' hi kita, kalana nompotokamo mae Tomundo anu Momposalamat kita, i Kristus Yesus. I Yesus nompokalamo kuasa nu kapatean ka' nomboamo mae kantumuu'an anu sampe toka sidu-sidutu' montului Lele Ma'ima' aijo'.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

2 TIMOTIUS 1:18

Ka' beleyum nonsumbu'mo saba' kiijo' mae i Efesus ia saja'mo hondo nontulungi mae aku. O'amalakon Tumpu mompotoa kalibosannyo hi ia, detakamo i sinaanyo na Tumpu momputusimo iwi-iwi' na mian.

2 TIMOTIUS 2:5

Samian na topo pahaik ola raga madi' mohumpak ka'untungan i uno nu sa'angu' na tandingan, de ia madi' montuluti to atu-atulannyo.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 12:11

Memang tempo'nyo kita pinokinde'an hukuman aijo' madi' momposanang kinyonyoanto, panyo ola monsakiti kinyonyoa. Panyo lapas mae na aijo', kona hi kita anu pinokinde'anmo hukumanmo aijo' na monsabapi kita da tumuu' mombatuki pongka'oho' nu Tumpu Allah, ka' monta'upje ka'ima'an na kita.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 PETRUS 1:4

Kita montaha'imani da mohumpak to bala-balakat anu tinoukanmo nu Tumpu bau bagi nu mian anu pinalesayamo hi Ia, aijo'mo to bala-balakat anu pino'una'-Nyomo i suluga', sahingga madi' timbali ma'idek kabai mabusik kabai mule' mongabali'.

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!

ANU PINOTO'I HI YOHANES 4:10

ua-uampulu' ka' opat na to pola-polaya' haha aijo' tolodadupumo i ahop nu mian anu suha-suhang i kasuhangan aijo', lantas monsombahmo Ia anu tumuu' sampe toka sidu-sidutu'. Lapas aijo' aha molumbu'akonmo makota nu aha haha aijo' i ahop nu kasuhangan aijo' ka' notatae,

ANU PINOTO'I HI YOHANES 4:4

Anu montikubi kasuhangan aijo', uampulu' ka' opat na kasuhangan sangga'at. I kiijo' sinumuhang aha uampulu' ka' opat na to pola-polaya' anu nibaju'mo mopute', ka' nompakemo makota mosoni'.