2 TIMOTIUS 4:7 - KITAB NU TUMPU ALLA LELE MA'IMAI'

⁷ Aku nombatukimo palalomba'an totu-totu'u ka' nontokaimo katokaan i pupuusnyo. Aku tataap tulu-tulutan hi Kristus sampe toka i aha ahenannyo.

2 TIMOTIUS 4:7 ပူးပေါင်းရင်းမြစ်များ

AMSAL 23:23

Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.

NOMBILANGMO 8:25

Ka' de umun nu aha limampulu'mo na taun, ia opobebasmo madi'mo opokalaja.

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

YOHANES 17:6

Aku nomposumbu'mo kita Tuuma hi to mia-mian i dunia aiya anu binee'mo nu kita Tuuma hi beleng-Ku. Aha, kita Tuuma na tumpunyo, ka' kita Tuuma nombee'mo aha hi beleng-Ku. Aha nohongo-hongomo potatae nu kita Tuuma.

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

SISIKON NU TO RASUL-RASUL 13:25

Ka' ohanimo mompomingkot kalajanyo, i Yohanes notatae hi to mia-mian, ‘De ponsumbu'an miu, ihe na aku aiya? Aku misa' Mian anu otanda-tanda'i miu. Inau', Mian aijo' tokaje lapas na aku; mombukai sapatu-Nyo pe'e aku madi' timbali.’

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

GALATIA 2:2

Aku namba nokiijo' i Yerusalem kalana Tumpu nompoto'imo hi belengku, tukoonyo aku tionyo mamba. Ka' i uno nu sa'angu' na binagombuan, ola samata-mata to pola-polaya' anu i kiijo' mae, aku nompotalangakonmo Lele Ma'ima' anu pinolelengkumo hi to mia-mian anu misa' Yahudi. Kalana aku madi' mongka'oho' usahangku anu u'utu, mae kabai pe'e anu uuka aiya, ola palasuma.

FILIPI 1:30

Uuka aiya komiu singkona hingga-hinggat tiba aku i uno nu usaha anu pokakana; aijo'mo anu toho'mo tinoa miu ingusahakonku u'utu mae, ka' anu daagi' saja' ku usahakon sampe tempo' uuka aiya, sumo anu uuka aiya i hongomo miu.

1 TIMOTIUS 1:18

Timotius, anakku! Kalaja aiya kupalesayakonmo hi beleyum, monginau' daagi' ko potuunon nu Tumpu anu pinotokakonmo nu to nabi-nabi i uno nu jama'at mongkona butong nu beleyum. Tionyo ahi' potuunon aijo' timbali bau mantu nu beleyum i uno nu usaha anu ma'ima'.

1 TIMOTIUS 6:12

Bala usaha totu-totu'u da tumuu' sumo mian Kristen da beleyum mohumpak tambo tumuu' kopian sampe toka sidu-sidutu'. Kalana aijo'mo na kahanda' nu Tumpu molaga beleyum tempo'nyo beleyum nongakuimo i ahop nu mian da'isan tukooyum palesayamo hi Kristus.

1 TIMOTIUS 6:20

Apaa na anu pinalesayakonmo hi beleyum, ojagai na aijo' ma'i-ma'ima', Timotius! Opatikojo'oni na to sisi-sisik anu madi' mingkaliangan ka' painggagan mongkona hahan anu madi' totu'u, osanggohimo “Sa'angu' na Ilimu'.”

2 TIMOTIUS 1:14

Kalana tulungan nu Roh nu Tumpu anu tinumuu'mo i uno nu kantumuu'anto, tionyo ahi' nu jagai nu beleyum ima-ima' na hahan anu ko halaga'nyo, anu pinalesayakonmo hi beleyum.

2 TIMOTIUS 3:10

Panyo beleyum nontulutimo to aja-ajalanku, kalakuanku, ka' patuju nu kantumuu'anku. Beleyum nosi toamo mosia na aku totu-totu'u palesaya hi Yesus Kristus ka' mongkalibosi sangko mian. Beleyum mule' monsumbu' kasabalan ka' kahosonan nu kinyonyoangku.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.

ANU PINOTO'I HI YOHANES 3:8

Ku sumbu' apaa na anu binaumo miu. Ku sumbu' saba' belemiu madi' talalo mahoson; belemiu nombatukimo pangajalan-Ku ka' nohongo-hongomo Aku. Kona hi belemiu tinuhea'akon-Kumo na sa'angu' na tumban anu madi' daagi' opoko tumban nu mau mule' pa' ihe.

ANU PINOTO'I HI YOHANES 6:11

Aha toto samian binee'anmo sa'angu' na juba' anu mopute'. Lantas aha pinokaumo milawe sasaingoni', sampe sukupmo na konjoo'nyo nu to sanga-sangalunyo anu tinimbalimo posaihon ka' to Utu-utus nu aha anu saidi' mae opateimo susumo aha.

TO MIA-MIAN KOPIAN 3:2

Tumpu nombau sumo aijo' ko kahanda' da mongajan aha mian anu i salapisan na bansa Israel mosia na mahampate, aijo'mo aha anu madi' toho' namba nahampate.