2 TIMOTIUS 4:5 - KITAB NU TUMPU ALLA LELE MA'IMAI'

⁵ Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

2 TIMOTIUS 4:5 ပူးပေါင်းရင်းမြစ်များ

YESAYA 62:6

Ipagan mesen nu Yerusalem ku pojoong na anu monjagai, sinaa tiba pihi aha madi' ola momohokot, panyo tionyo ahi' saja' mompoingat Tumpu, te palajanjian anu binau-Nyomo.

YEREMIA 6:17

Lantas Tumpu nompo uli-ulitmo nohangkat ponjaga-ponjaga da mompotuka'akon hi aha da mompotombihing salaku tanda tolompet. Panyo mian notataemo, “Kami madi' mongka'oho' mompotombihing.”

YEHEZKIEL 3:17

“O, manusia anu madi' tumuu' batu, beleyum Ku hangkatmo da monjagai bansa Israel. Potokakon na pokinde'-Ku anu Ku bee' hi aha sumo uuka,

YEHEZKIEL 33:2

“O manusia anu madi' tumuu' batu, poto'i hi bansang nu beleyum de Ku potokamo mae na pahampatean i sa'angu' na lipu', aiya na anu saidi' mae jadi. Mian anu jojoong ilipu' aijo' mompile'imo samian anu aijo' igampa nu aha da bau ponjagai.

YEHEZKIEL 33:7

O manusia anu madi' tumuu' batu, beleyum ihangkat-Kumo da bau ponjagai bansa Israel. Poto'i hi aha na pokinde' aiya;

MATIUS 25:16

Posaihon anu nontalima olima' na madala doi mosoni' aijo' lia-lia' namba binadagang, lantas nohumpak ka'untungan olima' na madala doi mosoni' mule'.

MARKUS 13:34

Ka'ada'annyo sumomo anu mompala'i laigannyo, lantas mamba i tampat anu majo'on. Ia nonsai to posa-posaihonnyo montamongi laigannyo, ka' nombee'imo palentah hi aha toto samian. Hi aha anu montamongi pontumban, ia nompoto'i da balajaga ma'i-ma'ima'.

MARKUS 13:37

Apaa na anu Ku taloakon aiya hi komiu, Ku taloakon suele hi iwi-iwi' na mian: balajaga-jagamo!”

LUKAS 12:37

Palias na ko untungnyo na to posa-posaihon anu tinokan hau-haunyo montanda'i tuannyo toka. Palesayamo: Tuan aijo' nosadia'imo, ka' nompokaumo posaihon haha aijo' sumuhang, lantas ia mombee'imo apaa na anu palalu hi aha.

SISIKON NU TO RASUL-RASUL 21:8

Dodododopnyo kami namba mule', lantas tinokamo i Kaisarea. I kiijo' kami namba hi Gulu Injin sanggonyo i Filipus, lantas jinojoong i laigannyo. Ia sala'samian aha anu popitu' na mian anu pinile'an kiijo' i Yerusalem.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

EFESUS 4:11

Iamo na anu “mombee'i palasen-palasen hi mian”; sambagian i hangkat-Nyo tinimbali rasul, sangga'at tinimbali nabi; sangga'at mule' tinimbali pompolele Lele Ma'ima' aijo', ka' sangga'at mule' i hangkat-Nyo tinimbali to gulu-gulu' ka' pongatun jama'at.

EFESUS 4:12

Aiya binau-Nyo da mian anu palesayamo hi Tumpu obee'i pangalati'an hondo-hondo da timbali mohongo-hongo apaa na nu pinokauhakon nu Tumpu ka' mombau posa'angu'an salaku butong i Kristus.

KOLOSE 1:25

Tumpu nonsaimo aku da timbali posaihon hi jama'at-Nyo bau kapentingan miu. Aku tionyo mompotokakon lele lengkat mae hi Tumpu, iwi-iwi';

KOLOSE 4:17

Ka' poto'i hi Arkhipus, “Sabole-bole obau na kalaja anu binee'mo hi komiu salaku bau pontuluti palentah nu Tumpu.”

1 TESALONIKA 5:6

Kalana aijo' kita madi' timbali sahoyo-hoyotnyomo sumo mian sangga'at. Kita tionyo basadia ka' pikilanto tionyo matantu.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 4:15

Baumo na iwi-iwi' aijo' totu-totu'u da kamajuan nu belemiu nutoa nu mian iwi-iwi'.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

2 TIMOTIUS 2:3

Beleyum tionyo mongoa'i sansala susumo suludadu i Kristus Yesus anu tulu-tulutan.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

ANU PINOTO'I HI YOHANES 3:2

Kalana aijo', pobulamo ka' opohoson apaa na anu daagi' hi belemiu, da ma'isa pe'e aijo' mate totu-totu'u. Kalana i humpakumo apaa na anu binaumo miu, sa'angu' pe'e ma'isa ko anu na'ima' i ahop nu Tumpu.