2 TIMOTIUS 4:4 - KITAB NU TUMPU ALLA LELE MA'IMAI'

⁴ Aha mompitimo bihing na mohongo anu totu'u, panyo mompotombihingmo to sisi-sisik anu baleko'.

2 TIMOTIUS 4:4 ပူးပေါင်းရင်းမြစ်များ

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

ZAKHARIA 7:11

Panyo mian anu palesayamo hi beleng-Ku, talalo hondo panggaga ka' madi' hondo kahanda' mompotombihing, aha ola ahi' mompiiti bihing nu aha da madi' mohongo-hongo.

MATIUS 13:15

Kalana pikilan nu to mia-mian aiya tinatumpumo, bihing nu aha nabongonmo ka' mata nu aha pinipidi'akonmo. Aiya jinadi da mata nu aha boli montoa, bihing nu aha boli mohongo, pikilan nu aha boli mangalati' ka' boli po'ule' minsusule' mae hi beleng-Ku, lantas Aku mompa'alin aha.’ ”

SISIKON NU TO RASUL-RASUL 7:57

To Mia-mian Kopian Daka' nu Agama aijo' nompitimo bihing nu aha ka' lewa' noloboo', lantas hingga-hinggat nohakop i Stefanus.

2 TESALONIKA 2:11

Aijo' na sababnyo Tumpu mompotokamo hi aha sa'angu' na kuasa anu mompobingong, sahingga aha palesayamo hi apaa na anu madi' totu'u.

1 TIMOTIUS 1:4

Taloakon hi aha da bolimo daagi' mompajuli to sisi-sisik anu baleko', ka' to sisi-sisik anu pinolengkatannyo madi' ko kamingkotannyo. Iwi-iwi' aijo' ola saja' molubatakon painggagan, ka' madi' mompopodaka' makisut nu Tumpu anu ola timbali osumbu' de palesayamo hi Ia.

1 TIMOTIUS 4:7

Patikojo'oni na to sisi-sisik nu tominuat anu madi' ko gunanyo. Opobiasa ahi' o'ajan na butongum i kantumuu'an mongka'ima'i mogreja.

1 TIMOTIUS 6:20

Apaa na anu pinalesayakonmo hi beleyum, ojagai na aijo' ma'i-ma'ima', Timotius! Opatikojo'oni na to sisi-sisik anu madi' mingkaliangan ka' painggagan mongkona hahan anu madi' totu'u, osanggohimo “Sa'angu' na Ilimu'.”

2 TIMOTIUS 1:15

Nusumbu' saba' iwi-iwi' na mian i da'erah nu Asia nompala'imo aku, tibamo i Figelus ka' i Hermogenes.

TITUS 1:14

ka' madi'mo daagi' montoongi i sisik nu aha Yahudi anu madi' totu'u kabai atu-atulan anu binau nu to mia-mian anu madi' montalima pangajalan anu totu'u aijo'.

IBRANI 13:25

O amalakon da Tumpu mombalakati to utu-utus iwi-iwi'. 37

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.