2 TIMOTIUS 4:3 - KITAB NU TUMPU ALLA LELE MA'IMAI'

³ Kalana tokaje na tempo'nyo, mian madi'mo daagi' mongka'oho' montalima pangajalan anu totu'u. Panyo ola ahi' aha montulutimo posi pongka'oho' nu aha, ka' momposihukmo manjoo' na to gulu-gulu' da o'ajanakon na hahan anu ma'ima' na ohongo nu bihing nu aha.

2 TIMOTIUS 4:3 ပူးပေါင်းရင်းမြစ်များ

1 TOMU-TOMUNDO' 18:22

Lapas aijo' i Elia notataemo, “Te to nabi-nabi nu Tumpu me ola-olanyomo aku na aiya, padahan aiya sinihuk nabi Baal 450.

1 TOMU-TOMUNDO' 22:18

Lantas notataemo na i Ahab hi Yosafat, “Misa' totu'u ahi' na anu tinaloakonku? Madi' toho' ia mompoto'i mae anu ma'ima' hi belengku apaa na anu jadi aiya mae i ahop! Saja' anu toto ide-idek!”

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

NOSABATMO 32:33

Tinaaman nu Tumpu, “Ola to mia-mian anu binaladosa'mo hi beleng-Ku na Ku alinimo na sanggonyo i kita aijo'.

YESAYA 28:12

Tumpu monsale'akonmo tampat da bau pilawean nu belemiu iwi-iwi' panyo belemiu madi' ahi' mongka'oho' mompotombihing Ia.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 27:9

Boli mompotombihing aha to nabi-nabi kabai maumo ahi' pa' ihe na anu montewa belemiu tundu' hi tomundo' Babel, maumo ahi' aha mangaku nontalimamo pokinde' anu pino ipi mae, nu to roh-roh anu madi' otoa-toa, kabai kalana nompakemo kahosonan nu pangatahuan.

YEREMIA 29:8

Aku, Tumpu Anu Mahakuasa, Tumpu Allah nu aha Israel, nompokinde'imo belemiu da boli ahi' opopilaya na butong nu belemiu nu akali nu to nabi-nabi anu jojoong atina' hi belemiu kabai maumo ahi' pa' hihe anu suele notataemo tukoonyo nu aha, aha moko ala ahi' mongkila-kila apaa na anu jadi' aiya mae i ahop. Boli lewa' mompajuli anu lewa' nu ipi nu aha.

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

LUKAS 20:19

To gulu-gulu' agama, ka' Kapala nu to ima-imam monsumbu' saba' kantuangan aijo' nu patuakon i Yesus hi aha. Mokonyo aitu aha kahanda'mo mohakop Ia tempo'nyo aitu, panyo aha mabuhuk hi mian da'isan.

LUKAS 6:26

Silaka na komiu de iwi-iwi' mompuji' belemiu; kalana sumo aitu suele na mompolee' nu aha nompuji'mo to nabi-nabi anu baleko' tempo'nyo u'utu mae.”

YOHANES 8:45

Panyo Aku montaeakon kahondoan, ka' kalana aijo' komiu madi' palesaya hi beleng-Ku.

SISIKON NU TO RASUL-RASUL 17:21

Kalana iwi-iwi' mian nu Atena ka' to mia-mian salipu'an anu jojoong i kiijo' mongka'ima'i hondo mongingkoti tempo' anu madi' ko anu obau nu aha da mohongo ka' motatae mongkona hahan anu daagi' bu'ou.)

1 KORINTUS 2:1

To Utu-utus! Tempo'nyo aku tinoka hi komiu ka' nompolele hi komiu mongkona tanga'an nu Tumpu anu ma'isa sinumbu' nu dunia aiya, aku madi' mompake kapandean nu dunia aiya, kabai basisik nu potatae anu toto ima-ima' anu ola momposanang bihing.

1 KORINTUS 2:4

Lele anu pinotokakon hi komiu madi' pinotokakonku nu potatae anu mompagala mongendei susumo kapandean nu dunia. Aku nompotokakon aijo' tiba jalan momponyata', saba' Roh nu Tumpu Allah ko kuasanyo.

GALATIA 4:16

Te komiu uuka monganggapmo aku sumo sampo bali', kalana aku monsisikakonmo anu totu'u hi komiu?

1 TIMOTIUS 1:10

mongkona to mia-mian anu lewa' masala', talalo napisu nyo, lewa' mompopalaihakon to ana-anak talalo baleko'; to saki-sakisi baleko', ka' maumo ihe na mombau hahan anu mompaha sala' tiba pangajalan anu totu'u.

2 TIMOTIUS 1:13

Otuluti hondo-hondo na pangajalan anu totu'u anu binee'kumo hi beleyum. Ka' tionyo ahi' beleyum tataap mintoong i kapalesaya'an ka' kalibosan anu tinimbalimo anunto saba' nosa'angu'mo tiba i Kristus Yesus.

YUDAS 1:18

Aha nompoto'imo momona hi komiu tukoonyo de malia'mo toka na sinaa kakiamatan lubatmo na to mia-mian anu monjojoa komiu, aijo'mo to mia-mian anu tumuu' montuluti apaa na anu nu kamilui nu aha sahingga monsaduakonmo anu moko baladosa'.