2 TIMOTIUS 4:18 - KITAB NU TUMPU ALLA LELE MA'IMAI'

¹⁸ Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

2 TIMOTIUS 4:18 ပူးပေါင်းရင်းမြစ်များ

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

1 TAWARIKH 4:10

Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

MAZMUR 121:7

Tumpu na monjagai beleyum da madi' mohumpak balaa' Ia na monjagai beleyum da kantumuu'an nu beleyum salamat.

MAZMUR 37:28

Kalana Tumpu na mongka'ima'i ahi' palabuatan anu ma'ima' ka' adin, mian anu tulu-tulutan hi Ia madi' ola Nu pojohok tumuu' susa'. Ia monjagai aha sampe toka sidu-sidutu', panyo lee' nu mian anu ma'idek na kinyonyoanyo na opateimo ahi'.

MAZMUR 73:24

Belento na lewa'mo nolaya aku nu pokinde' ka' saidi' mae nu talima na aku nu kaholomatan.

MAZMUR 92:10

Osumbu' mami sampobali' nu Belento opateimo ingko-ingkot, o, Tumpu, iwi-iwi' na mian anu ma'idek na kinyonyoa oga'a-ga'at madi'mo oposa'angu'.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

MATIUS 13:43

Ka' to mia-mian anu nombaumo kahanda' nu Tumpu majingka sumo batu nu sinaa i uno nu Dunia Bu'ou nu Tumpu, Tuuma nu aha. Jadi, de daagi' ko bihing, pohongomo!”

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 11:4

Ampuniakon na dosa-dosa' mami, kalana kami suele nongampunimo batu-batu mian anu kosala'nyo hi kami. Ka' boli mompojohok kami nukona nu soba'an dumo kami madi' palesaya.’ ”

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

LUKAS 22:29

Sumo Tuumangku nombee'imo hak mompalentah, sumo aitumo mule' na Aku mombee' hak aijo' hi komiu.

YOHANES 17:15

Madi' Ku poita da kita Tuuma mongala aha i dunia aiya, panyo Ku poita da kita Tuuma mompimpaliakon aha i Anu Ma'idek.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 16:27

Olamo Ia sa'a-sa'angu'nyo na Tumpu, Ia talalo hondo pande. O amalakon da Ia saja' opopodaka' sidu-sidutu' hi Yesus Kristus! Amin. Tabea' mami, I Paulus, posaihon i Kristus Yesus 49

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

1 KORINTUS 15:50

Anu nupatui nu potataengku to Utu-utus, aijo'mo butong anu baso' ka' antok na pinotimbali, madi' moko ala minsoop i Dunia Bu'ou nu Tumpu; ka' butong anu timbali silaka madi' moko ala tumuu' sidu-sidutu'.

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.

GALATIA 1:5

Puji' na Tumpu sampe toka sidu-sidutu'! Amin.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

2 TESALONIKA 3:3

Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

1 PETRUS 5:11

Iamo na anu mongkuasai sampe toka sidu-sidutu'! Amin.

2 PETRUS 1:11

Tiba jalan anu sumo aijo' komiu obee'i hak totu-totu'u da minsoop i Kalaja'an anu sampe toka sidu-sidutu' lengkat mae hi Tumpu ka' Tomundo anu Momposalamat kita i Yesus Kristus.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,

1 SAMUEL 17:37

Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”

1 SAMUEL 25:39

Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.