2 TIMOTIUS 4:16 - KITAB NU TUMPU ALLA LELE MA'IMAI'

¹⁶ Tempo'nyo aku momona nontutuhakonmo mosia na kahondoanku aiya, madi' ko samian pe'e na anu nonsangalui aku; iwi-iwi' nompala'imo aku. Bisa-bisa' Tumpu madi' mompisala'i aha i uno nu han aiya!

2 TIMOTIUS 4:16 ပူးပေါင်းရင်းမြစ်များ

MARKUS 14:50

Iwi-iwi' anu saja' mombatuki Ia nopadeka'mo nompala'i Yesus.

LUKAS 12:11

De komiu oboa i to lai-laigan pogalejaan da opalesa i ahop nu pamalentah kabai anu ko kuasa, boli bata-bata mongkona mosia na komiu tionyo mompototu'u butong, kabai mongkona apaa na anu tionyo otaloakon miu.

YOHANES 16:32

O'inau'! Tempo'nyo tokaje mae, aitu pe'e tinokamo, komiu oposungkehetmo. Komiu minsusule' i posi laigan ka' mompala'i Aku sausa'. Panyo Aku madi' posi sausa', kalana Tuuma na mosangalu ka' Aku.

SISIKON NU TO RASUL-RASUL 22:1

“To tutuuma ka' to Utu-utus iwi-iwi'! Aku mompotoka kahondoanku hi komiu. Soba potombihing!”

SISIKON NU TO RASUL-RASUL 25:16

Panyo aku nontaami saba' mian nu Roma madi' saintolo-tolo mombee'mo mian anu tinuuk da o hukum, de anu tinuuk aijo' ma'isa mompaha ahop tiba anu mongkalaak ia ka' obee'i kasampatan da montalangkan kahondoan nu butongnyo.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

1 KORINTUS 13:5

Ia madi' mingkadaka'an, madi' laloasa, ia madi' mompakisa mian sangga'at da mombatuki posi pongka'oho'nyo, madi' mule' malia' monipis na bihing, ka' mongingu.

1 KORINTUS 9:3

De mian mompisala'i aku, kutaamije sumo uuka:

2 KORINTUS 7:11

Soba po'inau'akon miu apaa na hasinnyo hi komiu nu kalibosan anu mo'imboa kahanda' nu Tumpu! Hasinnyo aijo'mo komiu totu-totu'u bala usaha da mompokopiani anu ma'idek! Komiu mongka'idekimo dosa', komiu mabuhukmo, komiu molibosmo, komiu timbalimo bikas, komiu halala'mo na mohukum anu ko sala'nyo! I uno nu iwi-iwi' na han aiya komiu mompotoamo saba' komiu madi' ko sala'nyo.

FILIPI 1:17

Panyo mian sangga'at mompolele i Kristus ko kahanda' anu madi' ma'ima'; aha mompolele da bau kapalaluan nu posi butong. Gagalan nu aha da tiba jalan aijo' aha mompotimbali aku lebe susa' i uno nu talungku'.

FILIPI 1:7

Memang nukonamo de aku ko kinyonyoa sumo aijo' hi komiu, kalana komiu Utus iwi-iwi' saja' i uno nu kinyonyoangku. Ka' mule' komiu singkona montalima hingga-hinggat ka' aku balakat anu binee'mo nu Tumpu hi belengku; mau uuka aiya aku hau-haunyo i uno nu talungku', mau pe'e aku i sambiha'nyomo mompototu'u ka' montinjohakon Lele Ma'ima' aijo'.

2 TIMOTIUS 1:15

Nusumbu' saba' iwi-iwi' na mian i da'erah nu Asia nompala'imo aku, tibamo i Figelus ka' i Hermogenes.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

2 TIMOTIUS 4:15

Beleyum suele tionyo ahi' bala hati-hati hi ia, kalana ia talalo hondo monggagakon apaa na anu pinolelentomo.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.