2 TIMOTIUS 4:10 - KITAB NU TUMPU ALLA LELE MA'IMAI'

¹⁰ sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

2 TIMOTIUS 4:10 ပူးပေါင်းရင်းမြစ်များ

MATIUS 12:32

De mian montaloakon hahan anu mombahakon Anak nu Mian, ia timbali o ampuni, panyo de ia mongambangimo Roh nu Tumpu, ia madi'mo o ampuni, mau tempo' uuka, mau pe'e i sinaa anu imihinyo mae!”

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

LUKAS 14:33

Kahimpusannyo, i Yesus notatae, “Sumo aitu mule' na komiu. Madi' ko samian pe'e atina' hi komiu timbali mombatuki Aku, de ia madi' mongkulubanakon iwi-iwi na apaa.”

LUKAS 16:13

Madi' ko samian moko ala mombau kalaja hi aha ohua' na tuan; kalana ia lebemo mongkalibosi samian lantas sangga'at madi'mo. Sumo aijo'mo mule' na komiu. Komiu madi' moko ala mombau kalaja nu Tumpu Allah ka' mule' halata' nu dunia aiya.”

LUKAS 17:32

O inau' apaa na anu tinimbalimo hi bengkele' i Lot!

SISIKON NU TO RASUL-RASUL 13:13

Lengkat i Pafos, i Paulus ka' to sanga-sangalunyo tinalabutmo nokiijo' i Perga da'erah Pamfilia. I kiijo' i Yohanes, Markus nompala'imo aha, ka' ninsusule'mo i Yerusalem.

SISIKON NU TO RASUL-RASUL 15:38

panyo i Paulus mongoa'i madi' ma'ima' na momboa i Markus, anu madi' mongka'oho' mokalaja hingga-hinggat tiba aha ka' nompala'imo aha kiijo' mae i Pamfilia.

SISIKON NU TO RASUL-RASUL 16:6

Roh nu Tumpu madi' mompobee' i Paulus ka' i Silas mompolele potatae nu Tumpu i Provinsi Asia. Jadi aha i lumajang lau-lausmo nokiijo' i tano' Frigia ka' i Galatia.

SISIKON NU TO RASUL-RASUL 17:1

I Paulus ka' i Silas nolausakonmo lajang nu aha montulu i Amfipolis ka' i Apolonia lantas tinoka i Tesalonika. I kiijo' mae daagi' ko laigan pogalejaan nu mian Yahudi.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

SISIKON NU TO RASUL-RASUL 17:13

Salatan to mia-mian Yahudi i Tesalonika nohongomo saba' i Paulus nompolelemo suele potatae nu Tumpu i Berea, aha suele tinokamo i Berea monsale'i ka' nongkakeha'i to mia-mian i kiijo' da madi' sinanang.

SISIKON NU TO RASUL-RASUL 18:23

Salatan jinojoong i kiijo' tino pia-piamangamo na kinopinnyo, ia namba mule' nolenga tano' nu Galatia ka' Frigia da mompokododo kapalesaya'an anu totu-totu'u nu to mia-mian anu palesayamo.

2 KORINTUS 2:13

Panyo aku madi' sanang, kalana madi' siningkabot tiba utusto i Titus kiijo' mae. Sahingga aku nomoita siloloa hi to mia-mian i tampat kiijo' lantas namba i Makedonia.

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

2 KORINTUS 8:16

Tahahumo hondo na kami montalima kase hi Tumpu, kalana Ia nompotimbalimo i Titus nakekemo sumo kami da montulungi komiu!

2 KORINTUS 8:23

Mongkona i Titus, ia te sangalungku anu mokalaja tiba aku da montulungi komiu. Ka' mongkona ua'aha na Utus aijo' anu inamba hingga-hinggat tiba ia, aha mian anu sinai nu to jama-jama'at, ka' timbali bau katalasanggoan nu sanggo i Kristus.

2 KORINTUS 8:6

Mokonyo aijo' kami talalo hondo mompoto'i Titus – anu nontampu'unimo usaha aiya – da suele nubau na usaha anu ma'ima' aiya itina' hi komiu.

FILIPI 2:21

Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus.

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

2 TIMOTIUS 1:15

Nusumbu' saba' iwi-iwi' na mian i da'erah nu Asia nompala'imo aku, tibamo i Figelus ka' i Hermogenes.

2 TIMOTIUS 4:16

Tempo'nyo aku momona nontutuhakonmo mosia na kahondoanku aiya, madi' ko samian pe'e na anu nonsangalui aku; iwi-iwi' nompala'imo aku. Bisa-bisa' Tumpu madi' mompisala'i aha i uno nu han aiya!

TITUS 1:4

Titus, beleyum atina' totu-totu'u anakku, kalana beleyum ka' aku hingga-hinggat pinalesayamo hi Kristus. Ku taha'imani ka' o'amalakon da Tumpu Tuumanto ka' i Kristus Yesus Tomundo anu Momposalamat kita, mombee'i balakat ka' ka'ima'an hi beleyum.

FILEMON 1:24

Talimakon suele na salan do'a nu to sanga-sangalungku: i Markus, i Aristarkhus, i Demas ka' i Lukas.

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.