2 TIMOTIUS 3:3 - KITAB NU TUMPU ALLA LELE MA'IMAI'

³ Aha madi' mongkalibosi sangko mian, madi' mongka'ima'i mongampuni, aha mongka'ima'i mombusi-busiki sanggo nu mian sangga'at, mongka'ima'i mompakisa, aha masigo ka' madi' mongka'ima'i ka'ima'an.

2 TIMOTIUS 3:3 ပူးပေါင်းရင်းမြစ်များ

KAJADIAN 49:7

Mohumpak kutuk na tambuha' nu aha, kalana talalomo hondo. Mohumpak kutuk na pusa nu aha, anu tala-talalomo ahi' nombau han anu ma'idek. Ku ga'a-ga'atakonmo na aha hi songko-songko na Israel. Ku bagi-bagimo na aha hi songko-songko na bansa.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

MAZMUR 22:6

Aha mongkakasemo da otulungi, lantas aha madi'mo sinilaka; aha montaha'imani, lantas aha madi'mo ingise-ise' na kinyonyoa nu aha.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

DANIEL 8:23

De palabuatan anu ma'idek taha-tahahumo basida saba' aijo'mo na tandanyo kalaja'an haha aijo' malia'mo mingkot, sahingga samian na tomundo' anu bahangihi' ka' mule' pande na mongakali tokamo mae.

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

MATIUS 4:1

Lapas aitu i Yesus binoa nu Roh nu Tumpu nokiijo' i padang bolaa da o sobai nu Ibilis.

LUKAS 10:16

Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

ROMA 1:29

Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

ROMA 1:31

aha madi' mongka'oho' monsumbu' mian sangga'at; aha panggaga, tiba madi' monsumbu' atulan hi sangko mian.

1 KORINTUS 7:5

Boli mosi tade-tade samian ka' samian salaku moto bengkele'. Timbali panyo boli pin asan ua-ua'aha bubuu' setuju. Desumo aitu yo toto samian moko ala balado'a ka' madi' ko anu monggoda. Panyo lapas mae tionyo ahi' komiu po'ule' motuang salaku moto bengkele'. De madi' sumo aijo' komiu saidi' mae salatan nusale'imo nu roh ma'idek obatukimo miu, kalana komiu madi' moko ala mongintim napisu.

1 KORINTUS 7:9

Panyo de kita Utus madi' moko ala mongintim napisu, kita Utus sahanyo mo'osoa. Kalana lebe ma'ima' kita Utus mo'osoa da boli monsaduakon napisu nu beleyum ko suhu-suhut.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

TITUS 2:3

Sumo aitu mule' tionyo ahi' beleyum mompokinde'i to bou-boune anu bengkele'mo da kalakuan nu aha sosok tiba apaa na anu patut hi mian anu tumuu' samata-mata bau kapentingan nu Tumpu. Aha madi' timbali mompitana'i mian sangga'at ka' madi' timbali katagean i inumon anu moko palangu. Aha tionyo ahi' mongajanakon hahan anu ma'ima',

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!

2 PETRUS 2:14

Aha madi' ko kapa'osannyo na mombau dosa', ka' anu nu ka'ima'i aha aijo'mo montoa boune anu lewa' masala'. Ka' mian anu sala'je palesaya ka' anu ma'isa talalo palesaya totu-totu'u, nugoda nu aha. Kinyonyoa nu aha inanayamo nu mangoa. Aha to mia-mian anu kinutukanmo!

2 PETRUS 2:19

To gulu-gulu' anu madi' totu'u haha aijo' binajanji'mo hi to mia-mian tukoonyo saidi' mae madi' mohumpak hukuman, padahan posi aha binotuananmo nu anu saja' nubau nu aha anu nongideimo mian. Kalana de mian i hungku'anmo nu apa-apaa, saba' ia binotuananmo nu anu nohungku'imo aijo'.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

YUDAS 1:18

Aha nompoto'imo momona hi komiu tukoonyo de malia'mo toka na sinaa kakiamatan lubatmo na to mia-mian anu monjojoa komiu, aijo'mo to mia-mian anu tumuu' montuluti apaa na anu nu kamilui nu aha sahingga monsaduakonmo anu moko baladosa'.

ANU PINOTO'I HI YOHANES 13:15

Binatang anu ko ohua'nyo aijo' pinobee' na mombee' nyawanyo hi patong aijo', sahingga patong aijo' moko ala motatae ka' mompatei iwi-iwi' mian anu madi' mongka'oho' monsombah ia.

ANU PINOTO'I HI YOHANES 13:17

Madi' ko samian pe'e na timbali mongoli kabai mompobaluk to apa-apaa, de ia madi' ko tanda aijo', aijo'mo sanggo nu binatang aijo', kabai nomon anu momponyata' sanggo aijo'.

ANU PINOTO'I HI YOHANES 16:6

Aha nombubusakonmo baso' nu mian anu pinalesayamo hi Tumpu Allah ka' baso' nu to nabi-nabi; uuka aiya Belento nompo'inummo aha nu baso'. Memang konanyomo na aijo' hi aha!”

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.