2 TIMOTIUS 3:17 - KITAB NU TUMPU ALLA LELE MA'IMAI'

¹⁷ Tiba Kitab nu Tumpu aijo' mian anu mombau palentah nu Tumpu aijo' mohumpakmo ilimu' anu sukup anu ogunakon ingangahan nu pakalaja'an anu ma'ima'.

2 TIMOTIUS 3:17 ပူးပေါင်းရင်းမြစ်များ

NEHEMIA 2:18

Lantas sinisikumo hi aha mosia na Tumpu Allah nontulungimo aku ka' apaa na anu pinoto'imo i tomundo' hi belengku. Tinaaman nu aha, “Imbo' da otampu'unintomo na mombau kota!” Lantas nosadiamo na aha da montampu'unimo mombau kota'.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

2 KORINTUS 9:8

Tumpu ko kuasa mombee'i komiu balakat anu molabi-labi, da komiu saja' daagi' ko anu opake; ka' mule' komiu saja' molabi-labi na mombau anu ma'ima' ka' manonong, na montulung mian.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

2 TIMOTIUS 2:21

Mian anu mompokopiani butongnyo i han iwi-iwi' anu ma'idek, mian aijo' opakeje da bau kapalaluan anu talalo penting. Ia samata-mata timbalimo anu nu tuannyo, ka' mingguna hi tuannyo. Ia pinosadiamo da opake iyayamae na pakalaja'an anu ma'ima'.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.

IBRANI 10:24

Ka' kita tionyo ahi' mompaha toa-toa samian ka' samian da kita timbali mompaha kake-kakeha'i bau pongkalibosi sangalu ka' mombau hahan anu ma'ima'.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.