2 TIMOTIUS 3:15 - KITAB NU TUMPU ALLA LELE MA'IMAI'

¹⁵ Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

2 TIMOTIUS 3:15 ပူးပေါင်းရင်းမြစ်များ

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

MAZMUR 71:17

O Tumpu, Belento nompokinde'imo mae aku salatanmo pe'e ma'isa i langkai' ka' binegkele', sangkut uuka aiya ku sisikakon na kalaja nu Belento anu okabangangi hondo.

AMSAL 22:6

Pangajali na samian na anak ijala-jalan nu kantumuu'an anu patut hi ia; sahingga de toka'mo na tempo'nyo de ia langkai'mo kabai bengkele'mo kantu-kantumuu'annyo montulutimo sumo aijo.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

ANU MOMPOLELE POTATAE NU TUMPU 12:1

O inau' ahi' na anu Nompotimbalimo belemiu daagi pe'e olitau ka' daagi pe'e lalangkoyang, anu ma'isa pe'e tinoka i taun-taun anu saja'mo sinansala. Tempo'nyo aijo' belemiu notataemo, “Kantumuu'aku madi' nohumpak kabilahian.”

MATIUS 22:29

I Yesus nontaami, “Komiu ilipunmo hondo, kalana komiu madi' mangalati' i Kitab nu Tumpu, mau pe'e kuasa nu Tumpu Allah.

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

LUKAS 2:40

Anak aijo' kino daka-daka'nyomo ka' nahosonmo. Ia pande hondo ka' talalo nukalibosi nu Tumpu.

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

LUKAS 24:32

Panyo ia madi'mo tinoa nu aha. Koonyo nu aha samian ka' samian, “Te misa'o kinyonyoanto ingoa'an sinanangmo hondo salatan ia binasisik tiba kita i tonga' nu jalan, ka' nontutuhakonmo isi nu Kitab nu Tumpu hi kita?”

LUKAS 24:45

Lapas aijo' i Yesus nombukamo pikilan nu aha da monsumbu' apaa na koonyo nu Kitab nu Tumpu.

YOHANES 5:47

Panyo de komiu madi' palesaya hi anu tinulis i Musa, mosia na komiu timbali palesaya hi anu Ku taloakon?”

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 13:29

Ka' salatan ilapas na aha nombau iwi-iwi' anu noko tulismo i uno nu Kitab nu Tumpu mongkona Ia, aha nontauhakon bangke'-Nyo lengkat i kau' salib, lantas pino'una'nyomo na Ia i uno nu kubun.

SISIKON NU TO RASUL-RASUL 16:1

I Paulus i lumajang mule' nokiijo' i Derbe, lapas aitu nokiijo'mo i Listra. I kiijo' daagi' ko samian na anu saja' mombatuki Yesus sanggonyo i Timotius. Tinanyo mian nu Yahudi, anu pinalesayamo hi Yesus; panyo tuumanyo mian nu Yunani.

SISIKON NU TO RASUL-RASUL 17:2

Sahingga i Paulus suele namba nokiijo' i laigan pogalejaan aijo' – sumo anu biasa nubau de daagi' ko sa'angu' na laigan pogalejaan nu mian Yahudi – lantas nompaha buka-buka' pikilan tiba to mia-mian i kiijo' mongkona to aya-ayat Kitab nu Tumpu Allah. Ia nombau aijo' tolun sinaa i sinaa nu Sabat, madi' ko olotnyo.

SISIKON NU TO RASUL-RASUL 26:24

Hau-haunyo i Paulus montutuhakon pompototu'u butongnyo aijo', i Festus nonsegaimo, “Beleyum notutuangmo Paulus! Ilimuu'um anu manjoo' atina' nompotimbalimo beleyum notutuang!”

ROMA 1:2

Lele Ma'ima' aijo' jinanji'mo nu Tumpu daagi' pe'e naipuan mae sinisikakonmo nu to nabi-nabi-Nyo ka' tinulismo i uno nu Kitab nu Tumpu.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

ROMA 2:27

Ka' to mia-main anu madi' sinunat aijo' mompisala'imo kita Utus mian nu Yahudi, kalana kita Utus daagi' ko atulan nu agama Yahudi, ka kita Utus sinunatmo, panyo kita Utus molanggai atulan aijo'. Aha madi' sinunat, panyo ahamo na anu montanga'imo atulan nu agama Yahudi.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

EFESUS 6:4

To Utu-utus anu timbalimo tuuma! Boli mompoposia to ana-anak miu, sahingga ma'idekanmo na kinyonyoa nu aha. Ola ahi' opidaka'i na aha nu atulan ka' pangajalan nu Tumpu.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

1 TIMOTIUS 4:13

Hau-haunyo aijo', sampeje de aku po'ule'mo toka, beleyum tionyo ahi' totu-totu'u saja' mombasa'akon Kitab nu Tumpu hi to mia-mian, ka' mongkakeha'akon tiba mule' mongajan aha.

2 TIMOTIUS 1:1

O Timotius, anakku anu ku kanonongi! Aku, i Paulus, nontulis sulat aiya toka hi beleyum, ka' montaha'imani, da Tumpu Tuuma ka' Tumpunto i Kristus Yesus mombee'i balakat, kalibosan ka' ka'ima'an hi beleyum. Ka' kalana pongka'oho' nu Tumpu, aku i hangkatmo tinimbali rasul i Kristus Yesus ka' sinai da mompolele mongkona kantumuu'an anu jinanji'mo nu Tumpu. Kantumuu'an aijo' tinatimantomo, kalana nosa'angu'mo tiba i Kristus Yesus.

2 TIMOTIUS 1:5

Aku tonginau' i kapalesaya'anum anu totu-totu'u hi Kristus, pokakana sumo kapalesaya'an nu kele'um i Lois ka' tinaum i Eunike. Ka' kupalesaya hondo-hondo beleyum mule' palesaya sumo aijo'.

2 PETRUS 3:16

I uno nu sulatnyo iwi-iwi', i Paulus saja' nontulis mongkona han aijo'. Memang daagi' ko to pia-piangkuka na han, na anu mahan na opangalati'i i uno nu sulatnyo haha aijo'. Ka' hanmo aijo' na gineo-geo'akonmo nu to mia-mian anu madi' ko anu nu pisumbu-sumbu' ka' anu madi' mahoson na imannyo. Han aijo' madi'mo okabangangi, kalana bahagian haha aijo' sangga'at i Kitab nu Tumpu nubau suele nu aha sumo aijo'. Apaa na anu binaumo nu aha aijo' ola monsaduakon posi kapatean nu butong nu aha.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.