2 TIMOTIUS 3:11 - KITAB NU TUMPU ALLA LELE MA'IMAI'

¹¹ Beleyum nontoamo aku kinabisa'anmo ka' aku sinansalamo. Beleyum nonsumbu'mo iwi-iwi' apaa na anu jinadimo hi butongku i Antiokhia, i Ikonium, ka' i Listra; ka' beleyum nonsumbu'mo iwi-iwi' anu ingoa'ankumo! Panyo Tumpu nomposalamatmo aku i han iwi-iwi' aijo'.

2 TIMOTIUS 3:11 ပူးပေါင်းရင်းမြစ်များ

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

2 SAMUEL 22:1

Salatan i Daud pinosalamatmo nu Tumpu lewa' nahampate nongewa i Saul ka' mule' hi iwi-iwi' na sampo bali'nyo sangga'at, i Daud nanyanyimo nyanyian nompuji Tumpu: (

2 SAMUEL 22:49

pinosalamat-Nyomo mae na aku da boli nu patei nu aha anu monsampobali' mae aku O, Tumpu pino untungmo mae nu Belento na aku nahampate nongewa sampo bali'ku; Jinagaanmo nu belento na aku da boli nu patei nu to mia-mian anu uesan.

MAZMUR 34:19

Tumpu ohani hi mian anu kinesewamo; ka' momposalamat mian anu madi'mo ko sumangatnyo.

MAZMUR 37:40

Nu tulungi na aha ka' mule' Nu posalamat ka' Nu poluput na aha da madi' nu silakai nu to mia-mian anu ma'idek na kinyonyoanyo, kalana aha ninsondo'mo hi Ia.

MAZMUR 91:14

Tumpu notatae, “Mian anu mongka'ima'i Aku tionyo ahi'. Ku posalamat, anu mongakui aku tionyo ahi' ku jagai.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

DANIEL 6:27

Ku palentahkon hi iwi-iwi' mian anu jojoong i kalaja'anku da mabuhuk ka' moholomati Tumpu anu nu sombah i Daniel! Ia atina'mo na Tumpu anu tumuu' sampe toka sidu-sidutu', sampe toka isinaa kakiamatan na Ia mompalentah. Kalaja'an-Nyo sabole-bole totinjo. Kakuasa'an-Nyo madi' ko kamingkotannyo.

SISIKON NU TO RASUL-RASUL 13:14

Lengkat i Perga, aha nolausakonmo lumambanan nokiijo' i Antiokhia i Pisidia, lapas aitu i sinaa nu Sabat aha nambamo sinumuhang i uno nu laigan pogalejaan.

SISIKON NU TO RASUL-RASUL 13:45

Salatan to mia-mian nu Yahudi nontoa mian da'isan aijo', nasakit hondo na kinyonyoa nu aha. Aha nompopo'ise'mo i Paulus ka' nonggagakonmo iwi-iwi' anu tinaloakonnyo.

SISIKON NU TO RASUL-RASUL 14:8

I Listra daagi' ko samian na mo'ane anu tengkenyo kapi' salatan pe'e i hampe, sahingga ia madi' toho' moko ala lumajang, sabab tengkenyo talalo lundeng.

SISIKON NU TO RASUL-RASUL 20:19

Madi' kino bubuun ka' saja' nonjujuhakon lolu', aku mokalaja bau kapentingan nu Tumpu i totonga' nu kasansalaan anu ku oa'i, kalana tanga'an anu ma'idek nu to mia-mian Yahudi.

SISIKON NU TO RASUL-RASUL 23:10

Pinainggagaan aijo' tinimbalimo dinaka' hondo, sahingga kapala nu suludadu aijo' nabuhukmo boli-boli i Paulus nupateimo nu aha. Jadi ia nonsai pasukannyo namba nongala i Paulus i totonga' nu to mia-mian aijo' ka' nomboa ia nokiijo' i kajojoongan nu suludadu aijo'.

SISIKON NU TO RASUL-RASUL 26:17

Ku ga'atakon na beleyum i bansa Israel ka' bansa-bansa sangga'at anu misa' Yahudi. Ku pokaumo na beleyum mamba hi aha da mompojingka mata nu aha,

SISIKON NU TO RASUL-RASUL 26:22

Panyo sampe tinoka i tempo' aiya aku jinagaan nu Tumpu Allah, sahingga aku tuminjo aiya mombee'i katalangan hi iwi-iwi' mian – anu ko pangkatnyo tiba anu madi' ko pangkatnyo. Apaa na anu tinaloakonkumo aiya madi' ko sangalasannyo aijo'mo na anu sinisikakonmo nu to nabi-nabi ka' i Musa;

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

ROMA 15:31

Balado'a da Tumpu molapasakon aku i lima nu to mia-mian anu madi' palesaya kiijo' mae i Yudea, da kalajangku momboa pontulungimo kiijo' i Yerusalem otalima nu kinyonyoa sanang nu mian anu palesayamo hi Tumpu kiijo' mae.

2 KORINTUS 1:5

Iwi-iwi' na kasansala'an anu ingoa'anmo i Kristus suele sumo aijo'mo na konjoo'nyo na anu ingoa'anmo mami. Ka' kahosonan anu i humpakmo mami hi Kristus, kinyonyoa mami pinohosonmo hondo.

2 KORINTUS 1:7

Kami saja' mongakui ka' madi' toho' mombata-batai komiu Utus, kalana osumbu' mami na komiu suele nongoa'imo sansala tiba kami. Mokonyo aitu komiu suele ahi' nupohoson hingga-hinggat tiba kami.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

2 TIMOTIUS 4:7

Aku nombatukimo palalomba'an totu-totu'u ka' nontokaimo katokaan i pupuusnyo. Aku tataap tulu-tulutan hi Kristus sampe toka i aha ahenannyo.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,