2 TIMOTIUS 2:7 - KITAB NU TUMPU ALLA LELE MA'IMAI'

⁷ Potutugakon ima-ima' apaa na anu pinopohimoonakonkumo aijo', saba' Tumpu mombee'ije hi komiu da moko ala monsumbu' iwi-iwi'.

2 TIMOTIUS 2:7 ပူးပေါင်းရင်းမြစ်များ

1 TAWARIKH 22:12

Ka' bisa-bisa' Tumpu Allah nu beleyum mombee'i kapandean hi beleyum ka' monsumbu' mompalentah Israel susumo anu i uno nu atulan-Nyo.

1 TAWARIKH 29:19

Bee'iakon na i Salomo, anaku momo'ane da mongka'ima'i totu-totu'u montuluti iwi-iwi' napalentah nu Belento ka' mombau laigan ponsomban belento Tumpu, kalana posadiaonnyo pinodaagi'kumo.”

MAZMUR 119:125

Aku posaihon nu Belento, popangalati' mae na aku da ku sumbu' na palentah nu Belento.

MAZMUR 119:144

Atulan nu Belento saja' adin; popangalati' mae na aku da aku tumuu'.

MAZMUR 119:73

Belentomo na nompotimbali ka' nontali' aku, popangalati' mae na aku monggului' iwi-iwi' na palentah nu Belento.

MAZMUR 64:9

Aha silakamo kalana potatae nu aha na monsaduakon; iwi-iwi' na anu montoa kino bilok-bilokmo.

AMSAL 24:32

Salatan pinalahatikankumo ka' lewa' tinutuganku na han aijo', i humpaku mo na pangajalan sumo uuka.

YESAYA 1:3

Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YESAYA 28:26

Nu sumbu' mosia na mokalaja kalana ingajanmo nu Tumpunyo.

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

LUKAS 24:45

Lapas aijo' i Yesus nombukamo pikilan nu aha da monsumbu' apaa na koonyo nu Kitab nu Tumpu.

LUKAS 9:44

“O intomakon ima-ima' ka' boli okolilimi na potataeng-Ku aiya: Anak nu Mian tionyo obee' i kuasa nu mian.”

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

SISIKON NU TO RASUL-RASUL 7:10

ka' nolapasakonmo ia i iwi-iwi' na kasusa'annyo. Tumpu nombee'imo ia kapandean tempo'nyo ia nangadap hi Firaun tomundo nu Mesir, sahingga i Firaun nompotimbali ia Gubernur i lipu' Mesir ka' nongkuasaimo Laigan Daka' i Firaun.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

PO'ULE' INGULIT 32:29

De aha pande, aha mangalati'mo, ka' mompopikilakonmo apaa na anu saidi' mae jadi i mihinyo hi aha.

PO'ULE' INGULIT 4:39

Kalana aijo' soba ahi' tutugi sinaa aiya ka' bolimo okolilimi, ola Tumpu sa'a-sa'angu'nyomo na Tumpu Allah i langit ka' i dunia; madi' ko anu sangga'at.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

1 TIMOTIUS 4:15

Baumo na iwi-iwi' aijo' totu-totu'u da kamajuan nu belemiu nutoa nu mian iwi-iwi'.

2 TIMOTIUS 2:6

Anu topo ale', anu mokalaja totu-totu'u iamo na momonanyo ko hak mohumpak hasin anu sinu'annyo.

2 TIMOTIUS 2:8

O inau' na aiya: Lele Ma'ima' anu kupolele aijo', atina'mo na lele mongkona i Yesus Kristus, lee' i Daud; Iamo na i Kristus anu sinilaka po'ule'mo pinotumuu'.

IBRANI 12:3

Soba potutugakon mosia na kosakisanyo na i Yesus nongahopimo to mia-mian baladosa' anu nongka'idekimo hondo ka' nongewamo Ia. Kalana aijo' boli ise-ise' na kinyonyoa ka' boli bata-bata.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 7:4

Jadi otoantomo i aiya palias na kodaka'nyo na i Melkisedek aiya; ia sumo aijo' na kodaka'nyo sahingga i Abraham, Tuuma nu mompolee' nu bansanto, nombee'mo hi ia anu binagi sampulu' na bagian, sambagian na binee'nyo, anu i humpaknyo lengkat mae nahampate aijo'.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YAKOBUS 3:15

Kapandean anu sumo aijo' madi' nolengkat mae i suluga'. Ia nolengkat mae i dunia, nolengkat mae i napisu nu mian, ka' lengkat mae i setan!

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.