2 TIMOTIUS 2:3 - KITAB NU TUMPU ALLA LELE MA'IMAI'

³ Beleyum tionyo mongoa'i sansala susumo suludadu i Kristus Yesus anu tulu-tulutan.

2 TIMOTIUS 2:3 ပူးပေါင်းရင်းမြစ်များ

SISIKON NU TO RASUL-RASUL 23:31

Sahingga to sulu-suludadu haha aijo' nonjalanakonmo palentah nu aha. Aha nongala i Paulus lantas nomboa ia pihi-pihi aitu tinoka hi Antipatris.

1 KORINTUS 13:7

Ia moko ala montahan mongahopi iwi-iwi na apa-apaa, ka' mongka'oho' palesaya hi anu talalo ma'ima' hi batu-batu mian; i uno nu han mau mule' pa' mosiamo, mian anu ko kalibosan aijo' madi' toho' mongkolilimi apaa na anu nutaha'imani, ka' sabaan montanda'i iwi-iwi na apa-apaa.

1 KORINTUS 9:7

Madi' ko suludadu anu mongongkosi posi butongnyo hi aha anu montinjohakon pahampatean! Madi' ko mian topo ale' anu mosu'an anggur i ale'nyo, lantas madi' mongkaan hasin nu anggur i ale' aijo'! Madi' ko polaya' domba anu mompotuu' domba, ka' madi' monginum susu nu domba-dombanyo haha aijo'!

2 KORINTUS 1:6

De kami mongoa'i kasusa'an, aijo' bau pompohoson kinyonyoaum da bau kasalamatanum. De kinyonyoa mami opohosonmo, saba' komiu suele opohosonmo sahingga komiu timbali sabaan mongoa'i iwi-iwi' na kasusa'an susumo suele anu ingoa'anmo kami.

1 TIMOTIUS 1:18

Timotius, anakku! Kalaja aiya kupalesayakonmo hi beleyum, monginau' daagi' ko potuunon nu Tumpu anu pinotokakonmo nu to nabi-nabi i uno nu jama'at mongkona butong nu beleyum. Tionyo ahi' potuunon aijo' timbali bau mantu nu beleyum i uno nu usaha anu ma'ima'.

2 TIMOTIUS 1:1

O Timotius, anakku anu ku kanonongi! Aku, i Paulus, nontulis sulat aiya toka hi beleyum, ka' montaha'imani, da Tumpu Tuuma ka' Tumpunto i Kristus Yesus mombee'i balakat, kalibosan ka' ka'ima'an hi beleyum. Ka' kalana pongka'oho' nu Tumpu, aku i hangkatmo tinimbali rasul i Kristus Yesus ka' sinai da mompolele mongkona kantumuu'an anu jinanji'mo nu Tumpu. Kantumuu'an aijo' tinatimantomo, kalana nosa'angu'mo tiba i Kristus Yesus.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

2 TIMOTIUS 3:11

Beleyum nontoamo aku kinabisa'anmo ka' aku sinansalamo. Beleyum nonsumbu'mo iwi-iwi' apaa na anu jinadimo hi butongku i Antiokhia, i Ikonium, ka' i Listra; ka' beleyum nonsumbu'mo iwi-iwi' anu ingoa'ankumo! Panyo Tumpu nomposalamatmo aku i han iwi-iwi' aijo'.

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

FILEMON 1:2

ka' hi jama'at anu silimu' i laiganum; ka' suele hi utusto boune, i Apfia ka' sangalu sampo usahanto, i Arkhipus.

IBRANI 10:32

Potutugakon mosia na ka'ada'annyo na to utu-utus i tempo' anu i hikuhakonmo. Tempo'nyo aitu salatan jingka nu Tumpu nonjingkai komiu, komiu nongoa'imo manjoo' hondo na kasansala'an, panyo komiu sabole-bole ahi palesaya totu-totu'u.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

TO MIA-MIAN KOPIAN 3:2

Tumpu nombau sumo aijo' ko kahanda' da mongajan aha mian anu i salapisan na bansa Israel mosia na mahampate, aijo'mo aha anu madi' toho' namba nahampate.