2 TIMOTIUS 2:22 - KITAB NU TUMPU ALLA LELE MA'IMAI'

²² Pimpali na kasanangan nu mian anu daagi' olitau. Bala usaha da kantumuu'an mombatuki pongka'oho' nu Tumpu, tulu-tulutan i pangajalan-Nyo ka' mongkalibosi sangko mian, ka' mule' kinyonyoa sanang. Tumuu'mo sumo aijo' tiba aha anu mongkakase momoita tulung hi Tumpu i uno nu kinyonyoa anu ma'ima'.

2 TIMOTIUS 2:22 ပူးပေါင်းရင်းမြစ်များ

MAZMUR 119:9

To oli-olitau timbali monjaga kantumuu'annyo da madi' ko kasala'an de ia tumuu' montuluti palentah nu Belento.

MAZMUR 17:1

Do'a i Daud. Potombihingakon mae na anu ku poita aiya mongkakase ka'adilan, tutugiakon mae na do'angku aiya anu sahondo-hondonyo, o Tumpu.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 6:5

Lapasakon na butong nu beleyum i so'o aijo' susumo tomonsi' kabai kijang anu nolapasmo hi topo bebas.

AMSAL 7:8

Tempo'nyo sinaa ohanimo malom gio-gio' pihimo olitau aijo' kino lalajangmo ohani tekuan nu jalan anu mompatui jojoongan nu samian na boune.

IMAMAT 15:18

De lapasmo moduhus mau mo'ane kabai boune tionyo ahi' mindii' panyo aha tataap mahumimi' sangkutnyo sinaa makakinsapmo.

SISIKON NU TO RASUL-RASUL 7:59

Hau-haunyo aha mompahambunu'akon i Stefanus, i Stefanus noloboo', “Kita Tumpu Yesus, talimamo na roh-ku!”

SISIKON NU TO RASUL-RASUL 9:14

Ka' uuka ia tinokamo i aiya pinoloasmo nu kapala nu to ima-imam mohakop iwi-iwi' mian anu palesayamo hi Kita Tumpu.”

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 14:19

Mokonyo aijo' apaa na anu okahanda'i obaunto tionyo ahi' saja' hahan anu mompotimbali posa'angu'an ka' mompaha bango-bangonakon.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

1 KORINTUS 10:14

Mokonyo aijo', to Utu-utus anu ku ku kalibosi, tionyo ahi' komiu mongka'ideki monsombah pilogot.

1 KORINTUS 14:1

Tionyo ahi' komiu bala usaha mongkalibosi to mia-mian sangga'at. Ka' bala usaha suele da mohumpak to bala-balakat anu nubee' nu Roh nu Tumpu, ka' anu talalo hondo, da moko ala monsisikakon tanga'an-tanga'an nu Tumpu hi mian.

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

1 PETRUS 3:11

Ia tionyo ahi' mompimpali anu ma'idek ka' mombau anu ma'ima'; bala usaha ahi' totu-totu'u na ia da mohumpak paladamean.

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.