2 TIMOTIUS 2:21 - KITAB NU TUMPU ALLA LELE MA'IMAI'

²¹ Mian anu mompokopiani butongnyo i han iwi-iwi' anu ma'idek, mian aijo' opakeje da bau kapalaluan anu talalo penting. Ia samata-mata timbalimo anu nu tuannyo, ka' mingguna hi tuannyo. Ia pinosadiamo da opake iyayamae na pakalaja'an anu ma'ima'.

2 TIMOTIUS 2:21 ပူးပေါင်းရင်းမြစ်များ

MAZMUR 119:9

To oli-olitau timbali monjaga kantumuu'annyo da madi' ko kasala'an de ia tumuu' montuluti palentah nu Belento.

YESAYA 1:25

Aku nongalamo sa'angu' na kantantuan mongkona hi belemiu. Susumo mompotimbalimo mosoni' anu madi' kogalo'nyo, belemiu Ku potimbalimo da madi' ahi' kogalo'nyo; iwi-iwi' na anu mahenyu anu atina' hi belemiu Ku alinakonmo.

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YEREMIA 15:19

Tinaaman mae nu Tumpu, “De beleyum po ule'mo mae minsusule', Ku talimamo na beleyum. Beleyum po ule'mo timbali posaihon-Ku. De beleyum mombebakonmo hahan anu mingkaliangan ka' misa' ahi' ola anu madi' totu'u saba' beleyum timbali poule' jadi nabing-Ku. Aha to mian-mian toka mule' mae hi beleyum, ka' madi'mo palaluu' beleyum mamba hi aha.

MALEAKHI 3:3

Ia toka mae da momputusimo, susumo mian anu mompobelesi'mo ka' mule' monsopu'mo salaka. Susumo samian na tukang logam monsopu'mo mosoni' tiba salaka, sumo aijo'mo na anu nu utus nu Tumpu monsopu'mo to ima-imam da aha monsombahkon iwi-iwi na koloban mombatuki ahi' apaa na anu nu situjui nu Tumpu.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

1 KORINTUS 5:7

Alin pe'e na ragi anu pininmo aijo', aijo'mo ragi nu dosa', da komiu timbali sumo anu ginalo'anmo bu'ou, belesi' i ragi nu dosa' anu pininmo, ka' memang kusumbu' komiu sumo aijo'mo. Kalana lamean nu Paskah-nto pinosadiamo, saba' i Kristusmo na tinimbali sumo domba nu Paskah-nto, anu kinolobanakonmo.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

2 KORINTUS 9:8

Tumpu ko kuasa mombee'i komiu balakat anu molabi-labi, da komiu saja' daagi' ko anu opake; ka' mule' komiu saja' molabi-labi na mombau anu ma'ima' ka' manonong, na montulung mian.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

2 TIMOTIUS 2:16

Opimpali na to sisi-sisik anu madi' ko gunanyo, ka' anu mongise-ise' Tumpu. Sisi-sisik sumo aijo' ola mombau mian mompaka pa'idek.

2 TIMOTIUS 2:20

I uno nu laigan daka' daagi' ko ngangahan nu pakakas. Daagi' ko anu salaka na binau kabai mosoni', panyo daagi' mule' ko anu kau' na binau kabai tano'. Daagi' ko anu pinake da bau kapalaluan anu talalo penting, ka' daagi' mule' ko anu opake bau kapalaluan anu biasamo.

2 TIMOTIUS 3:17

Tiba Kitab nu Tumpu aijo' mian anu mombau palentah nu Tumpu aijo' mohumpakmo ilimu' anu sukup anu ogunakon ingangahan nu pakalaja'an anu ma'ima'.

2 TIMOTIUS 4:11

Me i Lukas na jinojoong tiba aku. Mamba ala ka' boa mae na i Markus hingga-hinggat tiba beleyum, kalana ia na timbali montulungi pakalaja'anku.

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.

TITUS 3:14

To mia-mian anu bubu' kita tionyo ahi' balajan mombau hahan anu ma'ima' da timbali mompodaagi' kapalaluan anu talalo opalalui; boli sampe aha tumuu' madi' mingguna.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.