2 TIMOTIUS 2:20 - KITAB NU TUMPU ALLA LELE MA'IMAI'

²⁰ I uno nu laigan daka' daagi' ko ngangahan nu pakakas. Daagi' ko anu salaka na binau kabai mosoni', panyo daagi' mule' ko anu kau' na binau kabai tano'. Daagi' ko anu pinake da bau kapalaluan anu talalo penting, ka' daagi' mule' ko anu opake bau kapalaluan anu biasamo.

2 TIMOTIUS 2:20 ပူးပေါင်းရင်းမြစ်များ

EZRA 1:6

Iwi-iwi' na Laigan anu mompaha ohani aha nontulungimo ka' nombee'mo pakakas susumo umpamanyo salaka tiba mosoni', ka' mule' anu bau mantu i jalan, binatang anu pomposake'an boaon, halata' sangga'at ka' apa-apaa na anu osombahkon i Laigan nu Tumpu.

EZRA 6:5

Ka' mule' pakakasnyo mosoni' ka' salaka anu opake i Laigan nu Tumpu anu ingalamo i Tomundo Nebukadnezar kiijo' i Yerusalem ka' binoanyomo i Babel, tionyo ahi' po'ule' osule'akon i tampatnyo momona.”

NOSABATMO 27:3

Bau na to pamu-pamutu', sasahuk, to mangko-mangko', to soba-sobang ka' pomposulian apu. Iwi-iwi' na talakonan haha aijo' tionyo ahi' tambaga na obau.

MOHAANGI 4:2

Naipuan mae to ana-anak anu tumimpasmo i kota' Sion sumomo ahi' mosoni' anu mahan na olinyo, panyo uuka aiya binaumo susumo gumbang anu ola ahi' tano' na binau.

DANIEL 5:2

Hau-haunyo aha lewa' monginu-inum i Belsyazar nompalentahmo da mamba mongala to mangko-mangko' mosoni' ka' salaka anu ingagoan mae i Nebukadnezar tuumanyo i uno nu Laigan nu Tumpu kiijo' mae i Yerusalem. Makisud i Tomundo' Belsyazar da anu to tangka-tangkas na pangkatnyo, to bengke-bengkele'nyo, to amba-ambahue'nyo ka' suele ia na monginum ahi' i mangko' haha aijo'.

YOHANES 8:49

I Yesus nontaami, “Aku madi' pininsoopan nu setan. Aku mongadati Tuumang-Ku, panyo komiu mompopo'ise' Aku.

ROMA 9:20

Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

1 KORINTUS 3:9

Kami to mia-mian anu hingga-hinggat mombau kalaja anu nu Tumpu; ka' komiu aijo' sumomo ale' nu Tumpu. To Utu-utus suele sumo gudang nu Tumpu.

2 KORINTUS 4:7

Panyo halata' nu rohani anu ma'ima' hondo aijo' oboa i butong mami anu madi' ko olinyo aiya anu tano' na binau. Jadi desumo aijo' nyata'mo taalu' kakuasa'an anu daka' aijo' una-una' hi Tumpu misa' hi kami.

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.