2 TIMOTIUS 2:19 - KITAB NU TUMPU ALLA LELE MA'IMAI'

¹⁹ Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

2 TIMOTIUS 2:19 ပူးပေါင်းရင်းမြစ်များ

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 112:6

Mian anu manonong saja' nu humpak na anu nu kahanda'i; ia saja' o inau' sampe toka sidu-sidutu'.

MAZMUR 34:14

Boli montaeakon potatae anu toto ide-idek ka' boli mongka'ima'i ola saja' mongakali mian.

MAZMUR 37:18

Tumpu monjagai kantumuu'an nu mian anu bala iman hondo, halata' pusaka' nu aha tataap sampe toka sidu-sidutu'.

MAZMUR 97:10

O, belemiu mian anu mongka'ima'i Tumpu, ka'ideki na kalakuan anu ma'idek! Kalana Tumpu monjagai kantumuu'an nu mian anu palesayamo hi Ia, Ia nompobebasmo aha da madi' nukuasai nu mian anu palaganta.

AMSAL 10:25

De ko tombusisi' montuda'mae mohopu' na mian anu ma'idek na kinyonyoanyo; panyo mian anu madi' tageo' na kinyonyoanyo tataap mahoson sampe toka sidu-sidutu'.

AMSAL 3:7

Boli monsangka' butong nu belemiu lebe pande molingkuduimo anu memang ahi' sahondo-hondonyo; otuluti na Tumpu ka' opimpali' na anu ma'idek.

YESAYA 14:32

Apaa na bau pontaaminto hi aha to mia-mian anu toka mae lengkat hi aha bansa Filistin? Opoto'into tukoonto hi aha Tumpu nombaumo Sion ka' mian anu palesayamo hi Ia anu nongoa'imo kasansalan ojagaimo ikiijo mae.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 63:19

Belento nongatunmo kantumuu'an mami susumo au'aitu Belento madi' toho' nongkuasai kami; susumo au'aitu kami madi' toho' tinimbali mian anu palesayamo hi Belento.

YESAYA 65:15

To mia-mian anu pinile'an-Kumo mompake sanggo nu beleyum salaku kutuk: ‘O'amalakon da Tumpu Anu Matangkas na Kuasanyo mompatei belemiu susumo aha!’ Panyo mian anu tulu-tulutan hi beleng-Ku, Ku bee'ije sanggo anu bu'ou ponsanggohi.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

NAHUM 1:7

Tumpu aijo' manonong, Ia monjagai mian-Nyo anu pinalesayamo tempo'nyo aha sinusi'mo; Ia monjagai mian anu ninsoopmo palesaya hi Ia.

HAGAI 2:23

I sinaa aijo' beleyum Zerubabel posaihon-Ku, Ku hangkatmo da mompalentah atas sanggong-Ku. Saba' beleyum na anu pinile'an-Kumo.” Tumpu Anu Daka Na Kuasanyo na notataemo. 1

ZAKHARIA 3:9

Ku potimpasmo na batu sa'angu' hi ahop i Yosua, popitu' na pasu'nyo anu Ku botikje nu tulisan-tulisan. Ola sansinaa na kopinnyo Ku alinmo na dosa' nu lipu' aiya.

NOMBILANGMO 16:5

Lantas ia notataemo hi Korah ka' anu monsangaja'imo ia, “Dodop daagi' subu Tumpu mompotoamo hi kita ihe na anu jinadimo anu-Nyo ka' ihe na anu samata-mata mombau kapalaluan-Nyo. Mian anu pinile'an-Nyomo atina' na anu nupobee' mongohani Ia.

NOMBILANGMO 6:27

Ka' Tumpu notatae mule', “De aha monsanggo sanggong-Ku salaku bau pombalakati bansa nu aha Israel, Ku balakatimo na aha.”

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

MATIUS 7:25

Tempo'nyo ujan tudun, ka' iaba' toka tiba mombun makansang montintip laigan aijo', laigan aijo' madi' motua' kalana pinotinjomo i bawo nu batu.

MARKUS 12:16

Sahingga aha nombee' hi Ia sa'angu' na doi salaka. Lantas i Yesus nompokilawa, “Gambalan ka' sanggo ihena aiya?” “I Tomundo”, tinaaman nu aha.

MARKUS 13:22

Kalana anu momposalamat bale-baleko' ka' to nabi-nabi baleko' tokamo saidi' mae. Aha mombau palabuatan-palabuatan anu talalo hondo daka', ka' hahan anu okabangangi bau pongakali de timbali, mian nu Tumpu suele.

LUKAS 13:27

Panyo i Tuan aijo' notatae mule', ‘Aku madi' monsumbu' pa' komiu lengkat mae ya. Lako'mo pala'i na tampat aiya, komiu anu mombau anu ma'idek!’

LUKAS 6:48

Ia sumo mian anu tempo'nyo mompotinjo laigan mongkeke leleeng, lantas mombau mesennyo opokoko i batu. De toka na iyaba' ka' uee nu kaunyo moleetabi laigan aijo', laigan aijo' madi' opoko anjuhakon, kalana pinotinjomo i bawo nu mesen anu madodo.

YOHANES 10:14

Akumo na polaya' anu manonong. Susumo Tuuma monsumbu' Aku, ka' Aku monsumbu' Tuuma, sumo aitumo mule' Aku monsumbu' domba-dombang-Ku ka' aha suele monsumbu' Aku. Aku mombee' nyawang-Ku, kalana monsawani aha.

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

YOHANES 3:33

Mian anu palesaya hi anu sinakisian-Nyomo aijo', mongakui saba' Tumpu aijo' totu'u.

SISIKON NU TO RASUL-RASUL 11:26

Salatan siningkabotmo i Saulus, ia nomboamo i Saulus nokiijo' i Antiokhia ka' sinataun ahi' na aha nosa'angu' tiba jama'at kiijo' mae ka' nongajan da'isan na mian. Kiijo'mo i Antiokhia na to mia-mian anu palesayamo hi Yesus momonaje hondo sinanggohan to mia-mian Kristen.

SISIKON NU TO RASUL-RASUL 15:17

da iwi-iwi' na mian anu tinasisa aijo' molio Tumpu, tiba iwi-iwi' bansa sangga'at anu misa' Yahudi anu i lagang-Kumo da timbalimo Aku na tumpunyo.’

SISIKON NU TO RASUL-RASUL 9:14

Ka' uuka ia tinokamo i aiya pinoloasmo nu kapala nu to ima-imam mohakop iwi-iwi' mian anu palesayamo hi Kita Tumpu.”

ROMA 11:2

Madi'! Tumpu madi' mongalin mian-Nyo anu palesayamo, anu pinile'an-Nyomo salatanmo pe'e i moona. To Utu-utus monsumbu' apaa na anu tinulis i uno nu Kitab nu Tumpu mongkona i Elia, tempo'nyo ia nompotoka han anu tinimbali i Israel hi Tumpu Allah. I Elia notatae,

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

ROMA 15:20

Anu ku kahanda'i aijo'mo mompolele Lele Ma'ima' anu lengkat mae hi Tumpu i tampat-tampat iya na anu ma'isa nohongo mongkona i Kristus. Kalana aku madi' mongka'oho' mombau kalaja opotinjo i mesen anu binau nu mian sangga'at.

ROMA 15:9

I Yesus suele nompotimbalimo to bansa-bansa sangga'at nompopodaka' Tumpu, kalana ka'ima'an nu kinyonyoa-Nyo hi aha. I uno nu Kitab nu Tumpu tinulismo sumo uuka, “Mokonyo aijo' aku mompuji'mo Kita Tumpu aijo' hi aha to bansa-bansa, aku monyanyije pompuji' sanggon-To.”

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

ROMA 9:11

Ma'isa pe'e i hampe ua-ua'aha na anak aijo', Tumpu nompotantumo anu Nu pile'i saidi' mae. Pompile'i nu Tumpu aijo' madi' montoa i anu nupoko bau nu mian, panyo samata-mata posi pongka'oho' nu Tumpu na molaga. Kalana tempo'nyo ua-ua'aha na anak mo'ane i Ribka aijo' ma'isa noko ala mombau apa-apaa anu ma'ima' kabai ma'idek.

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

EFESUS 3:15

Lengkat mae hi Ia na anu i suluga' ka' mian anu i dunia aiya montalima samata-mata tabiat-Nyo.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

1 TIMOTIUS 6:19

Tiba jalan anu sumo aijo' aha mompolimu'mo halata' anu ma'ima' anu timbali otaha'imani, anu tokaje aiya mae i ahop. Ka' tiba jalan aijo', aha mohumpakje kantumuu'an anu sampe toka sidu-sidutu', atina'mo kantumuu'an anu totu'u.

IBRANI 11:10

Kalana i Abraham montanda'imo kota anu pinopikinakonmo ka' nupotinjomo nu Tumpu ka' opotinjo i mesen anu mahoson hondo.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

ANU PINOTO'I HI YOHANES 17:8

Binatang aijo' naipuan mae toho'mo tinumuu', panyo uuka aiya madi'mo daagi' tinumuu'. Madi'mo pin na ia mosabatmo mae lengkat i keles kapatean ka' mambamo monsolok kapatean. To mia-mian anu tumuu' i dunia, anu sanggonyo madi' tinulis i uno nu Kitab nu Mian Tumuu' ma'isa pe'e dunia pinotimbali, tantu bangangmo de montoamo binatang aijo'. Kalana binatang aijo' naipuan mae toho'mo tinumuu'. Tempo' uuka aiya ia madi'mo daagi' tinumuu', panyo ia po'ule'je lubat.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.

ANU PINOTO'I HI YOHANES 21:14

Mesen nu kota aijo' pinotinjo i bawo nu sampulu' ka' ohua' na batu katinjoannyo. I batu katinjoannyo haha aijo' tinulis na iwi-iwi' na sanggo nu sampulu' ka' ohua' na rasul nu Anak nu Domba aijo'.

ANU PINOTO'I HI YOHANES 22:4

ka' montoamo ohup-Nyo. Sanggo-Nyo saidi' mae o tulisje i siakan nu Aha.

ANU PINOTO'I HI YOHANES 3:8

Ku sumbu' apaa na anu binaumo miu. Ku sumbu' saba' belemiu madi' talalo mahoson; belemiu nombatukimo pangajalan-Ku ka' nohongo-hongomo Aku. Kona hi belemiu tinuhea'akon-Kumo na sa'angu' na tumban anu madi' daagi' opoko tumban nu mau mule' pa' ihe.