2 TIMOTIUS 2:18 - KITAB NU TUMPU ALLA LELE MA'IMAI'

¹⁸ Aha noteba'mo madi'mo nombatuki ajalan anu totu'u ka' nompobingongmo kapalesaya'an nu sambagian mian. Aha notatae tukoonyo silaka po'ule' tumuu' toho'mo tinimbali.

2 TIMOTIUS 2:18 ပူးပေါင်းရင်းမြစ်များ

MATIUS 15:13

I Yesus nontaami, “Batu-batu pomulaon anu madi' sinu'an nu Tuumang-Ku i suluga' o bubutakon.

MATIUS 22:29

I Yesus nontaami, “Komiu ilipunmo hondo, kalana komiu madi' mangalati' i Kitab nu Tumpu, mau pe'e kuasa nu Tumpu Allah.

LUKAS 8:13

Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

SISIKON NU TO RASUL-RASUL 5:39

Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.

1 KORINTUS 11:19

Memang konamo na ko poga'a-ga'atan itina' hi komiu da otoaje saidi' mae ihehe na mian Kristen anu totu-totu'u.

1 KORINTUS 15:12

De anu opolele mami, aijo'mo i Kristus anu sinilakamo po'ule' pinotumuu', kadaka' daagi' ko anu itina' hi komiu notatae tukoonyo, mian anu sinilakamo madi'mo po'ule' opotumuu'?

KOLOSE 3:1

Komiu po'ule'mo pinotumuu' hingga-hinggat tiba i Kristus. Mokonyo aijo' tionyo ahi' komiu bala usaha da mohumpak hahan anu i suluga', anu kiita' mae na i Kristus mompalentah hingga-hinggat tiba Tumpu.

1 TIMOTIUS 1:19

Bala usaha mintoong i kapalesaya'an anu totu'u ka' obau ahi' nu kinyonyoa anu ma'ima' ka' susi'. Daagi' ko to mia-mian anu madi' montapali posi isi nu kinyonyoanyo anu ma'ima', sahingga natemo na kapalesaya'an nu aha.

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

1 TIMOTIUS 6:21

Kalana daagi' ko to mia-mian anu montaloakon tukoonyo aha daagi' ko ilimu' aijo', sahingga madi'mo pokakana tiba pangajalan nu Kristen anu nu palesaya nu aha u'utu mae. O amalakon da Tumpunto mombalakati to Utu-utus. Tabea' mami, I Paulus 13

2 TIMOTIUS 2:14

Tionyo ahi' beleyum mompo'ingatakon to mia-mian mongkona iwi-iwi' aijo'. I ahop nu Tumpu opokinde'i na aha boli painggaga mongkona to sisi-sisik. Aijo' madi' ko gunanyo, ola da mompobingong to mia-mian anu mohongo.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

IBRANI 3:10

Mokonyo aijo' Aku pinusamo hi aha ka' tinaloakon-Kumo, ‘Aha saja' madi' tulu-tulutan, ka' madi' mongka'oho' montuluti apaa na anu Kupalentahkon.’

YAKOBUS 5:19

To Utu-utusku! De itina' hi komiu daagi' ko pa' anu madi'mo daagi' montuluti pangajalan anu lengkat mae hi Tumpu, lantas mian sangga'at mompotimbali mian aijo' po'ule' minsusule' hi Tumpu Allah,

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.