2 TIMOTIUS 2:14 - KITAB NU TUMPU ALLA LELE MA'IMAI'

¹⁴ Tionyo ahi' beleyum mompo'ingatakon to mia-mian mongkona iwi-iwi' aijo'. I ahop nu Tumpu opokinde'i na aha boli painggaga mongkona to sisi-sisik. Aijo' madi' ko gunanyo, ola da mompobingong to mia-mian anu mohongo.

2 TIMOTIUS 2:14 ပူးပေါင်းရင်းမြစ်များ

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 2:11

Ma'isa toho' ko sa'angu' na bansa mompotolos pilogotnyo maumo ahi' aijo' misa' Tumpu Allah anu sahondo-hondonyo. Panyo, mian anu palesayamo hi beleng-Ku nompotolosmo Aku, anu nunu kabubunakon nu aha tiba apa-apaa anu madi' moko ala mombau apa-apaa.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

YEREMIA 23:36

Aha madi'mo timbali daagi' monggunakon potatae, ‘tanggungan anu nu bee' nu Tumpu’. De daagi' ko mian anu monggunakon potatae aijo', saba' Ku pojadimo na potuunon-Ku totu-totu'u da baumo tanggungan anu obee'mo hi ia. Mian anu montaloakon ‘tanggungan anu nu bee' nu Tumpu'’ ola kalana monggeo-geo'akon potataeng-Ku, Tumpu Allah nu aha, Tumpu Allah anu tumuu', Tumpu Anu Mahakuasa.

YEREMIA 7:8

Panyo sabenannyo ola ahi' palasuma na belemiu palesaya hi potatae anu baleko'.

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

MATIUS 16:26

Apaa na untungnyo hi toto samian de songko-songko na dunia aiya timbalimo anunyo, panyo madi'mo nu humpak na kantumuu'annyo? Timbali na kantumuu'an aijo' otolosi nu sambu-sambumo?

SISIKON NU TO RASUL-RASUL 13:10

lantas notatae, “He, anu talalo baleko', anu talalo ma'idek! Beleyum sampo bali' nu hahan anu ma'ima'. Kadaka' beleyum madi' mongka'oho' belenti na mongidei kahanda' nu Tumpu anu momposalamat mian?

SISIKON NU TO RASUL-RASUL 15:24

Kami nohongo daagi' ko to pia-piangkuka na mian lengkat aiya hi kami anu nambamo hi komiu ka' nompotasiaga tiba nompobingungmo komiu nu to panga-pangajalan nu aha. Padahan kami madi' nonsai aha mombau aijo'.

ROMA 14:1

Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

GALATIA 1:7

Sabenannyo madi'mo ko “lele ma'ima' anu sangga'at”. Ola ahi' daagi' ko to mia-mian anu mompolele hi komiu “lele ma'ima'” mongkona i Kristus anu nugeo-geo'akon nu aha sahingga mompobimbangmo komiu.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

2 TESALONIKA 3:6

To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha.

1 TIMOTIUS 1:4

Taloakon hi aha da bolimo daagi' mompajuli to sisi-sisik anu baleko', ka' to sisi-sisik anu pinolengkatannyo madi' ko kamingkotannyo. Iwi-iwi' aijo' ola saja' molubatakon painggagan, ka' madi' mompopodaka' makisut nu Tumpu anu ola timbali osumbu' de palesayamo hi Ia.

1 TIMOTIUS 1:6

Daagi' ko sambagian na mian anu madi'mo daagi' moko ala tumuu', sumo aijo', ka' tinasala'mo na jalan i painggagan anu madi' ko gunanyo.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

1 TIMOTIUS 5:21

I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum:

2 TIMOTIUS 1:6

Kalana aijo' aku mompo'ingat beleyum da ogunakon hondo-hondo na balakat anu binee' nu Tumpu hi beleyum tempo'nyo aku nombalakatimo beleyum.

2 TIMOTIUS 2:16

Opimpali na to sisi-sisik anu madi' ko gunanyo, ka' anu mongise-ise' Tumpu. Sisi-sisik sumo aijo' ola mombau mian mompaka pa'idek.

2 TIMOTIUS 2:23

Bolimo mombatuki painggagan nu to mia-mian ponga' anu madi' monsumbu' apa-apaa. Nusumbu' saba' iwi-iwi' aijo' ola monsaduakon painggagan.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

2 PETRUS 1:13

De aku daagi' tumuu', ku oa'i pantas na saja' mompotuka' belemiu i hahan aijo'.

1 SAMUEL 12:21

Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.