2 TIMOTIUS 2:12 - KITAB NU TUMPU ALLA LELE MA'IMAI'

¹² De kita tataap sabaan, kita mompalentahje suele tiba Ia. De kita madi'mo mongakui Ia, Ia suele madi'mo mongakui kita.

2 TIMOTIUS 2:12 ပူးပေါင်းရင်းမြစ်များ

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

MATIUS 10:33

Panyo de ihe na madi' mongakui Aku i ahop nu mian da'isan, tukoonyo ia misa' anu mombatuki Aku, Aku suele madi' mongakui Ia, i ahop nu Tuumang-Ku i suluga'.”

MATIUS 26:35

I Petrus nontaami, “Mau mule' aku matemo tiba Kita Tuuma, aku madi' motatae tukoongku, aku madi' monsumbu' Kita Tuuma!” Ka' iwi-iwi' anu saja' mombatuki Ia, sangga'at notatae sumo aitu suele.

MATIUS 26:75

Ka' i Petrus tinonginau'mo apaa na koonyo i Yesus hi ia, “Ma'isa pe'e manuk mintutuhu', beleyum pinintolumo nombahakon Aku.” Lantas i Petrus nosabat, ka' i humaang kalana talalomo nolibos.

MARKUS 10:33

“Hongomo”, na koo-Nyo, “kita u'uka hau-haunyo mokiijo'mo i Yerusalem. Kiijo' mae Anak nu Mian obee'mo hi to kapa-kapala nu imam ka' to gulu-gulu' agama. Ia o hukumo mate; lapas aijo' obee'mo hi to mia-mian anu misa' Yahudi.

MARKUS 8:38

De toto samian ma'ambang na mongakui Aku ka' pangajalan-Ku, i tempo' nu duluhaka ka' ka'idekan aiya, Anak nu Mian suele ma'ambang na mongakui mian aijo', tempo'nyo Ia po'ule' toka tiba kuasa nu Tuuma-Nyo, tiba to mala-malaikat anu susi'.”

LUKAS 12:9

Panyo mian anu madi' mongakui i ahop nu mian da'isan tukoonyo ia anu saja' mombatuki Aku, ia suele opojalo nu Anak nu Mian i ahop nu to mala-malaikat nu Tumpu.

LUKAS 22:29

Sumo Tuumangku nombee'imo hak mompalentah, sumo aitumo mule' na Aku mombee' hak aijo' hi komiu.

LUKAS 22:30

Ka' desumo aijo'mo, komiu timbalimo hingga-hinggat balasanang tiba Aku, de Aku timbalimo Tomundo. Ka' komiu saidi' mae sumuhangmo aita' i sampulu' ka' ohua' na kasuhangan nu Tomundo, da mompalentah sampulu' ka' ohua' na tulunan bansa nu Israel.”

LUKAS 9:26

De mian ma'ambang mongakui Aku tiba pangajalan-Ku, Anak nu Mian suele ma'ambang na mongakui mian aijo', de Ia po'ule'mo toka tiba kuasa-Nyo, ka' tiba kuasa nu Tumpu hingga-hinggat kuasa nu to mala-malaikat anu susi'!

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

ROMA 5:17

Kalana samian nolanggaimo anu otewa', kapatean nolelemo iyaya mae kalana sinaduakon nu samian aijo'. Lebe daka' mule' apaa na anu binau nu samian aijo'mo i Yesus Kristus. Kalana Ia, Tumpu mombee' molabi-labih na balakat-Nyo hi mian anu sumo aijo' na konjoo'nyo, ka' ola i halala'akon da aha timbali mompo'ule' ma'ima' tiba Tumpu; aha nongkuasai dunia aiya kalana i Yesus Kristus.

ROMA 8:17

Jadi, de kita to ana-anak-Nyo, tantu kita mule' ko hak mohumpak hi Ia, anu tionyo montalima to bala-balakat anu pinosadiamo nu Tumpu bau bagi nu to ana-anak-Nyo. Kita tionyo mohumpak hingga-hinggat tiba i Kristus apaa na anu pinosadiamo nu Tumpu hi Ia; kalana de kita mongoa'i sansala tiba i Kristus, kita suele opopodaka' tiba Ia.

FILIPI 1:28

Tionyo ahi' komiu saja' baani; boli mabuhuk hi sampo bali' miu, tiba jalan anu sumo aijo' komiu momponyata'mo saba' aha tantu saidi' mae mahungku'mo, ka' komiu na saidi' mae untungmo, kalana posi Tumpu Allah na mombee'i ka'untungan hi komiu.

1 TIMOTIUS 5:8

Panyo de ko mian anu madi' montombuati to julu-julunyo, lebe-lebe mule' to utu-utusnyo, mian aijo' motundemo i kapalesaya'annyo; ia lebe ma'idek nu lingkuduimo na mian anu madi' palesaya.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.

ANU PINOTO'I HI YOHANES 20:6

Mohumpakmo ka'ima'an na to mia-mian anu po'ule'mo o potumuu' i bahagian anu momonanyo aijo'. Aha konanyomo na timbali anumo nu Tumpu. Kasilakan anu kopinduannyo madi'mo mongkuasai aha. Aha timbalimo to ima-imam nu Tumpu, ka' to ima-imam i Kristus; ka' aha mompalentahje tiba Ia kopinnyo samadala na taun.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

ANU PINOTO'I HI YOHANES 3:8

Ku sumbu' apaa na anu binaumo miu. Ku sumbu' saba' belemiu madi' talalo mahoson; belemiu nombatukimo pangajalan-Ku ka' nohongo-hongomo Aku. Kona hi belemiu tinuhea'akon-Kumo na sa'angu' na tumban anu madi' daagi' opoko tumban nu mau mule' pa' ihe.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”