2 TIMOTIUS 2:11 - KITAB NU TUMPU ALLA LELE MA'IMAI'

¹¹ Totu'u hondo na potatae aiya, “De kita silakamo tiba Ia, kita po'ule'je tumuu' tiba Ia.

2 TIMOTIUS 2:11 ပူးပေါင်းရင်းမြစ်များ

YOHANES 14:19

Me sasaingoni' dunia madi'mo montoa Aku. Panyo komiu montoaje Aku. Ka' kalana Aku tumuu', komiu suele tumuu'.

ROMA 6:5

De kita tinimbalimo sa'a-sa'angu' tiba i Kristus kalana kita sinilakamo hingga-hinggat tiba Ia, kita mosa'angu'mo tiba Ia mule', kalana kita po'ule'mo opotumuu' suele susumo Ia.

ROMA 6:8

De kita matemo hingga-hinggat tiba i Kristus opalesayantomo taalu' kita suele ahi' tumuu'mo hingga-hinggat tiba Ia.

2 KORINTUS 13:4

Memang tempo'nyo Ia sinalib, Ia madi'mo noko ala nombau apa-apaa, panyo uuka aiya Ia tinumuu'mo kalana kuasa nu Tumpu Allah. Kami suele madi' moko ala mombau apa-apaa i uno nu kantumuu'an mami mosa'angu' tiba i Kristus. Panyo de mongahopi komiu, kami suele mahosonmo hingga-hinggat tiba i Kristus kalana kuasa nu Tumpu.

2 KORINTUS 4:10

Saja' o'oa'i i butong mami na i Yesus sinilaka, da kantumuu'an-Nyo suele saja' otoa i butong mami.

1 TESALONIKA 4:17

Lapas aijo' kita anu daagi' tumuu' tempo'nyo aitu, hingga-hinggat o hangkat tiba aha i uno nu kundom da mompahakabot tiba Tumpu i langa. Lantas kita jojoongmo hingga-hinggat tiba Tumpu sampe toka sidu-sidutu'.

1 TESALONIKA 5:10

Ia sinilaka kalana kita, da de Ia mompo'ule'mo toka – pa' kita daagi' tutuu', pa' kita sinilakamo – kita timbali tumuu' hingga-hinggat tiba Ia.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.

1 TIMOTIUS 3:1

Totu'u hondo na potatae aiya, “Mian anu ko kahanda' montoongi jama'at mongkahanda'i sa'angu' na pakalaja'an anu talalo ko angga'nyo.”

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.