2 TIMOTIUS 1:16 - KITAB NU TUMPU ALLA LELE MA'IMAI'

¹⁶ Panyo aha sa'anakon i Onesiforus noko to pimpi-pimpianmo ahi' na nompolame' kinyonyoangku. O'amalakon da Tumpu timbali mompotoa kalibosan-Nyo hi aha. Mau mule' aku i uno nu talungku', i Onesiforus madi' mongka'ambangakon i kantumuu'anku aiya.

2 TIMOTIUS 1:16 ပူးပေါင်းရင်းမြစ်များ

2 SAMUEL 2:6

Mokonyo' aijo' o'amalakon da Tumpu mompotoa kalibosan-Nyo ka' kanonongan-Nyo hi belemiu. Aku suele mompalentahje belemiu ma'i-ma'ima' kalana belemiu nombaumo sumo aijo'.

NEHEMIA 13:14

O Tumpu Allah-ngku, inau'akon mae na anu binaungkumo iwi-iwi' anu binaumo kapalaluan i Laigan nu Belento ka' apa-apaa na anu obau i unonnyo.

NEHEMIA 13:22

Lantas pinokaungkumo na mian nu Lewi haha aijo' mombau adatnyo pomposusi' butong ka' monjagai sabatan daka' haha aijo' montoa ka' montewa' anu toka mae, da mian iwi-iwi' mongadati sinaa nu Sabat. Aku binalado'amo, “O Tumpu Allah, inau'akon mae na aku kalana han aijo', ka' kalibosiakon mae na aku nu kalibosan nu Belento anu talalo hondo daka'.”

NEHEMIA 13:31

Ingatunkumo mule' da toka i sinaanyo anu tinantukanmo, kau' anu oposun de monsombahkonmo koloban, oposadiamo, ka' mian da'isan tionyo ahi' momboa mae palasombahan isi nu ale' anu momona ingala i'ale'. Ahennyo aku binalado'amo, “O Tumpu Allah-ngku, inau'akon mae na aiya iwi-iwi' ka' balakatiakon mae na aku.”

NEHEMIA 5:19

Ku kakaase o Tumpu Allah, inau'akon mae na iwi-iwi' na anu binaungkumo hi bansa aiya ka' balakatiakon mae na aku.

MAZMUR 18:25

Sahingga Tumpu nombalosimo kalakuanku anu saja' totu'u na ku bau, kalana Ia monsumbu' aku madi' ko kasala'an.

MAZMUR 37:26

Ia ola saja monsabolakon ka' mombee'i ka' to ana-anaknyo tinimbalimo balakat hi ia.

YEREMIA 39:17

Panyo Aku, Tumpu na saidi' mae monjagai beleyum. Beleyum madi' mule' obee' hi to mia-mian anu okabuhuk nu beleyum.

MATIUS 25:17

Sumo aitumo mule' na posaihon anu nontalima ohua' na madala na doi mosoni' aijo' nohumpak untung ohua' na madala mule'.

MATIUS 5:7

Bila-bilahi na mian anu mongkalibosi mian sangga'at; Tumpu mongkalibosije aha suele!

SISIKON NU TO RASUL-RASUL 21:33

Kapala nu suludadu aijo' namba hi Paulus lantas i hakopnyo ka' nompokau mian mompungu ia. Lapas aijo' kapala nu suludadu nompokilawamo pa'ihe na i Paulus aijo', ka' apaa na anu binaunyomo.

SISIKON NU TO RASUL-RASUL 28:20

Ka' aijo'mo na sababnyo pinoitangku da mompahakabot tiba komiu da basisik tiba komiu; kalana aku tinalungku' monsawani anu Momposalamat ota-otanda'i nu bansa Israel.”

1 KORINTUS 16:18

Aha nompolame'mo kinyonyoangku, sumo aha nompolame'mo kinyonyoa miu. To mia-mian anu susumo aijo' tionyo ahi' o'angga'i.

EFESUS 6:20

Kalana Lele Ma'ima' aijo', sahingga aku tinimbalimo mian anu sinai, ka' uuka aiya i unomo nu talungku'. Balado'a da aku baani na basisik montaeyakon Lele Ma'ima' aijo' anu sahondo-hondonyo ku taeyakon.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

2 TIMOTIUS 1:17

Salatan tinokamo i Roma, ia lau-laus binala usahamo nolio aku sampe ia siningkabot tiba aku.

2 TIMOTIUS 1:18

Ka' beleyum nonsumbu'mo saba' kiijo' mae i Efesus ia saja'mo hondo nontulungi mae aku. O'amalakon Tumpu mompotoa kalibosannyo hi ia, detakamo i sinaanyo na Tumpu momputusimo iwi-iwi' na mian.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

2 TIMOTIUS 4:19

Salan do'angku toka hi Priskila ka' hi Akwila ka' hi sampoto utusan i Onesiforus.

FILEMON 1:20

Mokonyo aijo', i uno nu sanggo nu Tumpu soba tulungi mae na aku, polame'akon mae na kinyonyoangku salaku anu moto utus hi Kristus.

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

I RUT 1:8

i Na'omi notataemo hi ua'aha na moniannyo aijo', “Belemiu sahanyo pinsusule'mo i laigan nu tina nu belemiu. Ku amalakon hi Tumpu da mongkanonongi belemiu, susumo belemiu suele nongkanonongimo aku ka' hi aha anu sinilakamo aijo'.