2 TIMOTIUS 1:13 - KITAB NU TUMPU ALLA LELE MA'IMAI'

¹³ Otuluti hondo-hondo na pangajalan anu totu'u anu binee'kumo hi beleyum. Ka' tionyo ahi' beleyum tataap mintoong i kapalesaya'an ka' kalibosan anu tinimbalimo anunto saba' nosa'angu'mo tiba i Kristus Yesus.

2 TIMOTIUS 1:13 ပူးပေါင်းရင်းမြစ်များ

AMSAL 23:23

Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.

AMSAL 3:18

Mian anu mintoong dodo-dodo i kapandean bapikin saidi' mae mongoa'ije kantumuu'an anu sahondo-hondonyo ka' ma'ima'.

AMSAL 3:21

Kalana aijo', otoongi na kapandean bapikin anu madi'mo sala' na mompopikilakon, o anakku! Boli hondo-hondo olapasakon,

AMSAL 4:13

Saja' o'inau' na pangajalan anu i humpakmo nu beleyum hi belengku. Ojaga na aijo' ima-ima' kalana tiba pangajalan aijo' kantumuu'an nu beleyum mingkalianganmo.

AMSAL 8:14

Akumo na anu nompotuka i uno nu kinyonyoa ka' mule' akumo na anu nomponyatamo. Aku pande ka' mule' mahoson.

ROMA 2:20

kita Utus mompogulu' to mia-mian anu tabiatnyo ma'idek, ka' gulu' nu to mia-mian ponga'. Kita Utus mangaku totu-totu'u i uno nu atulan nu agama Yahudi, kita Utus monsumbu' iwi-iwi' kapandean ka' pangajalan anu totu'u.

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

FILIPI 4:9

Opojalan apaa na anu ginulu'anmo miu, ka' anu ingalamo miu hi belengku; mau anu tinaeyakonku, mau pe'e anu binaungkumo. Tumpu Allah anu pinolengkatan mae nu ka'ima'an na montoa komiu.

1 TESALONIKA 5:21

Iwi-iwi' na apaa tionyo o uji', ka' anu ma'ima' tionyo ahi' obatuki.

1 TIMOTIUS 1:10

mongkona to mia-mian anu lewa' masala', talalo napisu nyo, lewa' mompopalaihakon to ana-anak talalo baleko'; to saki-sakisi baleko', ka' maumo ihe na mombau hahan anu mompaha sala' tiba pangajalan anu totu'u.

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.

1 TIMOTIUS 6:3

Ihehe na mongajanakon ajalan sangga'at anu madi' pokakana aijo' ka' madi' mompahakona tiba ajalan anu totu'u lengkat mae hi Tumpunto i Yesus Kristus, ka' tiba ajalan nu agamanto,

2 TIMOTIUS 1:1

O Timotius, anakku anu ku kanonongi! Aku, i Paulus, nontulis sulat aiya toka hi beleyum, ka' montaha'imani, da Tumpu Tuuma ka' Tumpunto i Kristus Yesus mombee'i balakat, kalibosan ka' ka'ima'an hi beleyum. Ka' kalana pongka'oho' nu Tumpu, aku i hangkatmo tinimbali rasul i Kristus Yesus ka' sinai da mompolele mongkona kantumuu'an anu jinanji'mo nu Tumpu. Kantumuu'an aijo' tinatimantomo, kalana nosa'angu'mo tiba i Kristus Yesus.

2 TIMOTIUS 1:14

Kalana tulungan nu Roh nu Tumpu anu tinumuu'mo i uno nu kantumuu'anto, tionyo ahi' nu jagai nu beleyum ima-ima' na hahan anu ko halaga'nyo, anu pinalesayakonmo hi beleyum.

2 TIMOTIUS 2:2

Ajalan anu u'utu mae i hongoummo lengkat hi belengku i ahop nu mian da'isan, tionyo ahi' beleyum mompalesayakonmo hi to mia-mian anu timbali opalesaya ka' anu pande na mongajan mian sangga'at.

2 TIMOTIUS 3:14

Panyo mongkona beleyum Timotius, tionyo ahi' beleyum tataap mintoong i aja-ajalan anu totu'u anu ingajanakonmo hi beleyum ka' nu palesaya totu-totu'u; kalana beleyum nonsumbu'mo ihe na to gulu-gulu' nu beleyum.

2 TIMOTIUS 4:3

Kalana tokaje na tempo'nyo, mian madi'mo daagi' mongka'oho' montalima pangajalan anu totu'u. Panyo ola ahi' aha montulutimo posi pongka'oho' nu aha, ka' momposihukmo manjoo' na to gulu-gulu' da o'ajanakon na hahan anu ma'ima' na ohongo nu bihing nu aha.

TITUS 1:9

Ia tionyo montoongi hoso-hoson pangajalan anu timbali opalesaya, sumo anu ingajanakonmo hi ia. Tiba jalan anu sumo aijo' ia moko ala mompokinde'i mian kalana montoongi pangajalan anu totu'u, ka' momponyata' kasala'an nu to mia-mian anu mompisala'i ia.

TITUS 2:1

Panyo beleyum, Titus, tionyo ahi' beleyum mongajanakon pangajalan anu matantu.

TITUS 2:8

Potatae nu anu sinsumbu' na opake da madi' nupoko ala nu pisala'i nu mian, da sampo bali'um timbali ma'ambang kalana madi' ko hahan anu ma'idek, anu timbali tewa' nu sisik nu aha na kita.

IBRANI 10:23

Kita tionyo ahi' mintoongmo hoso-hoson i anu otaha'imaninto, anu ingakuantomo kalana Tumpu timbali opalesaya, ka' apaa na anu jinanji'-Nyomo tionyo ahi' Nupodaagi'.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 4:14

Mokonyo aijo' kita tionyo ahi' mintoong hoso-hoson i pangakuan nu kapalesaya'anto. Kalana kita daagi' ko Imam Daka' anu talasanggo, anu ninsoopmo sampe tinoka i ahop nu Tumpu Allah – atina'mo i Yesus anak nu Tumpu.

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.

ANU PINOTO'I HI YOHANES 2:25

Panyo de tokamo i tempo'nyo Aku tokamo mae, tionyo ahi' belemiu saja' mombatuki apaa na anu daagi'mo hi belemiu.

ANU PINOTO'I HI YOHANES 3:11

Aku malia-lia' toka! Jagaimo ma'i-ma'ima' apaa na anu daagi'mo hi belemiu, da madi' ko samian pe'e na anu mongagoi tamboonyo nu ka'untungan miu, i uno nu kasabalan.

ANU PINOTO'I HI YOHANES 3:3

Jadi, po'ule' o inau' apaa na anu ingajanakonmo hi belemiu u'utu mae, ka' apaa na anu i hongomo miu. Pojalanmo na aijo' ka' balatobatmo i to dosa-dosa' miu. De belemiu madi' mobula, Akuje na toka hi belemiu sumo anu montomang; ka' madi' osumbu' miu hipian na tempo'nyo Aku tokamo mae.