2 TESALONIKA 3:6 - KITAB NU TUMPU ALLA LELE MA'IMAI'

⁶ To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha.

2 TESALONIKA 3:6 ပူးပေါင်းရင်းမြစ်များ

MATIUS 18:17

De ia madi' montalima pokinde' nu to mia-mian aijo', poto'i na han aijo' hi jama'at. Ka' kahimpusannyo de ia madi' mongka'oho' montalima pokinde' nu jama'at, anggapmo na ia sumomo anu montage hasin, ka' samian anu madi' monsumbu' Tumpu Allah.”

ROMA 16:17

To Utu-utus! Kupoita sabole-boleh: Obala'ingati na to mia-mian anu monsaduakon poga'a-ga'atan ka' mompotabuntala' kapalesaya'an hi Tumpu. Anu susumo aijo' mompaha kea' tiba anu pinogulu'mo hi komiu. Opolilit na mian sumo aijo'.

1 KORINTUS 11:2

Kupuji' na komiu kalana komiu saja' monginau' aku, ka' mohongo-hongo pokinde' anu binee'kumo hi komiu.

1 KORINTUS 5:9

I uno nu sulatku anu u'utu mae, aku nompoto'imo hi komiu da boli mosangalu tiba mian saja' masala'.

2 KORINTUS 2:10

De komiu mongampuni mian anu nombaumo sala' hi komiu, saba' aku suele mongampuni ahi' mian aijo'. Kalana apaa na anu ingampunankumo – de memang ko anu palalu o ampuni – aijo' ku ampuni i ahop i Kristus bau ka'ima'an nu komiu.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

1 TESALONIKA 4:11

Bala usaha da tumuu' sabaan, ka' boli monggalo'i ulusan nu mian sangga'at. Tionyo ahi' komiu mokalaja mosi lio anu okaan, susumo anu pinalentahkonmo mami u'utu mae.

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

2 TESALONIKA 2:15

Mokonyo aijo' to Utu-utus tinjomo hoso-hoson ka' saja' toongi na to panga-pangajalan anu binee'mo mami hi komiu mau anu pinoto'i mau pe'e anu tinulis.

2 TESALONIKA 3:7

Posi komiu monsumbu'mo, saba' komiu tionyo ahi' montiho' sonto' kami. Kami madi' lewa' moluluk tempo'nyo kami daagi' itina' mae hi komiu.

1 TIMOTIUS 5:21

I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

2 YOHANES 1:10

Kalana aijo' de daagi' ko mian toka ka' mompolele hi belemiu pangajalan anu madi' ingajanakon i Kristus, boli montalima mian aijo' i laigan miu kabai monsalan do'ai ia.