2 TESALONIKA 3:5 - KITAB NU TUMPU ALLA LELE MA'IMAI'

⁵ O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.

2 TESALONIKA 3:5 ပူးပေါင်းရင်းမြစ်များ

1 TOMU-TOMUNDO' 8:58

O'amalakon da Tumpu Allah mompotimbali mae kita to mia-mian anu tulu-tulutan hi Ia, dan i uno nu kantumuu'anto saja' mombatuki pongka'oho-Nyo, ka' montuluti atulannyo iwi-iwi' ka' palentah-Nyo anu binee'-Nyomo hi mompolee'to.

1 TAWARIKH 29:18

O Tumpu Allah anu nu sombah i Abraham, i Ishak tiba i Yakub mompolee' mami, de timbali da belento montoa mae kami da mian anu pinalesayamo hi belento sabole-bole mongka'ima'i belento susumo tempo' uuka aiya ka' tulungiakon mae da aha saja' tulu-tulutan hi belento.

MAZMUR 119:36

Balakatiakon mae na aku da ko kahanda' montuluti atulan nu Belento, da boli mule' ko kahanda' lebe penting na timbali kaya.

MAZMUR 119:5

O' amalakon da kinyonyoangku mahoson na montuluti atulan nu Belento iwi-iwi'.

MAZMUR 40:1

Anu mongkapalai panyanyi. Mazmur i Daud.

AMSAL 3:6

O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

YEREMIA 10:23

O Tumpu, madi' ko samian pe'e na anu mahakuasa timbali montantukan uki'nyo kabai moko ala mosi tantukan jalan nu kantumuu'annyo.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

MOHAANGI 3:26

Jadi, sahanyo ahi' otanda'into ima-ima' sampe Tumpu tokamo mae montulungi;

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

ROMA 8:25

Panyo de kita montaha'imani apa-apaa anu ma'isa tinoanto, yo kita sabaan na montanda'i.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

1 TESALONIKA 3:11

O amalakon hi Tumpu Tuumanto ka' Tumpunto, i Yesus mombee'i kasampatan hi kami da singkabot tiba komiu!

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 PETRUS 4:1

Kalana i Kristus nongoa'imo kasansala'an salaku butongnyo, belemiu suele tionyo ahi' mompohoson butong nu belemiu nu tanga'an anu sumo aijo'. Kalana mian anu nongoa'imo kasansala'an salaku butong madi'mo mombau dosa'.

2 PETRUS 3:12

hau-haunyo komiu montanda'i ka' mongindi Sinaa katokaanmo nu Tumpu. I Sinaa aijo' langit motoyo'mo iwi-iwi', ka' kalana panasnyo sahingga apa-apaa na anu aita' i langit moe'mo sumo uee.

1 YOHANES 4:19

Kita mongkalibosi, kalana Tumpu momonamo na mongkalibosi kita.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.

ANU PINOTO'I HI YOHANES 13:10

“Mian anu tionyo o hakop, memang tionyo o hakopmo. Ka' mian anu tionyo o patei nu bajak, memang o pateimo nu bajak. Mokonyo aijo' mian anu palesayamo hi Tumpu tionyo sabaan ka' tulu-tulutan.”