2 TESALONIKA 3:2 - KITAB NU TUMPU ALLA LELE MA'IMAI'

² Do'akon suele da Tumpu momposalamat kami da boli nu silakai nu to mia-mian anu palaganta ka' ma'idek. Kalana madi' iwi-iwi'mo na mian anu pinalesayamo i lele anu lengkat mae hi Tumpu aijo'.

2 TESALONIKA 3:2 ပူးပေါင်းရင်းမြစ်များ

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

LUKAS 18:8

Palesayamo: Ia malia-lia' montinjohi palakala nu aha! Panyo de Anak nu Mian tokamo, pa' daagi' okabot na mian palesaya hi Ia, i dunia aiya?”

SISIKON NU TO RASUL-RASUL 13:45

Salatan to mia-mian nu Yahudi nontoa mian da'isan aijo', nasakit hondo na kinyonyoa nu aha. Aha nompopo'ise'mo i Paulus ka' nonggagakonmo iwi-iwi' anu tinaloakonnyo.

SISIKON NU TO RASUL-RASUL 13:50

Panyo to pangka-pangkat daka' i kota aijo', ka' to bouboune gampa nu aha to mia-mian anu ko pangkat matangkas anu mabuhuk hi Tumpu, sinale'anmo nu to mia-mian Yahudi. Aha nonsabapi da mo'uwali tiba hi Paulus ka' i Barnabas, ka' nolaa' ua-ua'aha mompala'i tano' aijo'.

SISIKON NU TO RASUL-RASUL 14:2

Panyo to mia-mian Yahudi anu madi' mongka'oho' palesaya, nonsale'imo to mia-mian misa' Yahudi, sahingga nonsabapimo aha mongka'ideki to mia-mian anu palesayamo hi Yesus.

SISIKON NU TO RASUL-RASUL 17:5

Panyo to mia-mian Yahudi madi' sanang na kinyonyoa. Aha nolaga to mia-mian anu mahalajangan i jalan-jalan ka' nongatun posa'angu'an kalakuan anu ma'idek. Lantas aha nompokalangkabutmo songko-songko na kota aijo' ka' nompinsoopi laigan nu samian anu palesaya sanggonyo i Yason molio i Paulus, ka' i Silas, kalana aha ka'oho' momboa i Paulus ka' i Silas mosabat mangadap hi mian da'isan.

SISIKON NU TO RASUL-RASUL 25:27

Kalana de o ala i pongka'oho'ku, misa' kakonannyo na momboa samian anu tinalungku' ka' madi' momponyata' kasala'an-kasala'an anu otuukakon hi ia.”

SISIKON NU TO RASUL-RASUL 28:24

Daagi' ko anu palesaya hi apa-apaa na anu tinaeakon i Paulus, panyo daagi' mule' ko anu madi' palesaya.

ROMA 10:16

Panyo madi' iwi-iwi' na mian montalima Lele Ma'ima aijo'. Kalana i Yesaya notataemo, “Kita Tumpu, ihe na palesaya i anu opolele kami?”

ROMA 15:31

Balado'a da Tumpu molapasakon aku i lima nu to mia-mian anu madi' palesaya kiijo' mae i Yudea, da kalajangku momboa pontulungimo kiijo' i Yerusalem otalima nu kinyonyoa sanang nu mian anu palesayamo hi Tumpu kiijo' mae.

1 KORINTUS 15:32

De aijo' ola lengkat i pikilan nu mian, apaa na untungnyo hi belengku mompagala mokalaja susumo anu mongewa to bina-binatang bisa' i kota, i Efesus aiya? De totu'u mian silaka madi'mo po'ule' opotumuu', yo lebe ma'ima' obatukintomo na ande-andeon aiya: “Imbo' da kita mongkaan monginum ka' basanang-sanang kalana dodop manau' kita silakamo.”

PO'ULE' INGULIT 32:20

Ia notatae, ‘Aku madi'mo montulungi aha; pojohok Ku toaje pa' mosia na ka ahenannyo mae na aha. Kalana bansa aijo' talalo hondo panggaga ka' madi' hondo mohongo-hongo.

1 TESALONIKA 2:18

Kami ko tanga'an mamba molenga komiu; ka' aku nonsobamo ninsan ka' pininduanmo, panyo kami nugologo'i nu Ibilis.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.