2 TESALONIKA 3:14 - KITAB NU TUMPU ALLA LELE MA'IMAI'

¹⁴ Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang.

2 TESALONIKA 3:14 ပူးပေါင်းရင်းမြစ်များ

EZRA 9:6

Aku notataemo, “O Tumpu Allah-ngku, aku aiya ma'ambang na momposindahakon ubaku i ahop nu belento. Dosa' mami tinumambunmo aita' i ubak mami sahingga nonsulungmo langit.

MAZMUR 83:16

Loloi'mo na aha nu antong daka' nu Belento, potolokengkeng na aha nu baleba' anu makansang hondo nu Belento.

AMSAL 5:13

Aku madi' nongka'oho' nohongo to gulu-gulu'ku ka' madi' nongka'oho' nombatuki aha.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

ZEFANYA 3:2

Silakamo na kota' anu madi' mongka'oho' montalima pokinde' nu Tumpu ka' madi' mule' mompalahatikan apaa na anu Nu tewa' boli obau, ka' anu madi' mongasanakon nasipnyo hi Tumpu ka' madi' momoita tulung hi Ia!

NOMBILANGMO 12:14

Tinaaman nu Tumpu, “De bisuannyo ohupnyo tinupe'an nu tuumanyo, te misa' kopinnyo pitun sinaa na ia tionyo ahi' mongoa'i ambang? Lalin pe'e na ia boli jojoong i kemah kopinnyo pitun sinaa, ka' lapas aijo' timbalije ia minsusule' mae.”

MATIUS 18:17

De ia madi' montalima pokinde' nu to mia-mian aijo', poto'i na han aijo' hi jama'at. Ka' kahimpusannyo de ia madi' mongka'oho' montalima pokinde' nu jama'at, anggapmo na ia sumomo anu montage hasin, ka' samian anu madi' monsumbu' Tumpu Allah.”

ROMA 16:17

To Utu-utus! Kupoita sabole-boleh: Obala'ingati na to mia-mian anu monsaduakon poga'a-ga'atan ka' mompotabuntala' kapalesaya'an hi Tumpu. Anu susumo aijo' mompaha kea' tiba anu pinogulu'mo hi komiu. Opolilit na mian sumo aijo'.

1 KORINTUS 4:14

Ku tulis na aiya toka hi komiu, misa' pongambangi komiu, panyo bau pompokinde'i komiu sumo posi to ana-anakku.

1 KORINTUS 5:11

Kahanda'ku aijo'mo da komiu boli mosangalu tiba mian anu mangaku butongnyo mian Kristen, panyo mian aijo' saja' masala' kabai mangoa kabai motunde pilogot, kabai saja' mombusi-busiki mian sangga'at, kabai saja' malangu, kabai mule' pambuling. Sumuhang mongkaan tiba mian aijo' pe'e boli!

1 KORINTUS 5:9

I uno nu sulatku anu u'utu mae, aku nompoto'imo hi komiu da boli mosangalu tiba mian saja' masala'.

2 KORINTUS 10:6

Ka' de komiu tulu-tulutanmo totu-totu'u, kami mohukumo mian iwi-iwi' anu madi' tulu-tulutan.

2 KORINTUS 2:9

Aku nontulis sulat itina' toka hi komiu ko kahanda' monguji' komiu, pa' komiu saja' mongka'oho' mombatuki sonto'-sonto' lengkat hi belengku.

2 KORINTUS 7:15

Uuka ia nompaka kalibosimo komiu, kalana nututugi komiu Utus iwi-iwi' mongka'oho' mohongo-hongo pongatunnyo, ka' mosia na komiu nontalimamo ia ka' nongadatimo ia ka' tulu-tulutan.

PO'ULE' INGULIT 16:12

Otuluti na palentah-Nyo iwi-iwi' ka' opajuli ahi', ka' boli okolilimi na belemiu naipuan mae binotuanan i Mesir.”

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

KOLOSE 4:16

Opoko basa' na sulat aiya hi komiu o usahakon da suele aijo' obasa'akon hi jama'at Laodikia. Sumo aitu mule' komiu tionyo ahi' mombasa' sulat aiya anu opakatuje mae lengkat i Laodikia toka hi komiu.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

2 TESALONIKA 3:6

To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha.

TITUS 2:8

Potatae nu anu sinsumbu' na opake da madi' nupoko ala nu pisala'i nu mian, da sampo bali'um timbali ma'ambang kalana madi' ko hahan anu ma'idek, anu timbali tewa' nu sisik nu aha na kita.

TITUS 3:10

Mian anu monsaduakon poga'a-ga'atan i uno nu jama'at, tionyo ahi' nu tewa' minsan kabai pinduan, lapas aijo' boli daagi' mosangalu tiba ia.

FILEMON 1:21

Aku nontulis sulat aiya kalana ku palesaya hondo na kita Utus tantu mombauje apaa na anu pinoitangkumo. Ka' kusumbu' tantu kita Utus mombauje anu lebe molingkudui aijo'.

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.

2 YOHANES 1:10

Kalana aijo' de daagi' ko mian toka ka' mompolele hi belemiu pangajalan anu madi' ingajanakon i Kristus, boli montalima mian aijo' i laigan miu kabai monsalan do'ai ia.