2 TESALONIKA 3:11 - KITAB NU TUMPU ALLA LELE MA'IMAI'

¹¹ Kami motatae sumo aiya, kalana kami nohongomo, daagi' ko to mia-mian anu itina' hi komiu anu tumuu' ola lewa'mo luluk. Aha madi' mombau apa-apaa panyo ola ahi' saja' monggalo'i ulusan nu mian sangga'at.

2 TESALONIKA 3:11 ပူးပေါင်းရင်းမြစ်များ

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

1 TESALONIKA 4:11

Bala usaha da tumuu' sabaan, ka' boli monggalo'i ulusan nu mian sangga'at. Tionyo ahi' komiu mokalaja mosi lio anu okaan, susumo anu pinalentahkonmo mami u'utu mae.

2 TESALONIKA 3:6

To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha.

1 TIMOTIUS 5:13

Ka' mule' aha ola lewa' mongingkoti tempo' kalana lewa'mo mosabat ka' minsoop i laigan nu mian. Ka' anu lebe ma'idek mule', aijo'mo saba' aha lewa'mo mompitana'i sanggo nu mian sangga'at ka' monggalo'imo ulusan nu mian tiba lewa'mo monsisik hahan anu madi' palalu lewa' osisik.

1 PETRUS 4:15

Boli ko samian itina' hi komiu mongoa'i kasansala'an kalana ia topo patei, kabai pambuling, kabai anu saja' mombau idek, kabai kalana ia monggalo'i ulusan nu mian sangga'at.