2 TESALONIKA 2:8 - KITAB NU TUMPU ALLA LELE MA'IMAI'

⁸ atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

2 TESALONIKA 2:8 ပူးပေါင်းရင်းမြစ်များ

2 SAMUEL 23:7

mau pe'e samian madi' ko anu mongka'oho' mongkanyang ia de madi' mompake kau' kabai besak. Mian haha aijo' nohopu'mo tinoyo'an nu apu.

AYUB 4:9

Susumo bokon daka', sumo aitumo na Tumpu Allah mompatei aha, sahingga mohopu'mo iwi-iwi'!

MAZMUR 18:15

Ia nompana'akonmo pana'-Nyo iwi-iwi' ka' nomposungkehetmo sampobali'-Nyo; Ia nompo'uli-ulitmo kilatnyo pinoji-pojihinjit, ka' aha nopalaimo.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YESAYA 30:28

Nu sai na mombun mamba pe'e momona susumo iaba' anu kotangkas-Nyo ungka'mo gogohong anu monganjuhakonmo sinin na apaa. Nu silakaimo iwi-iwi' na to bansa-bansa ka' madi'mo mompojadi sinin na tanga'an nu aha anu ma'idek.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 7:25

Ia saidi' mae motatae, tukoonyo mongewamo Tumpu Anu Matangkas na Kuasanyo ka' mule' monsakisamo mian anu palesayamo hi hi Tumpu. Ia bala usaha da iwi-iwi na atulan obali'imo ka' mule' bau-bauon nu agama nu aha mian anu palesayamo hi Tumpu ka' mule' aha iamo na mongkuasai kopinnyo totolu' ka' mintonga na taun.

DANIEL 7:26

Lantas mian kopian kiita' isuluga' balagombumo ka' momputusimo da po ule'mo o, ala na kakuasa'annyo ka' mohansunimo ia sampe mingkot.

DANIEL 8:25

Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

HOSEA 6:5

Aijo' na sababnyo sinaing-Kumo na to nabi-nabing-Ku da mompotoka hi belemiu kaputusan-Ku, saba' belemiu tionyo ahi' o hukumo ka' osilakaimo. Anu Ku kahanda'i hi belemiu natantumo ka' naningkoyamo.

MATIUS 13:19

Bine' anu nanabu' i jalan sumomo to mia-mian mohongo lele mongkona mosia na Tumpu mompalentah, panyo madi' mangalati'. Anu Ma'idek aijo' tinoka ka' nongagoi apaa na anu daagi' pinoto'i i uno nu kinyonyoa nu aha.

MATIUS 13:38

Ale' aijo', aiyamo dunia aiya. Bine' anu ma'ima', aijo'mo to mia-mian anu tinimbalimo mian anu palesayamo hi Tumpu. To pada-padang aijo'mo to mia-mian anu mosambiha' hi Ibilis.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

2 TESALONIKA 2:3

Mau mule' mosiamo boli mompojohok mian mongakali komiu. Kalana ma'isa pe'e toka na Sinaa aijo', tionyo timbali na han aiya momonanyo: Da'isan na mian anu molalin i kapalesaya'an sangga'at, mompojalomo i Kristus; ka' Mian anu Ma'idek tinantukanmo minsoop i nalaka tokamo mae mompotoa butongnyo.

1 TIMOTIUS 6:14

Tututimo na palentah iwi-iwi' aijo' ima-ima' ka' madi' ko kasala'annyo sampe i sinaa nu Tumpunto i Yesus Kristus po'ule'mo toka.

2 TIMOTIUS 1:10

Ka' uuka Tumpu nompotoamo balakat-Nyo aijo' hi kita, kalana nompotokamo mae Tomundo anu Momposalamat kita, i Kristus Yesus. I Yesus nompokalamo kuasa nu kapatean ka' nomboamo mae kantumuu'an anu sampe toka sidu-sidutu' montului Lele Ma'ima' aijo'.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 10:27

Me sa'a-sa'angu'nyomo na anu daagi' hi kita, aijo'mo mongahopimo pomputusian nu Tumpu, ka' apu nu tambuha'-Nyo anu mongangoti to mia-mian anu mongewa Ia!

1 YOHANES 2:13

Aku nontulismo toka hi belemiu to Tutuuma, kalana komiu nonsumbu'mo Ia anu polo-polo'mo daagi' salatanmo pe'e i momonanyo. Aku nontulismo toka hi belemiu, to Oli-olitau kalana komiu nohungku'imo, Anu Ma'idek.

1 YOHANES 3:12

Boli kita sumo i Kain, anu tinimbalimo anak nu Ibilis ka' nompateimo posi Utusnyo. Apaa na sababnyo i Kain nompateimo Utusnyo? Kalana hahan anu binaunyomo aijo' sala', panyo hahan anu binaumo nu Utusnyo aijo' totu'u.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.

ANU PINOTO'I HI YOHANES 1:16

Lima-Nyo koanan montoongi popitu' na mandala', ka' aijo' i nganga'-Nyo nosabat mae samata na bajak anu matajom poti-potimbiha'. Ohup-Nyo mangkunining sumo batu nu sinaa de sonsu'unmo.

ANU PINOTO'I HI YOHANES 13:5

Binatang aijo' pinobee'mo na montaeakon to hahan anu talalo molabi ka' mompopo'ise' Tumpu. Ia timbali mompalentah patompulu' ka' ohua' na bitu'on na kopinnyo.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.

ANU PINOTO'I HI YOHANES 2:16

Kalana aijo', balatobatmo i to dosa-dosa' miu! De madi' saidi' mae Aku po'ule'je toka hi belemiu ka' mompahampateakon mian haha aijo' nu bajak anu aiya i nganga'-Ku.

ANU PINOTO'I HI YOHANES 20:10

Lapas aijo' Ibilis anu nongakalimo aha aijo', i lumbu'akonmo i uno nu apu anu sumo ndalangon ka' belelang. I kiijo'mo na tampatnyo nu binatang ka' nabi anu madi' totu'u aijo' ingalin momonanyo. Aha sinakisamo sinaa ka' malom sampe toka sidu-sidutu'.