2 TESALONIKA 2:6 - KITAB NU TUMPU ALLA LELE MA'IMAI'

⁶ Ka' komiu nonsumbu'mo apaa na uuka aiya daagi' monsaduakon da ma'isa sida de iwi-iwi' aijo' kahanda'mo timbali. Tokaje i tempo' anu tinantukanmo nu Tumpu, Mian anu Ma'idek aijo' tokamo mae.

2 TESALONIKA 2:6 ပူးပေါင်းရင်းမြစ်များ

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

2 TESALONIKA 2:3

Mau mule' mosiamo boli mompojohok mian mongakali komiu. Kalana ma'isa pe'e toka na Sinaa aijo', tionyo timbali na han aiya momonanyo: Da'isan na mian anu molalin i kapalesaya'an sangga'at, mompojalomo i Kristus; ka' Mian anu Ma'idek tinantukanmo minsoop i nalaka tokamo mae mompotoa butongnyo.

2 TESALONIKA 2:7

Kahosonan anu mombau ka'idekan aijo' nontampu'unimo nokalaja panyo daagi' sumo anu maninsuluk, ma'isa talalo nyata'. Saidi' mae de anu montahan o alinakonmo,

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.