2 TESALONIKA 2:13 - KITAB NU TUMPU ALLA LELE MA'IMAI'

¹³ To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

2 TESALONIKA 2:13 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

2 SAMUEL 12:25

Tumpu mongkalibosi anak aijo' ka' nonsaimo i Nabi Natan da mamba monsanggohi anak aijo' i Yedija, kalana Tumpu mongkalibosi ia.

AMSAL 8:23

Aku tinali' salatanmo pe'e naipuan mae, i momonanyo ma'isa pe'e dunia aiya pinotimbali.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YEREMIA 31:3

itampat anu majo'on mae aku nompotoamo butong-Ku hi aha. O mian nu Israel, naipuan pe'e mae Aku memang ahi' mongkalibosi belemiu ka' memang Aku saja' ahi' sabole-bole mompotoa saba' Aku na saja' ahi' mongkalibosi belemiu.

DANIEL 10:11

Malaekat aijo' notataemo mae hi belengku, “O, Daniel, beleyum nu kalibosi nu Tumpu. Pobulaamo ka' mule' tinjomo lantas potombihingmo mae na potataengku aiya ima-ima'. Aku aiya sinaimo mae toka hi beleyum.” Tempo'nyo ia nontaloakon han aijo' aku tinuminjomo ka' ilakatnyomo.

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

DANIEL 9:23

Salatan beleyum notampu'unimo nongkakase hi Tumpu, Ia nontaamimo. Aku toka mae da mompotokakon kalana Ia mongkalibosi beleyum. Jadi potombihing mae ima-ima' hau-haunyo aku montalangkan alati'nyo nu anu tinoa aijo'.

LUKAS 1:75

saja' tulut hi Ia ka' momposanang kinyonyoa-Nyo i uno nu kantumuu'anto.

YOHANES 1:1

Momonanyo, ma'isa pe'e dunia pinotimbali, Potatae nu Tumpu Allah polo-polo'mo daagi'. Potatae nu Tumpu sa'a-sa'angu'mo tiba Tumpu ka' Potatae nu Tumpu sumo-sumomo Tumpu.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

SISIKON NU TO RASUL-RASUL 13:48

Tempo'nyo to mia-mian bansa sangga'at anu misa' Yahudi nohongo aijo', aha sinanangmo hondo, lantas nompuji-puji'mo potatae nu Tumpu. Ka' to mia-mian anu tinantukanmo nu Tumpu da mohumpak kantumuu'an ma'ima' ka' sampe toka sidu-sidutu', mian haha aijo' pinalesayamo.

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

ROMA 8:33

Ihe na anu moko ala mohenggo kita mian anu palesayamo ka' pinile'anmo nu Tumpu, de posi Tumpu na montaloakon kita madi'mo ko kasala'an?

ROMA 9:11

Ma'isa pe'e i hampe ua-ua'aha na anak aijo', Tumpu nompotantumo anu Nu pile'i saidi' mae. Pompile'i nu Tumpu aijo' madi' montoa i anu nupoko bau nu mian, panyo samata-mata posi pongka'oho' nu Tumpu na molaga. Kalana tempo'nyo ua-ua'aha na anak mo'ane i Ribka aijo' ma'isa noko ala mombau apa-apaa anu ma'ima' kabai ma'idek.

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

GALATIA 3:1

To Utu-utus mian nu Galatia! Komiu talalo hondo ponga'! Pa' ihe na nonsale'i komiu? I Kristus sinilaka kalana sinalib pinotalangkumo sahondo-hondonyo hi komiu!

EFESUS 2:8

Tumpu mongkalibosi komiu, aijo' na sababnyo Ia momposalamat komiu kalana komiu pinalesayamo hi Yesus. Kasalamatan miu atina' misa' posi hasin nu usaha miu. Aijo' te balakat nu Tumpu. Jadi, madi' ko samian pe'e na anu timbali mongkabubuulakon posi butongnyo mongkona han aijo'.

PO'ULE' INGULIT 33:12

Mongkona tulunan i Benyamin, ia notatae: “Aiyamo na tulunan nu bansa anu nukalibosi nu Tumpu. Ia monjagai aha pihi ka' malom ka' jinojoongmo hi aha.”

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

KOLOSE 3:12

Kita Utus mian anu palesayamo hi Tumpu. Tumpu nongkalibosimo komiu ka' nompile'imo da timbali iamo samata-mata na tumpu-Nyo. Mokonyo aijo' komiu tionyo ahi' mompotoa kalibosan, komiu tionyo ahi' manonong, boli kobubuun, motatae madi' ko pesa-pesa, ka' sabaan na mongoa'i sansala.

1 TESALONIKA 1:4

Osumbu' mami na komiu to utu-utus, nukalibosi nu Tumpu Allah ka' nompile'imo komiu da iamo samata-mata na tumpu-Nyo.

1 TESALONIKA 2:12

Kami mompokinde'i komiu, ka' kami mongkakeha'i komiu, ka' kami mompakisa da komiu tumuu' sumo aijo' sahingga momposanang kinyonyoa nu Tumpu. Kalana Tumpu nolagamo komiu da timbali mian i Dunia Bu'ou nu Tumpu ka' mongoa'i Kasanangan-Nyo.

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

1 TESALONIKA 5:9

Tumpu nompile'imo kita misa' da o hukum, panyo da o posalamat montului Tumpunto i Yesus Kristus.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TESALONIKA 2:10

Ia mompake iwi-iwi' na kapandean anu ma'idek bau pompobingong to mia-mian anu opateimo. Aha tionyo ahi' opateimo sabab madi' montalima ka' madi' mongka'ima'i lele anu totu'u lengkat mae hi Tumpu anu timbali momposalamat aha.

2 TESALONIKA 2:12

Ahennyo iwi-iwi' na mian anu mongka'ima'i dosa' ka' anu madi' palesaya hi anu totu'u aijo' o hukumo.

2 TESALONIKA 2:16

O amalakon hi Tumpunto Yesus Kristus ka' Tumpu Tuumanto mongindeko' ka' mompohosonakon kinyonyoa miu da komiu timbali mongkalaja ka' mompolele apaa na anu ma'ima'. Kalana Tumpu mongkalibosi kita, ka' kalana kanonongan nu kinyonyoa-Nyo, Ia nompotimbalimo kita saja' sabaan ka' montaha'imani anu ma'ima'.

2 TIMOTIUS 1:9

Tumpu momposalamat kita ka' molaga kita da timbali mian-Nyo anu palesayamo. Binaunyo na aijo' misa' mintoong i apaa na anu binauntomo, panyo mintoong i posi kahanda'-Nyo tiba balakat-Nyo. Ia mombee'i kita balakat-Nyo nontulu hi Kristus Yesus ma'isa pe'e dunia aiya pinotimbali.

2 TIMOTIUS 2:15

Tionyo ahi' beleyum bala usaha totu-totu'u da nu akui nu Tumpu sumo mian anu pantas na mokalaja hi Ia. Bala usaha da beleyum madi' ma'ambang na molakukan pakalaja'anum, panyo o'ajanakon ahi' na aja-ajalan anu totu'u lengkat mae hi Tumpu Allah.

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

IBRANI 1:10

Tumpu notatae mule', “Belento, Tumpu, momonanyo nompotimbalimo dunia, ka' posi Belento na nompotimbalimo langit.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 YOHANES 4:10

Aiyamo na kalibosan: Misa' kita na anu nongkalibosimo Tumpu Allah, panyo Tumpu na anu nongkalibosimo kita, ka' anu nonsaimo mae Anak-Nyo da kalana Ia, dosa'to iwi-iwi' nohumpakmo ka'ampunan.

1 YOHANES 4:19

Kita mongkalibosi, kalana Tumpu momonamo na mongkalibosi kita.