2 TESALONIKA 2:11 - KITAB NU TUMPU ALLA LELE MA'IMAI'

¹¹ Aijo' na sababnyo Tumpu mompotokamo hi aha sa'angu' na kuasa anu mompobingong, sahingga aha palesayamo hi apaa na anu madi' totu'u.

2 TESALONIKA 2:11 ပူးပေါင်းရင်းမြစ်များ

KAJADIAN 39:19

I Potifar notambuha'mo hondo-hondo.

MAZMUR 109:17

Ia sanang hondo na mongkutuki; bakas da ia nukona nu kutuk! Ia madi' sanang na mombalakati, Bakas da ia madi' mohumpak balakat!

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

YESAYA 66:4

Kalana aijo' Aku suele mombauje yayamo pongka'oho'-Ku ka' mompokonamo hi aha iwi-iwi na balaa' anu nukabuhuk nu aha. Kalana salatan Aku nolagamo madi' ko anu nontaami mae; salatana Ku notataemo madi' ko anu nompotombihing mae; Lebe nuka'ima'i nu aha na panggaga hi beleng-Ku, Aku nombaumo anu ma'idek.”

YEREMIA 27:10

Aha mongakalimo belemiu sahingga belemiu oboamo jo'o-j'on opala'imo na lipu' nu belemiu. Ku laa'mo na belemiu da madi'mo jojoong ilipu' nu belemiu, ka' belemiu silakamo.

YEREMIA 4:10

Lantas aku notataemo, “Tumpu Anu Matangkas na Kuasanyo, Belento nongakalimo mian nu Yehuda tiba mian anu jojoong i Yerusalem! Belento notataemo, koonto saidi' mae ko kadameanmo, padahan uuka aiya nyawa mami opateimo nu bajak.”

YEHEZKIEL 14:9

De samian na nabi ingakalanmo sahingga montaami sala'mo. Akumo ahi' na nongakali. Aku, Tumpu Anu Matangkas na Kuasanyo monsabatakonje ia da bolimo maninggalum tiba aha to mia-mian nu Israel.

YEHEZKIEL 21:29

Apaa na anu tinoamo nu belemiu madi' totu'u ka' mule' apaa na anu kinila-kilamo nu belemiu atina' pipinoto'imo nu belemiu suele ahi' baleko'. Kinyonyoa nu belemiu ma'idek ka' mule' palaganta, ka' sinaa anu pohukumanmo belemiu atina' anu pupusnyomo malia'mo mae toka. Bajak aijo' mongkolongmo gogohong nu belemiu.

MATIUS 24:11

Da'isan na to nabi-nabi anu madi' totu'u toka ka' mongakali da'isan na mian.

MATIUS 24:5

Kalana da'isan na mian anu toka mae mongala sanggong-Ku ka' motatae, ‘Akumo na Tomundo anu Momposalamat!’ Da'isan na mian nu akali nu aha.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

1 TESALONIKA 2:3

Kami monsale'i komiu misa' pa' sinangkalinga; ka' misa' mule' ko kahanda' anu madi' ma'ima' kabai ola mongakali.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,

2 TIMOTIUS 4:4

Aha mompitimo bihing na mohongo anu totu'u, panyo mompotombihingmo to sisi-sisik anu baleko'.