2 TESALONIKA 2:1 - KITAB NU TUMPU ALLA LELE MA'IMAI'

¹ Mongkona katokaan nu Tumpunto i Yesus Kristus, ka' mongkona kita saidi' mae Nu pisihukmo da jojoongmo tiba Ia, aiyamo na anu ku poita sabole-bole hi komiu:

2 TESALONIKA 2:1 ပူးပေါင်းရင်းမြစ်များ

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

MATIUS 25:32

Iwi-iwi' na bansa olimu' i ahop-Nyo. Lantas Ia mongga'atakon aha timbali ohua' na tompuk, sumo polaya' binatang mongga'atakon domba ka' mee'.

MARKUS 13:27

Ia monsaije to mala-malaikat molimu' mian anu pinile'an-Nyomo lengkat i opat na pasu'nyo nu dunia aiya, lengkat i puus nu dunia toka-toka i puus nu langit.”

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.

1 TESALONIKA 2:19

Komiumo na anu otaha'imani mami ka' okalame'akon mami. Kalana de Tumpu Yesus tokamo, ka' kita mangadapmo hi Ia, saba' komiumo na anu timbali obuulakon mami!

1 TESALONIKA 3:13

Tiba jalan anu sumo aijo' Tumpu mompohosonje kinyonyoa miu, sahingga komiu susi'mo ka' madi' ko alunyo i ahop nu Tumpu Tuumanto, de Tumpunto i Yesus tokamo hingga-hinggat tiba iwi-iwi' na mian anu Iamo na tumpu-Nyo.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus: