2 TESALONIKA 1:6 - KITAB NU TUMPU ALLA LELE MA'IMAI'

⁶ Ia mombaumo apaa na anu adin, ka' tionyo mombalosakonmo kasansala'an hi mian anu nonsansalamo komiu.

2 TESALONIKA 1:6 ပူးပေါင်းရင်းမြစ်များ

NOSABATMO 23:22

De belemiu tulu-tulutan hi ia ka' mombau iwi-iwi' apaa na anu Ku palentahkon, Aku na mahampate mongewa sampobali' nu belemiu iwi-iwi'.

ANU MOMPOLELE POTATAE NU TUMPU 3:17

Kututugi Tumpu momputusi mian anu ma'ima' na gau'nyo ka' mule' mian anu ma'idek na gau'nyo kalana toto sa'angu' na han ka' toto sa'angu' na han anu obau tionyo ahi' jadi i tempo anu tinantukanmo nu Tumpu.

YESAYA 49:26

Ku potimbalimo na sampobali' nu beleyum da mangoa i baso', sahingga aha mompaha pate-pateimo. Jadi iwi-iwi' na manusia saidi' mae monsumbu'mo, taalu' Akumo ahi', na Tumpu Anu momposalamat beleyum; Anu Mahoson hondo, Tumpu i Yakub Anu nontobusmo beleyum.”

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

KOLOSE 3:25

Ka' mau mule' ihe na anu mombau kasala'an, tionyo ahi' monsimbu iwi-iwi' na kasala'annyo aijo'; kalana Tumpu madi' mompile'i ohup nu mian.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

ANU PINOTO'I HI YOHANES 11:18

To mia-mian anu madi' monsumbu' Tumpu, noto'idekmo kalana tinokamo na tempo'nyo na Kita mompobuntumo pusa-nTo, ka' mule' tempo'nyomo na Kita momputusimo palakala nu to mia-mian anu i natemo. Aiyamo na tempo'nyo mombee'imo tamboonyo hi to posa-posaihon-To, aijo'mo to nabi-nabi. Ka' iwi-iwi' na mian-To anu pinalesayamo, aijo'mo iwi-iwi' na mian anu monsombah Kita, daka' maupe'e ise'. Aiyamo na tempo'nyo mohopu'imo to mia-mian anu nongideimo dunia!”

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”

ANU PINOTO'I HI YOHANES 18:20

O suluga', lame'akonmo na kota aijo' anu na'idekmo! O mian anu pinalesayamo hi Tumpu, to rasul-rasul, ka' to nabi-nabi balame-lame'mo! Kalana Tumpu nohukumo ia salaku pombalosi apaa na anu binaunyomo hi belemiu!

ANU PINOTO'I HI YOHANES 18:24

Babel i hukummo kalana i uno nu kota aijo' i humpakmo na baso' nu to nabi-nabi, baso' nu mian anu pinalesayamo hi Tumpu Allah – osain sanggo-sanggomo baso' nu iwi-iwi' mian anu pinateannyo i dunia aiya.

ANU PINOTO'I HI YOHANES 19:2

Pomputusi-Nyo palakala adin ka' pande hondo! Ia nomputusimo hukuman hi anu talalo hondo masala', anu nongideimo dunia kalana ia lewa' masala'. Tumpu nohukumo anu masala' aijo', kalana ia nompateimo to posa-posaihon nu Tumpu.”

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”