2 TESALONIKA 1:5 - KITAB NU TUMPU ALLA LELE MA'IMAI'

⁵ Ka' aiyamo na kanyata'annyo mosia na ko adinnyo na Tumpu Allah momputusi: Komiu nongoa'imo kasansala'an kalana Dunia Bu'ou nu Tumpu, ka' kalana aijo' komiu timbalimo pantas minsoop i unonyo.

2 TESALONIKA 1:5 ပူးပေါင်းရင်းမြစ်များ

AYUB 8:3

Tumpu Allah madi' toho' monggeo-geo'akon ka'adinan; madi' toho' mahungku' na montinjohakon kahondoan.

MAZMUR 111:7

Tumpu adin ka' manonong i han apa-apaa nu anu Nubau, iwi-iwi' na palentah-Nyo timbali otaha'imani.

MAZMUR 33:5

Ia mongka'ima'i palabuatan anu madi' tageo' tiba ka adinan; songko-songko na dunia nobuke'mo nu kalibosan-Nyo.

MAZMUR 50:6

Langit nompoitamo da Tumpu na momputusi palakala nu mian anu palesayamo hi Ia ka' da Iamo ahi' na timbali mian kopiannyo.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

LUKAS 20:35

panyo to mia-mian anu pantas po'ule' opotumuu' de silakamo, ka' tumuu' i tempo' anu tokaje mae, aha madi'mo mo'osoa.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

ROMA 8:17

Jadi, de kita to ana-anak-Nyo, tantu kita mule' ko hak mohumpak hi Ia, anu tionyo montalima to bala-balakat anu pinosadiamo nu Tumpu bau bagi nu to ana-anak-Nyo. Kita tionyo mohumpak hingga-hinggat tiba i Kristus apaa na anu pinosadiamo nu Tumpu hi Ia; kalana de kita mongoa'i sansala tiba i Kristus, kita suele opopodaka' tiba Ia.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

FILIPI 1:28

Tionyo ahi' komiu saja' baani; boli mabuhuk hi sampo bali' miu, tiba jalan anu sumo aijo' komiu momponyata'mo saba' aha tantu saidi' mae mahungku'mo, ka' komiu na saidi' mae untungmo, kalana posi Tumpu Allah na mombee'i ka'untungan hi komiu.

KOLOSE 1:12

ka' montalima kase hi Tuuma. Kalana Tuumamo aijo' na nompobee' komiu timbali montalima apaa na anu pinosadiakonmo nu Tumpu bau bagi nu miannyo anu palesayamo i uno nu kalaja'an-Nyo anu majingka.

1 TESALONIKA 2:14

To utu-utus, han anu ingoa'anmo miu ingoa'anmo suele nu jama'at nu Tumpu i Yudea anu tinimbalimo i Kristus Yesus na tumpu-Nyo. Komiu nongoa'i kasansala'an lengkat i posi bansa miu, sumomo anu ingoa'an nu to jama-jama'at nu Tumpu i Yudea, aijo' lengkat mae hi to mia-mian nu Yahudi.

2 TESALONIKA 1:11

Mokonyo aijo' kami saja' mondo'akon komiu. Kami balado'a da Tumpu mompotimbali komiu moko ala tumuu' mombatuki pongka'oho'-Nyo, kalana makisut aijo' sahingga Ia nolagamo komiu. O amalakon da Tumpu mongkuasai komiu mombatuki pongka'oho'nyo da mombau anu ma'ima' ka' mompokopiani iwi-iwi' na kalajanyo anu binaumo miu kalana pinalesayamo hi Kristus.

2 TIMOTIUS 2:12

De kita tataap sabaan, kita mompalentahje suele tiba Ia. De kita madi'mo mongakui Ia, Ia suele madi'mo mongakui kita.

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”

ANU PINOTO'I HI YOHANES 16:7

Lantas aku nohongomo potatae lengkat mae i mezbah nontaloakon, “Tumpu, Tumpu Anu Matangkas na kuasanyo, totu'u ka' adin na hukuman iwi-iwi' anu binee'mo nu Belento!”

ANU PINOTO'I HI YOHANES 19:2

Pomputusi-Nyo palakala adin ka' pande hondo! Ia nomputusimo hukuman hi anu talalo hondo masala', anu nongideimo dunia kalana ia lewa' masala'. Tumpu nohukumo anu masala' aijo', kalana ia nompateimo to posa-posaihon nu Tumpu.”

ANU PINOTO'I HI YOHANES 3:4

Panyo daagi' ko anu itina' hi belemiu i Sardis mian anu mompimpali da baju'nyo saja' belesi'. Aha aijo' lumajangje mohingga-hinggat tiba Aku mompusok baju' mopute', kalana aha pantasnyomo na sumo aijo'.