2 TESALONIKA 1:11 - KITAB NU TUMPU ALLA LELE MA'IMAI'

¹¹ Mokonyo aijo' kami saja' mondo'akon komiu. Kami balado'a da Tumpu mompotimbali komiu moko ala tumuu' mombatuki pongka'oho'-Nyo, kalana makisut aijo' sahingga Ia nolagamo komiu. O amalakon da Tumpu mongkuasai komiu mombatuki pongka'oho'nyo da mombau anu ma'ima' ka' mompokopiani iwi-iwi' na kalajanyo anu binaumo miu kalana pinalesayamo hi Kristus.

2 TESALONIKA 1:11 ပူးပေါင်းရင်းမြစ်များ

MAZMUR 138:8

Belento mongganapimo anu jinanji'mo nu Belento hi belengku boli belenti na mongatun mae mian anu palesayamo hi Belento.

MAZMUR 48:14

Soba palahatikan na pagannyo mesen, soba palesa na bentengnyo, da belemiu timbali monsisikakon hi lee' nu belemiu:

MAZMUR 51:18

Belento madi' mongka'ima'i koloban anu okolot; de maluanyo aku monsombahkon kiloban anu opotunu, Belento madi' ahi' mongka'ima'i.

MAZMUR 68:20

Opuji' na Tumpu, kalana Iamo na Tumpu anu momposalamat kita; sansina-toka sansinaa n simbu na kolononto.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YESAYA 66:9

Boli monsangka Aku momboa mian anu palesayamo hi beleng-Ku sampe toka na tempo'nyo opohampeamo ka' madi' mompojohok aha opohampe.” Sumo aijo' na koonyo nu Tumpu.

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

ZAKHARIA 4:7

Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

MARKUS 4:28

Aijo'mo na tano' anu mohasinakon: momonanyo pangkoengnyo, lapas aijo' buhaknyo, lantas bua'nyo.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

ROMA 15:14

To Utu-utus! Kusumbu' hondo daagi' manjoo' na anu ma'ima' hi komiu. Komiu suele monsumbu' iwi-iwi' aijo', ka' mule' timbali mompaha pogu-pogulu' samian tiba samian.

ROMA 8:30

Sumo aijo'mo na Tumpu nolaga aha anu tinantukanmo imoona; ka' aha anu ilaga-Nyo aijo', timbali nupobee' mompaha ima' tiba Ia. Ka' aha nupobee' mompaha ima' mule' tiba Tumpu Allah, mongala bahagian i kantumuu'an nu Tumpu.

1 KORINTUS 1:8

Posi i Kristus na monjagai komiu sampe i mihinyo; da de tempo'nyomo Ia po'ule'mo toka, komiu otokai mae madi' ko ideknyo.

EFESUS 1:16

aku madi' ko kamingkotannyo na tolo talima kase hi Tumpu Allah mongkona belemiu. Sanggo miu saja' kusanggo de aku balado'amo.

EFESUS 1:5

Sahingga Ia nontantukanmo momonanyo pe'e tukoonyo da kalana palesaya hi Yesus Kristus nu hangkatje na kita da timbali to ana-anak-Nyo. Ka' memang aijo'mo na anu nu nuka'oho' Nu bau.

EFESUS 1:9

Posi pongka'oho'-Nyo nu Tumpu na nompoto'imo hi kita lahasia nu tanga'an-Nyo; Ia nomputusimo tukoonyo tanga'an-Nyo aijo' nu potimbalije montului Kristus.

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

FILIPI 3:14

Mokonyo aijo' aku sapopopadeka'nyo mompanjolongi anu okahanda'i i ka'ahenannyo mae da mohumpak ka'untungan, aijo'mo kantumuu'an i suluga'; makisut aijo' na Tumpu nolaga kita palesaya hi Kristus Yesus.

2 TESALONIKA 1:5

Ka' aiyamo na kanyata'annyo mosia na ko adinnyo na Tumpu Allah momputusi: Komiu nongoa'imo kasansala'an kalana Dunia Bu'ou nu Tumpu, ka' kalana aijo' komiu timbalimo pantas minsoop i unonyo.

2 TESALONIKA 2:14

Makisut aijo'na Tumpu nolagamo komiu, nontului Lele Ma'ima' anu pinoto'imo mami hi komiu. Tumpu nolagamo komiu, kalana Ia mongka'oho' da komiu hingga-hinggat mongoa'i mosia nakatalasanggoan nu Tumpunto i Yesus Kristus.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

ANU PINOTO'I HI YOHANES 3:4

Panyo daagi' ko anu itina' hi belemiu i Sardis mian anu mompimpali da baju'nyo saja' belesi'. Aha aijo' lumajangje mohingga-hinggat tiba Aku mompusok baju' mopute', kalana aha pantasnyomo na sumo aijo'.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”