2 TAWARIKH 9:8 - KITAB NU TUMPU ALLA LELE MA'IMAI'

⁸ O puji' na Tumpu, Tumpu Allah nu Belento Tuan. Nohangkatmo belento tomundo' tinimbali tomundo, da mompalentah kalana sanggo-Nyo, Ia nompotoamo hi belento tuan mosia na Ia sinanangmo hi belento Tuan. Kalana Ia mongkalibosi mian Israel ka' mongkahanda'i da aha sabole-bole ahi sa'angu' na bansa, sahingga Ia nohangkatmo belento Tuan binau tomundo nu aha, da belento Tuan sabole-bole ahi montoongi atulan ka' ka'adilan.”

2 TAWARIKH 9:8 ပူးပေါင်းရင်းမြစ်များ

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

2 SAMUEL 8:15

Sumo aijo' na i Daud nompalentah songko-songko na Israel ka' nu jaga da mian anu nu palentah, opalentah ma'i-ma'ma' adin.

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TAWARIKH 17:22

Bansa Israel pinotimbalimo nu Belento mian anu pinalesayamo hi belento sampe toka sidu-sidutu'. Ka' belento O Tumpu tinimbalimo Tumpu Allah nu aha.

1 TAWARIKH 28:5

Ia nombee'imo mae aku anak manjoo' ka' anak haha aijo' iwi-iwi' pinile'an-Nyomo na i Salomo nompalentah Israel kalaja'an nu Tumpu.

1 TAWARIKH 29:10

I ahop nu mian da'isan, i Tomundo' Daud nompuji'mo Tumpu. Ia notatae “O Tumpu Allah anu nu sombah i Yakub mompolee' mami, o puji' na belento sampe toka sidu-sidutu'!

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

1 TAWARIKH 29:23

Sahingga salaku binau pombolosi i Daud tuumanyo, i Salomo i hangkatmo nonsuhangi kasuhangan nu tomundo' anu pinoto'imo nu Tumpu. Ia tomundo' anu saja' mingkaliangan na tanga'annyo ka' o'angga'i nu aha bansa Israel iwi-iwi'.

2 TAWARIKH 13:8

Jadi uuka aiya osangka nu belemiu, belemiu moko alamo mongewa kakuasa'an anu binee'mo nu Tumpu hi lee' i Daud, kalana suludadu nu beleyum manjoo' ka' belemiu ko to sapi-sapi' mosoni' anu pinotimbalimo i Yerobeam pilogot nu belemiu.

2 TAWARIKH 2:10

Bau mantu nu to mia-mian nu Belento Tuan, ku pakatuje hi belento Tuan ohua' na ngahan nu gandum, toto sangahan 2.000 na ton, anggur konjoo'nyo 400.000 liter ka' lanya' nu zaitun 400.000 liter.”

2 TAWARIKH 2:11

Salaku pinombalosi sulat i Tomundo Salomo aijo', i Tomundo Hiram nompakatu sulat suele onyi'nyo sumo uuka, “Kalana Tumpu mongkalibosi mian anu pinalesayamo hi Ia, ia nohangkatmo Tuan tinimbalimo Tomundo nu aha.

2 TAWARIKH 9:7

Untung ahi' hondo na to mia-mian anu ko pangkatnyo, anu montuluti palentah ka' saja' mokalaja hi Tuan, sahingga timbali mohongo hi belento Tuan iwi-iwi' na pangajalan anu mompopande!

2 TAWARIKH 9:9

Lapas aijo' tomundo boune nu lipu' Syeba aijo' nombee'mo hi Salomo palasen mosoni' anu binoanyo mae molabi 400 na kilogram na mosoni', ka' mule' batu mainan ka' to lampa-lampa manjoo' hondo. Madi'mo toho' i Salomo nohumpak to lampa-lampa anu sumo aijo' na ko'ima'nyo susumo anu binee'mo i tomundo boune nu lipu' Syeba aijo', hi ia. (

MAZMUR 18:19

Aha nolambanimo mae aku tempo'nyo aku tinokanmo nu balaa', panyo Tumpu na nontulungimo mae aku.

MAZMUR 22:8

Iwi-iwi' na mian anu montoa mae aku, lewa' mongkokojoi aku, mombiu mae ka' mahabilokan.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

AMSAL 21:3

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

AMSAL 29:4

De anu balakuasa mompalahatikan ka'adilan, lipu'nyo saidi timbali mahoson. Panyo de ia ola mompalalui doi, lipu'nyo saidi'mae timbali hansun.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 62:4

Sanggo nu beleyum misa'mo daagi' ‘Anu Pinala'ianmo’, lipu' nu beleyum misa'mo daagi' ‘Anu ilingmo’. Beleyum osanggohimo, ‘Anu nu kalibosi nu Tumpu’, ka' mule' lipu' nu beleyum osanggohimo ‘Anu inaki'mo,’ kalana Tumpu sinitujumo hi beleyum, Ia sumomo ahi' langkai' nu beleyum ilipu' nu beleyum.

YESAYA 9:7

Tumpu nonabu'akonmo hukuman hi aha kalaja'an Israel.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.