2 TAWARIKH 9:24 - KITAB NU TUMPU ALLA LELE MA'IMAI'

²⁴ Aha toto samian toka mae ka' momboa mae palasen anu obee' hi Salomo. Aha mombee' to bala-balang mosoni', salaka, pakean, toongon anu bau pahampate, to lampa-lampa, ajahan ka' bagal. Sumo aijo' sataun toka sataun.

2 TAWARIKH 9:24 ပူးပေါင်းရင်းမြစ်များ

1 TOMU-TOMUNDO' 10:10

Lapas aijo' tomundo' boune nu lipu' Syeba nombe'eimo palasen hi Salomo anu binoanyo mae kila-kila 4.000 kilogram na mosoni' ka' suele batu nu mainan manjoo' hondo ka' manjoo'na lampa-lampa. Madi'mo daagi' toho' i Salomo nohumpak manjoo'na lampa-lampa anu sumo aijo' na konjoo'nyo susumo anu bine'eje nu tomundo' boune nu lipu' Syeba hi ia. (

1 TOMU-TOMUNDO' 10:25

Aha toto samian de aha toka mae ko anu nu boa mae nu aha o palasen nakon hi Salomo. Aha mombee'i to bala-balang salaka, mosoni', hude, toongon anu bau pahampate, santo lampa-lampa, ajahan ka' bagal. Sumo aijo'mo sataun toka sataun.

1 TOMU-TOMUNDO' 9:14

Molabi 4.000 kilogram na mosoni' anu binee'mo i Hiram hi Salomo.

2 TAWARIKH 17:11

Lengkat mae hi aha mian nu Filistin ia nohumpakmo manjoo' hondo na salaka ka' palasen sangga'at, ka' anu lengkat mae hi aha mian nu Arab 7.700 na domba ka' 7.700 na mee'.

2 TAWARIKH 9:23

Iwi-iwi' na tomundo ko kahanda' mamba singkabot tiba i Salomo ola mohongo pangajalan anu mompotimbali da pande, anu binee'mo nu Tumpu Allah hi ia.

2 TAWARIKH 9:9

Lapas aijo' tomundo boune nu lipu' Syeba aijo' nombee'mo hi Salomo palasen mosoni' anu binoanyo mae molabi 400 na kilogram na mosoni', ka' mule' batu mainan ka' to lampa-lampa manjoo' hondo. Madi'mo toho' i Salomo nohumpak to lampa-lampa anu sumo aijo' na ko'ima'nyo susumo anu binee'mo i tomundo boune nu lipu' Syeba aijo', hi ia. (

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

MAZMUR 68:30

To tomu-tomundo' momboamo palasombahan hi Belento, kiijo' i Laigan nu Belento i Yerusalem.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

TO MIA-MIAN KOPIAN 3:15

Panyo salatan aha mian nu Israel nomoitamo tulung hi Tumpu Ia nombee'mo i Ehud da mompobebas aha. I Ehud mian anu kewe'; ia anak i Gera tulunan mae nu bansa Benyamin, ka' iamo na saja' momboa hi Tomundo Eglon hasin anu tionyo ahi' o bayan nu mian Israel.

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.