2 TAWARIKH 9:21 - KITAB NU TUMPU ALLA LELE MA'IMAI'

²¹ Manjoo' na kapan i Salomo anu toto daka-daka' talabut i ndalangon anu ewa hondo hingga-hinggat tiba to kapa-kapan i Tomundo Hiram. Toto totolu' na taun minsan mae na kapan haha aijo' minsusule' mae momboa mosoni', salaka, sae nu gaja, balan ka' tomonsi' merak.

2 TAWARIKH 9:21 ပူးပေါင်းရင်းမြစ်များ

1 TOMU-TOMUNDO' 10:22

I Salomo ko kapan anu toto daka-daka' anu talabut hingga-hinggat tiba to kapa-kapan nu Tomundo' Hiram. Totolu' na taun ola minsan nakapan haha aijo' minsusule' mae momboa mae mosoni', sae nu gaja, balan ka' tomonsi' merak.

2 TAWARIKH 8:18

I Tomundo Hiram nompalentahmo da oboa na to kapa-kapan anu pinojalan nu posi mian i Hiram tiba to mia-mian sangga'at anu pandemo na mokalaja i kapan. Aha tinalabutmo namba i Lipu' Ofir tiba to mia-mian i Salomo ka' nongalamo kiijo' mae mosoni' 15.000 na kilogram, lantas binoamo mae nu aha hi Salomo.

2 TAWARIKH 9:20

Iwi-iwi' na pakakas anu bau ponginuman i Salomo mosoni' na binau, ka' iwi-iwi' na pakakas anu pino'una' i Balai Alas Libanon suele mosoni' anu madi' ko galo'nyo na binau. Daagi' tempo'nyo i Salomo, salaka o'anggap madi' ko olinyo.

AYUB 39:13

Talalo hondo malia' na tomonsi' unta mompapa'i polipiknyo! Panyo de kohong na lumahap madi' nupoko ala nu pokakanai.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

YEREMIA 10:9

Ia ilapisan nu salaka tiba mosoni' anu binoa mae lengkat i Spanyol ka' lengkat mae i Ufas, iwi-iwi' anu binau nu lima nu mian topo ukin tiba tukang tutuk mosoni'. Baju'nyo hude anu mingkamumu' hondo tiba anu madi' talalo mingkamumu' tinonun nu anu pande montonun ka' talalo ahi' pinokopianan.

YEHEZKIEL 27:12

Beleyum nompobalukmo bala-balang anu opodagang manjoo' hondo hi aha Spanyol, ka' salaku pombayan mae nu aha beleyum nontalimamo salaka, besak, timah mopute' tiba timah mo'itom.

YEHEZKIEL 27:15

Mian anu jojoong i Rodus suele binadagangmo mae hi beleyum ka' mule mian anu jojoong idaerah anu isonibi nu ambai nongolimo bala-balang anu nu podagang nu beleyum ka' suele aha nomboamo mae sae nu gaja tiba kau' mo'itom.

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.